Josué 10:11 - Bible in Tzeltal Bachajón

¹¹ C'alal yacalic ta ahnel loq'uel a ta stojol te snich'nab Israel ta cohel bahel yu'un Bet-horón, te Jehová la yac' tal ta ch'ulchan niwac batetic ta stojolic c'alal ta Azeca, hich lajic. C'ax hich lajic ta niwac batetic a te bin ut'il milotic ta espada yu'un te snich'nab Israel.

Bible in Tzeltal de Oxchuc y Tenejapa

¹¹ C'alal yacalic ta coel bael ta stojol Bet-horón te amorreoetic te ayic ta anel yu'un te israeletique, te Cajwaltic la yac' tel c'alal ta ch'ulchan muc'ul batetic, jich bit'il ton jul ta sjolic. Ja' c'axem to xan bayal lajic yu'un a te bit'il la smilic ta puñal te israeletique.

Josué 10:11 ပူးပေါင်းရင်းမြစ်များ

Génesis 19:24

Hich te Jehová la yac' tal ta ch'ulchan azufre soc c'ahc' ta stojol Sodoma soc Gomorra.

2 Samuel 18:8

Te guerra puhc bahel ta spahmal q'uinal, c'ax hich lajic a ta tohyem te'etic te bin ut'il lajic ta espada.

Job 38:22

¿Ay bal ochemat c'alal ta sq'uejojibal te me'sic, awiloj bal te sq'uejojibal te bat

Job 38:23

te q'uejbil cu'un yu'un yorahil wocol, yu'un te yorahil guerra soc tsaltamba?

Salmos 11:6

Ta stojol te mach'atic chopolic ya me yac' cohuc tal wocoletic hich te bin ut'il ha'al; ya x'a'bot yich'ic ac'al, azufre soc c'ahc'al ic'.

Salmos 147:17

Ya yac' cohuc tal bat hich te bin ut'il bic'tal tonetic; ¿mach'a ya xcuhch yu'un te siquile?

Isaías 28:2

Ilawil, te Jehová ay mach'a ay yu'un te ay yip soc ay yu'el: hich te bin ut'il ic'al ha'al te ay sbatul, hich te bin ut'il sutu-ic' te ya xlajinwan, hich te bin ut'il tulan ic'al ha'al te soc yip ya xmahl loq'uel. Tulan me ya sch'oj cohel ta lum,

Isaías 28:21

Te Jehová ya xhahch hich te bin ut'il la spas ta wits Perazim, ya x'ilin hich te bin ut'il ta spamlej Gabaón; yu'un ya spas te ya'tel, ha ya'tel te yan ta ilel, soc yu'un ya shu'tes te ya'tel, ha ya'tel te yan ta ilele.

Isaías 30:30

Te Jehová ya me yac' ta a'iyel te tulan sc'op soc ya me yac' ta ilel bin ut'il ya xco te sc'ab soc tulan yilimba soc c'ahc' te ya xlajinwan, soc sutu-ic', ic'al ha'al soc bat.

Ezequiel 13:11

Halbeya te mach'atic ya sbonic ta tan, te ya me xbusq'uij cohel. Ya xtal tulan ic'al ha'al soc ya jticon tal niwac bat soc ya xtal tulan ic'.

Deuteronomio 20:4

como te Jehová te Dios awu'unic ya me sjoquinex yu'un ya ya'be guerra te acontrahic, yu'un hich ya scoltayex a.

Apocalipsis 11:19

Jahm te templo yu'un Dios te ay ta ch'ulchan, chican ta yutil te templo te scaxahul te chapbil-c'op. Xliplajan tsantsehwaletic, xjuyet hahchel c'opetic, stsanlajan ta t'ohmel chahwuc, xyuq'uinaj nihquel, soc co tal niwac bat.

Apocalipsis 16:21

Xtitet cohel tal ta ch'ulchan ta stojol ants-winiquetic niwac bat te jun talento yalal te jujune. Te ants-winiquetic la sbohlc'optayic Dios yu'un te wocol yu'un te bate, como c'ax tulan te wocole.

Jueces 5:20

C'alal ch'ulchan la yaq'uic guerra te eq'uetic, c'alal ta sbehic la ya'beyic guerra te Sísara.