Josué 1:17 - Bible in Tzeltal Bachajón

¹⁷ Ya jch'uhumbatcotic ac'op hich te bin ut'il la jch'uhumbecotic sc'op te Moisés; ha nax ac'a sjoquinat te Jehová te Dios awu'un hich te bin ut'il la sjoquin Moisés.

Bible in Tzeltal de Oxchuc y Tenejapa

¹⁷ Ya me jch'uuntic te ac'op jich bit'il la jch'uunbeytic sc'op Moisés. Ja' nax ya jc'antic te yacuc sjoinotic te Cajwaltic te Dios cu'untique, jich bit'il la sjoin Moisés.

Josué 1:17 ပူးပေါင်းရင်းမြစ်များ

2 Samuel 14:17

Ha yu'un hich ya yal te a'bat awu'une: Ha'uc me smuc'ul co'tan te suhtib sc'op te ajwalil cu'un, como te ajwalil cu'un hich c'ohem te bin ut'il ch'ul a'bat yu'un Dios yu'un stsahtayel te bin lec soc te bin ma lecuc. Ac'a sjoquinat te Jehová te Dios awu'un, xchi.

1 Reyes 1:37

Hich te bin ut'il joquimbil yu'un Jehová te ajwalil cu'un, hichuc nix ya xjoquinot te Salomón, soc muc'uc xan shuctajib ya xc'oht te bin ut'il te shuctajib te David te ajwalil cu'un, xchi.

1 Crónicas 28:20

Te David la yalbe xan te Salomón te snich'ane: Ac'a fuersa soc ayuc me yip awo'tan, pasa te a'tele. Ma me xiwat, ma me xpehc'aj awo'tan, como te Jehová te Dios cu'un ya me sjoquinat. Ma ba ya yihquitayat soc ma ba ya spihtesat ha to c'alal ya xhu' ta pasel spisil te a'teletic te ya xtuhun ta sna Jehová.

Salmos 20:1

Ac'a ya'iybat ac'op te Jehová ta yorahil awocol; ac'a scoltayat te sbihil te Dios yu'un Jacob.

Salmos 20:4

Ac'a ya'bat te bin ya sc'an awo'tan soc ac'a sc'ohtes ta pasel spisil bintic chapal awu'un.

Salmos 20:9

Jehová, coltaya te ajwalil; tsaca jc'opcotic te c'alal ya jc'oponatcotique.

Números 27:18

Te Jehová la yalbe te Moisés: Ic'a tal te Josué snich'an Nun, te jtuhl winic te ay yip yo'tan, cajambeya ac'ab ta sjol.

Números 27:20

A'beya ta stojol j'ohliluc te awa'tel, scuenta yu'un spisil te pueblo yu'un te snich'nab Israel ya sch'uhumbeyic te sc'ope.

San Mateo 21:9

Te mach'atic nahil ayic soc te mach'atic patil ayic, hich yacalic ta yalel ta aw: ¡Hosana ta stojol te snich'an David! ¡Bayel yutsil te mach'a ya xtal ta scuenta sbihil te Cajwaltique! ¡Hosana ta toyol! xchihic ta aw.

Deuteronomio 34:9

Te Josué snich'an Nun nojel ta yo'tan p'ijil-o'tanil, como te Moisés la scajambe sc'ab ta sjol. Te snich'nab Israel la sch'uhumbeyic smandar, hich la spasic te bin ut'il pasot ta mandar yu'un Jehová te Moisés.

Josué 1:16

La sjac'beyic sc'op te Josué, hich la yalic: Ya jpascotic spisil bintic la apasotcotiquix ta mandar soc ya xbohotcotic ta bayuc yac aticonotcotic bahel.

Josué 1:18

Mach'ayuc a ya stoy sba ta sc'axuntayel te mandar awu'un, te ma ba ya sch'uhun spasel spisil bintic yac awal, ac'a lajuc. Ha nax ac'a fuersa soc ayuc me yip awo'tan, xchihic.

Josué 1:5

Mayuc mach'a ya xhu' ya stsalat te jayeb c'ahc'al cuxulat. Hich te bin ut'il la joquin te Moisés, ha nix hich ya joquinat; ma ba ya quihquitayat soc ma ba ya jpihtesat.

Josué 1:9

Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.

Josué 4:14

Ha nix ta yorahil a te Jehová la stohytesbe sc'oblal te Josué ta stojol spisil Israel; hahch yich'ic ta muc' hich te bin ut'il la yich'ic ta muc' te Moisés te jayeb c'ahc'al cuxule.

1 Samuel 17:37

Te Jehová te la scoltayon loq'uel ta yehch'ac choj soc ta yehch'ac oso, ha nix hich ya scoltayon loq'uel ta sc'ab te filisteo ini, xchi. Te Saúl la yalbe te David: Bahan, soc ac'a sjoquinat te Jehová, xchi.

1 Samuel 20:13

Pero teme chopol bin snopoj ya spasbat te jtate, hich me ac'a spasbon Jehová, soc c'axem to xan hich a, teme ma ba ya ca'bat ana' yu'un lamal q'uinal ya xbahat. Ac'a sjoquinat te Jehová, hich te bin ut'il la sjoquin te jtate.