Josué 1:9 - Bible in Tzeltal Bachajón

⁹ Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.

Bible in Tzeltal de Oxchuc y Tenejapa

⁹ Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Josué 1:9 ပူးပေါင်းရင်းမြစ်များ

Génesis 28:15

Ya joquinat, ya jcanantayat bayuc ya xbahat soc ya quic'at suhtel tal li' ta q'uinal ini; ma ba ya jpihtesat ha to c'alal ya xc'oht ta pasel cu'un spisil te bin la jcalbat, xchi.

Génesis 39:2

Pero joquimbil yu'un Jehová te José, lec c'oht ta loq'uel spisil te bin la spas; nahin ta sna te yajwal, te egipcio-winique.

Génesis 39:3

Te yajwal la yil te joquimbil yu'un Jehová, te lec c'oht ta loq'uel spisil te bin la spas.

2 Samuel 13:28

Te Absalón hich la yalbe te a'batetic yu'un: Ya me awilic ta lec te Amnón te c'alal yacubenix yu'un vino a. Te c'alal hich ya cal: Milahic te Amnón, teme xchihone, ya me amilic. Ma me xiwex, como ho'on jmandar. Ac'a fuersa, ayuc me yip awo'tanic ta spasel, xchi.

1 Crónicas 28:20

Te David la yalbe xan te Salomón te snich'ane: Ac'a fuersa soc ayuc me yip awo'tan, pasa te a'tele. Ma me xiwat, ma me xpehc'aj awo'tan, como te Jehová te Dios cu'un ya me sjoquinat. Ma ba ya yihquitayat soc ma ba ya spihtesat ha to c'alal ya xhu' ta pasel spisil te a'teletic te ya xtuhun ta sna Jehová.

2 Crónicas 15:7

Pero ha'ex ac'ahic fuersa soc ma me xpehc'aj awo'tanic, yu'un ay bin yac atahic yu'un te awa'telique, xchi.

Salmos 46:7

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Isaías 43:1

Pero yo'tic, hich ya yal te Jehová, te mach'a la schicnajtesat, Jacob, te mach'a la spasat, Israel: Ma xiwat, como ho'on la jcac'at ta libre; la jquic'at ta abihil, ha'at cu'unat.

Isaías 43:5

Ma me xiwat, como joquinejat; ya quic'bat tal awal-anich'nabic ta stojol banti ya xloc' tal c'ahc'al soc ya jtsobat tal c'alal ta smahlib c'ahc'al.

Isaías 8:12

Ma me hichuc yac awalic te ha muquen chapbil-c'op spisil te bin ya yal te pueblo ini te ha muquen chapbil-c'op. Ma me xaxi'ic te bin ya xi'ic, ma me xiwat.

Daniel 10:19

hich la yalbon: Ma me xiwat, ha'at te c'uxat ta o'tanil, lamaluc me q'uinal xawa'iy; ac'a xan fuersa, ayuc me yip awo'tan, xchi. C'alal yac sc'opombelon a, la jquich' quip, hich la jcalbe: C'opojan, tatil, como la awa'bon xan quip, xchihon.

Hageo 2:4

Pero ayuc me yip awo'tan, Zorobabel, xchi te Jehová; soc ayuc me yip awo'tan, Josué snich'an Josadac, muc'ul sacerdotehat; ayuc me yip awo'tanic apisilic, ants-winiquetic ta q'uinal, xchi te Jehová. A'tejanic, como joquinejex, xchi te Jehová te scuentahinej spisil.

Hageo 2:5

Hich te bin ut'il la jchahp jc'op ta atojolic te c'alal loq'uex tal ta Egipto, ya xtal ta awohlilic te espíritu cu'un, ma me xiwex.

