Josué 1:6 - Bible in Tzeltal Bachajón

⁶ Ac'a me fuersa soc ayuc me yip awo'tan, yu'un ha'at yac awa'be yich'ic te q'uinal te pueblo ini te la jcalbe ta jamal te sme'static te ya ca'beye.

Bible in Tzeltal de Oxchuc y Tenejapa

⁶ Ma xiwat, pasa tulan, yu'un ja'at me ya x'och ta awenta spuquel sq'uinal te lume, ja' te la calbey ame'-atatic ta namey te ya cac'beye.

Josué 1:6 ပူးပေါင်းရင်းမြစ်များ

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Génesis 26:3

Nahinan hich te bin ut'il jbehyom li' ta q'uinal ini. Ya joquinat soc ya ca'bat bendición, yu'un ya ca'bat aq'uinalin soc ats'umbal spisil te q'uinal ini, soc ya cac' c'ohtuc ta pasel te bin caloj ta jamal ta stojol te atat Abraham.

2 Samuel 10:12

Ac'a me fuersa, ya me jpastic tulan ta scuenta te pueblo cu'untic soc te pueblohetic yu'un te Dios cu'untique. Ac'a spas te bin lec ta pasel ya yil te Jehová, xchi.

1 Reyes 2:2

Ya xbohonix te banti ya xbahtic spisil mach'atic ayic ta bahlumilal. Ac'a fuersa, pasa winiquil.

1 Crónicas 22:13

Hich lec ya xc'ohat teme yac ac'ohtes ta pasel te chahpambil mandariletic soc te bin yaloj ta mandar te Jehová te la yalbe ta mandar te Moisés ta stojol Israel. Ac'a fuersa soc ayuc me yip awo'tan, ma me xiwat, ma me xpehc'aj awo'tan.

1 Crónicas 28:10

Ilawil, stsahojat te Jehová yu'un yac apas Na scuenta ch'ul awilal yu'un. ¡Ayuc me yip awo'tan, pasa te a'tele! xchi.

1 Crónicas 28:20

Te David la yalbe xan te Salomón te snich'ane: Ac'a fuersa soc ayuc me yip awo'tan, pasa te a'tele. Ma me xiwat, ma me xpehc'aj awo'tan, como te Jehová te Dios cu'un ya me sjoquinat. Ma ba ya yihquitayat soc ma ba ya spihtesat ha to c'alal ya xhu' ta pasel spisil te a'teletic te ya xtuhun ta sna Jehová.

2 Crónicas 15:7

Pero ha'ex ac'ahic fuersa soc ma me xpehc'aj awo'tanic, yu'un ay bin yac atahic yu'un te awa'telique, xchi.

2 Crónicas 20:11

Ilawil bin ut'il ya ya'botcotic tojcotic, ha tal stenotcotic loq'uel ta q'uinal te ha'at la awa'botcotique.

2 Crónicas 20:7

Dios cu'untic, ¿ma bal ha'ucat la atenticlan loq'uel te mach'atic nahinemic li' ta q'uinal ta stojol te pueblo Israel soc sbahtel q'uinal la awa'be te sts'umbal Abraham te jc'uxultaywanej aba soque?

Salmos 27:14

¡Mahliya te Jehová! ¡Ac'a fuerza, ayuc me yip awo'tan! ¡Hich, mahliya te Jehová!

Daniel 10:19

hich la yalbon: Ma me xiwat, ha'at te c'uxat ta o'tanil, lamaluc me q'uinal xawa'iy; ac'a xan fuersa, ayuc me yip awo'tan, xchi. C'alal yac sc'opombelon a, la jquich' quip, hich la jcalbe: C'opojan, tatil, como la awa'bon xan quip, xchihon.

Hageo 2:4

Pero ayuc me yip awo'tan, Zorobabel, xchi te Jehová; soc ayuc me yip awo'tan, Josué snich'an Josadac, muc'ul sacerdotehat; ayuc me yip awo'tanic apisilic, ants-winiquetic ta q'uinal, xchi te Jehová. A'tejanic, como joquinejex, xchi te Jehová te scuentahinej spisil.

Zacarías 8:9

Hich yaloj te Jehová te scuentahinej spisil: A'beyahic yip ac'abic, ha'ex te yac awa'iybelic te c'opetic ini te yac yalbelic te jalwanejetic, te hich yac yalbelic a c'alal ta bin ora la yich' a'beyel te yich'o-ip c'alal ora ta cha'pasel te sna Jehová te scuentahinej spisil.

Números 26:53

Ha'ic te ya yich'ic pucbeyel te q'uinal, chican jaytuhlic te ahtaybilique.

