Josué 1:7 - Bible in Tzeltal Bachajón

⁷ Ha nax ac'a me fuersa soc ayuc me yip awo'tan, tsahtaya me ta spasel spisil te mandariletic te la yalbat te ca'bat Moisés; ma me xloc'at bahel ta wa'el o ta q'uexam, scuenta yu'un lec ya xc'oht ta pasel awu'un spisil bintic yac apas.

Bible in Tzeltal de Oxchuc y Tenejapa

⁷ Ja' nax ya jc'anbat te ma xiwate, pasa me tulan, ch'uuna spasel spisil te mandaliletic te la yalbat te cabat Moisés. C'otesa ta pasel te bila ts'ibubil, jich me lec ya xc'oat ta loq'uel soc spisil a te bitic ya xjajch' apase.

Josué 1:7 ပူးပေါင်းရင်းမြစ်များ

1 Reyes 2:2

Ya xbohonix te banti ya xbahtic spisil mach'atic ayic ta bahlumilal. Ac'a fuersa, pasa winiquil.

1 Reyes 2:3

Ch'uhuna te mandariletic yu'un Jehová te Dios awu'un, behenan ta behetic yu'un, pasa te chahpambil mandariletic soc te mandariletic, te bintic yaloj ta mandar soc te testigo c'op yu'un, hich te bin ut'il ts'ihbabil ta mandariletic yu'un Moisés, scuenta yu'un lec ya xc'oht spisil bintic yac apas soc ta bayuc ya xbahat.

2 Reyes 22:2

La spas te bin lec ta stojol Jehová, la st'umbe spisil te be yu'un David te stat, ma ba howiy ta wa'el o ta q'uexam.

1 Crónicas 22:13

Hich lec ya xc'ohat teme yac ac'ohtes ta pasel te chahpambil mandariletic soc te bin yaloj ta mandar te Jehová te la yalbe ta mandar te Moisés ta stojol Israel. Ac'a fuersa soc ayuc me yip awo'tan, ma me xiwat, ma me xpehc'aj awo'tan.

2 Crónicas 15:7

Pero ha'ex ac'ahic fuersa soc ma me xpehc'aj awo'tanic, yu'un ay bin yac atahic yu'un te awa'telique, xchi.

2 Crónicas 26:5

Jun yo'tan ta stojol Dios te c'alal cuxul to a te Zacarías, te ha la snohptes ta yich'el ta muc' te Diose. Te c'alal jun yo'tan ta stojol Jehová lec c'oht yu'un te bin la spase.

Job 1:8

¿La bal awil te ca'bat Job te mayuc mach'a yan hich pajal soc ta bahlumilal te lec soc toj ta winiquil, te yich'oj ta muc' te Dios soc mayuc bin chopol ya spas? xchi te Jehová.

Salmos 80:19

¡Jehová, Diosat te acuentahinej spisil, ac'a tihluc sts'anabul awelaw ta jtojolcotic, hich ya xcolotcotic a!

Proverbios 4:27

Ma me xhowiyat ta wa'el o ta q'uexam; ma xat'un te bin chopole.

Proverbios 8:20

Ya xbehenon ta toj be, ta sbehlal te bin toj ta pasel,

Daniel 10:19

hich la yalbon: Ma me xiwat, ha'at te c'uxat ta o'tanil, lamaluc me q'uinal xawa'iy; ac'a xan fuersa, ayuc me yip awo'tan, xchi. C'alal yac sc'opombelon a, la jquich' quip, hich la jcalbe: C'opojan, tatil, como la awa'bon xan quip, xchihon.

Números 27:23

La scajambe sc'ab ta sjol, la ya'be yich' ya'tel, hich te bin ut'il pasot ta mandar yu'un Jehová te Moisés.

Deuteronomio 11:8

Ha yu'un canantayahic spisil te mandariletic te yacon ta yalel ta atojolic, scuenta yu'un hich yac awich' awipic soc hich ya x'ochex ta yu'untayel a te q'uinal te yac awich'ic,

Deuteronomio 12:32

Tsahtaya me ta spasel spisil bintic ya jpasat ta mandar; ma me xawa'be xan smohlol soc ma me ayuc bin yac aloq'uesbe.

Deuteronomio 28:14

soc teme ma ba yac awihquitay spasel ta wa'el o ta q'uexam spisil te bin yac jpasbelat ta mandar ta ora ini, yu'un yac at'un bahel yantic diosetic soc yac awac' aba ta a'batinel yu'unique.

Deuteronomio 29:8

la jquich'betic sq'uinalic, la jca'betic yich'ic te Rubén, Gad soc te j'ohlil sts'umbal Manasés.

Deuteronomio 29:9

Ha yu'un q'ueja ta awo'tanic te bin ya yal te chapbil-c'op ini, soc ac'a c'ohtuc ta pasel awu'unic, scuenta yu'un lec ya xc'ohex a soc spisil te bintic yac apasique.

Deuteronomio 31:7

Patil te Moisés la yic' tal te Josué, hich la yalbe ta stojol spisil Israel: Ac'a me fuersa soc ayuc me yip awo'tan, como ha'at ya x'ochat soc te pueblo ini tey ta q'uinal te jc'axel la yalbe ta jamal te Jehová te ame'atatic te ya ya'beyic, ha'at me yac awa'be yich'ic te q'uinale.

Deuteronomio 4:2

Ma me xawa'beyic smohlol te c'op ya calbeyex ta mandar, soc ma me ayuc bin yac atup'ic tey a, scuenta yu'un yac apasic te mandariletic yu'un Jehová te Dios awu'unic te ya ca'beyexe.

Deuteronomio 5:32

Ila me awilic hiche te yac apasic hich te bin ut'il la spasex ta mandar te Jehová te Dios awu'unique, ma me xhowiyex ta wa'el o ta q'uexam.

Josué 1:1

Te c'alal chamix a te Moisés te a'bat yu'un Jehová, te Jehová la sc'opon te Josué snich'an Nun, ha te mach'a la scoltay ta a'tel te Moisés, hich la yalbe:

Josué 1:8

Ma me ayuc bin ora ya xhil awu'un yalel bin ya yal ha'i hun ini yu'un te Ley, ya me ana'ulan ta c'ahc'al ahc'abal, scuenta yu'un yac apas spisil te bintic ts'ihbabil tey a; hich lec ya xc'ohat bayuc ya xbehenat soc lec ya xc'oht spisil bintic yac apas.

Josué 1:9

Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.

Josué 11:15

Hich te bin ut'il Jehová la spas ta mandar Moisés te a'bat yu'un, hich nix te Moisés la spas ta mandar te Josué, soc hich nix la spas te Josué, mayuc la sch'ay jp'ahluc te bin pasot ta mandar yu'un Jehová te Moisés.

Josué 23:6

Ayuc me yip awo'tanic ta scanantayel soc spasel spisil bin ts'ihbabil ta hun yu'un te mandariletic yu'un Moisés, ma me xhowiyex bahel ta stojolic ta q'uexam o ta wa'el,