Josué 10:3 - Bible in Tzeltal Bachajón

³ Ha scuentahil te Adonisedec te ajwalil yu'un Jerusalén la sticonlambe c'op te Hohan ajwalil yu'un Hebrón, Piream ajwalil yu'un Jarmut, Jafía ajwalil yu'un Laquis, soc Debir ajwalil yu'un Eglón, hich la yalbe:

Bible in Tzeltal de Oxchuc y Tenejapa

³ Ja' swentail te Adonisedec la sticunbey c'op te ajwaliletic, ja' te Hohan yu'un lum Hebrón, Piream yu'un lum Jarmut, Jafía yu'un lum Laquis, soc Debir yu'un lum Eglón. Jich la yalbey:

Josué 10:3 ပူးပေါင်းရင်းမြစ်များ

Génesis 23:2

Te Sara cham ta Quiriat-arba, (te Hebrón yan sbihil), te ay ta sq'uinal Canaán. Te Abraham tey la smel yo'tan soc tey la yoq'uetay a te Sara.

Génesis 37:14

Hich halbot bahel yu'un te stat: Bahan, ilawil teme lec ay te abanquiltac soc teme lec ay te tuminchijetique; ya me xtal awalbon ca'iy, xchi. Hich la sticon hahchel ta spamlej Hebrón, c'oht ta Siquem te José.

2 Samuel 2:11

Te jayeb ha'bil te ay ta ajwalil yu'un Judá ta Hebrón te David, ha huqueb ha'bil soc waqueb u.

2 Reyes 18:14

Ha yu'un te Ezequías ajwalil yu'un Judá la sticombe c'op te ajwalil yu'un Asiria te ay ta Laquis ta hich ora, hich la yalbe: Jtahoj jmul; loc'an ta jtojol, ya jpas spisil bintic yac awa'bon jpas, xchi. Hich te ajwalil yu'un Asiria la sc'ambe taq'uin te Ezequías ajwalil yu'un Judá, ho'lajunwinic (300) talento plata soc lajuneb scha'winic (30) talento oro.

2 Reyes 18:17

Patil te ajwalil yu'un Asiria la sticon bahel te jtsobaw yu'un soldadohetic, te mach'a muc' ya'tel, te mach'a scuentahinej jc'asesej-copa yu'un, soc bayel soldadohetic ta stojol te ajwalil Ezequías; hahchic bahel ta Laquis, bahtic ta ya'beyel guerra te Jerusalén. C'alal c'ohtic ta Jerusalén la spas scampamentohic ta nopol pasbil be-ha' yu'un te yawil ha' ta toyol, ta sbehlal sq'uinal te sac'ojibal pac'.

2 Crónicas 11:9

Adoraim, Laquis, Azeca,

Jeremías 34:7

c'alal te soldadohetic yu'un te ajwalil yu'un Babilonia yacalic ta ya'beyel guerra a te Jerusalén soc spisil te yantic pueblohetic yu'un Judá te hilemic to, ha te Laquis soc Azeca; como ha nax te pueblohetic ini te joytaybilic ta ts'ahc te hilemique.

Miqueas 1:13

Chucahic ta carreta te cawuhetic, ha'ex te nahinemex ta Laquis. Tey hahch a te smul te yantsil-nich'an Sión, como chicnaj ta atojolic te toybahiletic yu'un Israel.

Números 13:22

Hich mohic bahel ta Neguev, c'ohtic ta Hebrón te banti ay Ahimán, Sesai soc Talmai, te sts'umbalic Anac. Te Hebrón shuquebal ha'bil shu'el a te chicnaj Zoán ta Egipto.

Josué 10:1

Te c'alal la ya'iy te Adonisedec te ajwalil yu'un Jerusalén te la yich'ix Hai te Josué soc te jc'axel la sjin (yu'un te bin la spasbe te Jericó soc te ajwalil yu'un, hich la spasbe Hai soc te ajwalil yu'une), soc te bin ut'il te mach'atic yu'un Gabaón lamal yo'tan sbahic soc te snich'nab Israel soc te ayic ta yohlilique,

Josué 10:23

Hich la spasic, la sloq'uesic tal ta ch'en te ho'tuhl ajwaliletic: ha te ajwaliletic yu'un Jerusalén, Hebrón, Jarmut, Laquis soc Eglón.

Josué 10:34

Loq'uic bahel ta Laquis te Josué soc spisil Israel, c'ohtic ta Eglón; la spas campamento ta nopol tey a soc la ya'beyic guerra.

Josué 10:5

Ha yu'un te ho'eb ajwaliletic yu'un te amorreohetic, ha te ajwaliletic yu'un Jerusalén, Hebrón, Jarmut, Laquis soc Eglón la stsob sbahic, mohic bahel soc spisil te soldadohetic yu'unic, c'oht spas scampamentohic ta nopol Gabaón, hahch ya'beyic guerra.

Josué 14:15

Te sbihil te Hebrón ta nahilal ha Quiriat-arba, como te Arba ha jtuhl winic te muc' sc'oblal ta yohlil te sts'umbal Anac. Hich la scux yo'tan yu'un guerra te q'uinale.

Josué 15:54

Humta, Quiriat-arba (ha te Hebrón) soc Sior; baluneb pueblohetic soc te tut pueblohetic yu'unique.

Josué 15:63

Pero te snich'nab Judá ma ba hu' yu'unic sloq'uesel te jebuseohetic te nahinemic ta Jerusalén. Ha yu'un nahinemic ta Jerusalén soc te snich'nab Judá c'alal ora.

Josué 18:28

Zela, Elef, Jebús (ha te Jerusalén), Gabaa soc Quiriat; chanlajuneb (14) pueblohetic soc te tut pueblohetic yu'unique. Ha te q'uinal te c'oht ta scuenta te sts'umbal Benjamín, ha chican te jaychahp ayique.