Números 33:53

Ya me atenic loq'uel te yajwal te q'uinale, ha'ex ya xnahinex tey a, como la jca'beyex te q'uinal yu'un awu'unic ya c'oht.

1 Corintios 16:13

Wihc'a me asitic, ayuc me yip sch'uhunel awo'tanic, pasahic me lec winiquil, ac'ahic me fuersa.

Efesios 6:10

Scuenta slajibal, ich'a me yip awo'tanic ta scuenta te Cajwaltic soc te yu'ele.

Deuteronomio 1:21

Ilawil, te Jehová te Dios awu'un, la ya'batix te q'uinale. Bahan, u'untaya, hich te bin ut'il la yalbat te Jehová te Dios yu'un te ame'atatique; ma me xiwat soc ma me xpehc'aj awo'tan, xchihon.

Deuteronomio 1:8

Ilawil, la jca'beyex te q'uinale; ochanic, u'untayahic te q'uinal te jc'axel la yal ta jamal te Jehová te ya ya'be te ame'atatic, ha te Abraham, Isaac soc Jacob, soc te patil al-nich'anetic yu'unique, xchi.

Deuteronomio 11:8

Ha yu'un canantayahic spisil te mandariletic te yacon ta yalel ta atojolic, scuenta yu'un hich yac awich' awipic soc hich ya x'ochex ta yu'untayel a te q'uinal te yac awich'ic,

Deuteronomio 31:23

Patil te Jehová hich la spas ta mandar te Josué snich'an Nun: Ac'a me fuersa soc ayuc me yip awo'tan, como ha'at yac awic' ochel te snich'nab Israel tey ta q'uinal te jc'axel la jcalbeyic ta jamal te ya ca'beyique. Ho'on me ya joquinat, xchi sc'oblal.

2 Timoteo 2:1

Ha'at, jnich'an, ayuc me yip awo'tan ta scuenta te yutsil-o'tanil te ay ta scuenta te Cristo Jesús.

Josué 1:18

Mach'ayuc a ya stoy sba ta sc'axuntayel te mandar awu'un, te ma ba ya sch'uhun spasel spisil bintic yac awal, ac'a lajuc. Ha nax ac'a fuersa soc ayuc me yip awo'tan, xchihic.

Josué 1:7

Ha nax ac'a me fuersa soc ayuc me yip awo'tan, tsahtaya me ta spasel spisil te mandariletic te la yalbat te ca'bat Moisés; ma me xloc'at bahel ta wa'el o ta q'uexam, scuenta yu'un lec ya xc'oht ta pasel awu'un spisil bintic yac apas.

Josué 1:9

Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.

Josué 10:25

Te Josué la yalbe: Ma me xiwex soc ma me xpehc'aj awo'tanic; pasahic me tulan soc ayuc me yip awo'tanic, como te Jehová hich me ya spasbe spisil te acontrahic te yac awa'beyic guerra, xchi.

Josué 13:6

Ho'on ya jloq'ueslan ta stojol te snich'nab Israel spisil mach'atic nahinemic ta witsiltic c'alal Líbano ha to ta Misrefot-maim soc spisil te sidonetique. Ha'at nax yac apucticlambe te q'uinal te snich'nab Israel, hich te bin ut'il la jpasat ta mandar.

Josué 18:3

Ha yu'un te Josué hich la yalbe te snich'nab Israel: ¿Bin to ora yac amahliyic te ya xtal awu'untayic te q'uinal ya'beyejex Jehová te Dios yu'un te ame'atatique?

Josué 21:43

Te Jehová hich la ya'be Israel spisil te q'uinal te yaloj ta jamal te ya ya'be te sme'statique. La yu'untayic soc nahinic tey a.

Josué 5:6

Como te snich'nab Israel behenic cha'winic (40) ha'bil ta jochol taq'uin q'uinal ha to c'alal cham spisil te winiquetic te ya xhu' ya yaq'uic guerra te loq'uic tal ta Egipto. Chamic ta scaj te ma ba la sch'uhumbeyic sc'op te Jehová. Ha yu'un la yal ta jamal te Jehová te ma ba ya ya'be yilic te q'uinal te la yalbe ta jamal te sme'static te ya ya'be, ha te q'uinal ta banti ya x'oquin leche soc chab.

1 Samuel 4:9

Ac'ahic fuersa, filisteohetic, chahpana abahic soc awipic, scuenta yu'un ma ba ya x'ochex ta mosohil yu'un te hebreohetic hich te bin ut'il ayic ta mosohil awu'unic; chahpana abahic soc awipic ta ya'beyel guerra, xchihic.