Josué 1:16 - Bible in Tzeltal Bachajón

¹⁶ La sjac'beyic sc'op te Josué, hich la yalic: Ya jpascotic spisil bintic la apasotcotiquix ta mandar soc ya xbohotcotic ta bayuc yac aticonotcotic bahel.

Bible in Tzeltal de Oxchuc y Tenejapa

¹⁶ La sjaq'uic ta spisilic: —Ya me jpastic spisil te bila mandal ya awalbotique, ya me xbootic ta bay ya aticunotique.

Josué 1:16 ပူးပေါင်းရင်းမြစ်များ

Esdras 10:4

Hahchan, como ha'at ay ta acuenta spasel, te ho'otcotic ya jcoltayatcotic. ¡Ac'a fuersa, pasa te a'tele! xchi.

Números 32:25

Te snich'nab Gad soc Rubén la yalbeyic te Moisés: Te a'batetic awu'un ya me spasic te bin yaloj te cajwale.

Números 32:31

Te snich'nab Gad soc Rubén hich la sjaq'uic: Ya jpascotic te bin yaloj Jehová ta stojol te a'batetic awu'une.

Deuteronomio 34:9

Te Josué snich'an Nun nojel ta yo'tan p'ijil-o'tanil, como te Moisés la scajambe sc'ab ta sjol. Te snich'nab Israel la sch'uhumbeyic smandar, hich la spasic te bin ut'il pasot ta mandar yu'un Jehová te Moisés.

Deuteronomio 5:27

Nohpojan bahel ha'at, a'iya awa'iy bin ya yal te Jehová te Dios cu'untic. Ha'at yac awalbotic ca'iycotic spisil te bintic ya yalbat te Jehová te Dios cu'untic, te ho'otcotic ya ca'iycotic soc ya jpascotic, xchihex.

Tito 3:1

A'beya xan sna'ic te ac'a yac' sbahic ta cuentahinel yu'un te ajwaliletic soc te mach'atic ay ya'telic, ac'a sch'uhumbeyic smandar, te chapaluc ta spasel spisil lequil a'teliletic.

Josué 1:15

ha to c'alal ya x'a'bot scux yo'tanic yu'un Jehová hich te bin ut'il ha'ex, soc te hich nix ya yu'untayic te q'uinal ya x'a'botic yu'un Jehová te Dios awu'unique. Patil ya suhtex bahel te q'uinal te a'botex awich'ic, te la ya'beyex Moisés te a'bat yu'un Jehová li' ta jehch Jordán ta stojol banti ya xloc' tal c'ahc'al, xchi.

Josué 1:17

Ya jch'uhumbatcotic ac'op hich te bin ut'il la jch'uhumbecotic sc'op te Moisés; ha nax ac'a sjoquinat te Jehová te Dios awu'un hich te bin ut'il la sjoquin Moisés.