Hechos 4:19

Pero la sjaq'uic te Pedro soc Juan: Nopa awa'iyic teme ha toj ta pasel ta stojol Dios teme ya jch'uhuncotic spasel te bin yac awalic te ha'exe o teme ha ya jch'uhuncotic spasel bin ya yal te Diose,

Deuteronomio 1:21

Ilawil, te Jehová te Dios awu'un, la ya'batix te q'uinale. Bahan, u'untaya, hich te bin ut'il la yalbat te Jehová te Dios yu'un te ame'atatique; ma me xiwat soc ma me xpehc'aj awo'tan, xchihon.

Deuteronomio 20:1

Te c'alal ya xloc'at ta ya'beyel guerra te acontrahic, teme yac awil cawuhetic soc carretahetic, soc jun pueblo te c'ax hich smuc'ul a te bin ut'il te ha'ate, ma me xaxi', como ha sjoquinejat te Jehová te Dios awu'un, ha te la sloq'uesat tal ta sq'uinal Egipto.

Deuteronomio 31:23

Patil te Jehová hich la spas ta mandar te Josué snich'an Nun: Ac'a me fuersa soc ayuc me yip awo'tan, como ha'at yac awic' ochel te snich'nab Israel tey ta q'uinal te jc'axel la jcalbeyic ta jamal te ya ca'beyique. Ho'on me ya joquinat, xchi sc'oblal.

Deuteronomio 31:28

Tsobahic tal spisil te mamaletic yu'un te jujuchahpex soc te jtsobawetic awu'unic yu'un ya calbe ya'iyic spisil te c'opetic ini, soc ya cac' ta testigo ta stojolic te ch'ulchan soc te bahlumilal.

Josué 1:10

Ha yu'un te Josué hich la spas ta mandar te jtsobawetic yu'un te pueblo:

Josué 1:17

Ya jch'uhumbatcotic ac'op hich te bin ut'il la jch'uhumbecotic sc'op te Moisés; ha nax ac'a sjoquinat te Jehová te Dios awu'un hich te bin ut'il la sjoquin Moisés.

Josué 1:18

Mach'ayuc a ya stoy sba ta sc'axuntayel te mandar awu'un, te ma ba ya sch'uhun spasel spisil bintic yac awal, ac'a lajuc. Ha nax ac'a fuersa soc ayuc me yip awo'tan, xchihic.

Josué 10:25

Te Josué la yalbe: Ma me xiwex soc ma me xpehc'aj awo'tanic; pasahic me tulan soc ayuc me yip awo'tanic, como te Jehová hich me ya spasbe spisil te acontrahic te yac awa'beyic guerra, xchi.

Josué 10:8

Te Jehová la yalbe te Josué: Ma me xiwat ta stojolic, como ho'on la jca'batix ta ac'ab, mayuc jtuhluc ya stsalat, xchi.

Josué 3:7

Te Jehová hich la yalbe te Josué: Ha c'ahc'al ini ya xhahch cac' tohyuc ac'oblal ta sit spisil Israel, scuenta yu'un ya sna'ic te ya joquinat hich te bin ut'il la joquin te Moisés.

Josué 6:27

Joquinot yu'un Jehová te Josué, soc puhc bahel sc'oblal ta spahmal te q'uinale.

Josué 8:1

Te Jehová la yalbe te Josué: Ma me xiwat soc ma me xpehc'aj awo'tan; tsoba spisil te winiquetic yu'un guerra, hahchan, mohan bahel ta Hai. Ilawil, la jca'batix ta ac'ab te ajwalil yu'un Hai, te ants-winiquetic, te pueblo soc te q'uinal yu'une.

Jueces 6:14

Te Jehová la yilbe sit, hich la yalbe: Bahan soc te awipe, coltaya te Israel ta sc'ab te madianetique. ¿Ma bal ho'ucon ya jticonat bahel? xchi.

1 Samuel 10:7

Te c'alal c'ohemix ta pasel ta atojol a te señahiletic ini, pasa te bin ya sc'an awo'tan, yu'un sjoquinejat te Diose.