Jonás 4:2 - Bible in Tzeltal Bachajón

² La sc'opon te Jehová, hich la yal: ¡Jehová! ¿ma bal hichuc nix la jcal te c'alal ayon to ta jlumal? Ha scuentahil te ahnon bahel ta Tarsis, como jna'oj te ha'at Diosat te ay yutsil awo'tan soc yac ana'be yo'bolil sbahic, te ma orahuc ya x'ilinat soc ay bayel sc'uxul awo'tan, soc te yac asuht ac'op ta spasel te bin chopole.

Bible in Tzeltal de Oxchuc y Tenejapa

² La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Jonás 4:2 ပူးပေါင်းရင်းမြစ်များ

1 Reyes 19:4

Te Elías baht jun xan c'ahc'al ta jochol taquin q'uinal, la shuhcan sba ta ye'tal enebro-te'. Yo'tanuc ya xchamix, hich la yal: ¡Tic'uquix a, Jehová! Lajimbon te jcuxlejal; ma ho'ucon lecon xan a te bin ut'il te jme'jtate, xchi.

Salmos 103:8

Te Jehová ay sc'uxul yo'tan soc lec yo'tan, ma orahuc ya x'ilin, ay bayel sc'uxul yo'tan.

Salmos 145:8

Te Jehová t'ujbil yo'tan soc ya sna' yo'bolil jbahtic, ma x'ilin ta ora soc ay bayel sc'uxul yo'tan.

Salmos 78:38

Pero te bin ut'il ay sc'uxul yo'tan te Diose, la spasbe perdón yu'un te smulic, ma ba la slajinlan; bayel buelta la scom te yilimba, ma ba la yac' hahchuc spisil te yilimba.

Salmos 86:15

Pero ha'at Cajwal, ha Diosat te ay sc'uxul awo'tan soc lec awo'tan; ma orahuc ya x'ilinat, soc muc' te sc'uxul awo'tan soc te smelelil ac'ope,

Salmos 86:5

Como ha'at, Cajwal, lec awo'tan soc jpas-perdonat, c'ax bayel sc'uxul awo'tan ta stojol spisil te mach'atic ya yalbat wocol.

Salmos 90:13

¡Suhtan tal, Cajwal! ¿Jayeb xan ora? ¡Na'beya yo'bolil sbahic te a'batetic awu'une!

Éxodo 32:14

Ha yu'un te Jehová la suhtes yo'tan yu'un te bin chopol yaloj te ya spasbe te pueblo yu'une.

Jeremías 18:8

Pero teme ya suhtes yo'tan yu'un te schopolil, te la jcalbe sc'oblale, ya jsuht jc'op, ma ba ya jpasbe te bin chopol jnopoj te ya jpasbe.

Jeremías 20:7

La alo'loyon, Jehová, la jquich' lo'loyel; c'ax hich awip a te bin ut'il te quipe, hich la atsalon. Jujun c'ahc'al ya quich' tse'layel, spisilic ya slabanonic.

Jeremías 26:13

Lecubtesahic te behetic awu'unic soc te awa'telic, ch'uhumbeyahic te sc'op te Jehová, te Dios awu'unique; hich ya sut sc'op te Jehová ta spasel te bin chopol yaloj te ya spasbeyexe.

Jeremías 42:10

Teme ya xhilex ta q'uinal ini, ya ca'beyex awich' awipic, ma ba ya jinex; ya jts'unex, ma ba ya jbulex loq'uel, yu'un ya jsut jc'op yu'un te bin chopol la jpasbeyexe.

Amós 7:3

Ha yu'un te Jehová la suht sc'op, hich la yal: Ma hichuc ya xc'oht ta pasel, xchi.

Amós 7:6

Ha yu'un te Jehová la suht sc'op, hich la yal: Ha nix hich ma ba ya xc'oht ta pasel, xchi.

Jonás 1:3

Pero te Jonás loc' ta ahnel ta stojol Jehová, ya c'an bahtuc ta Tarsis. Hich co bahel ta Jope banti la sta jun barco te ya xbaht ta Tarsis. La stoj spasaje, och ta barco, yu'un ya sjoquin bahel ta Tarsis, namal ta stojol te Jehová.

Jonás 3:10

Te Dios la yil te bin la spasic, ha te la suhtes yo'tanic yu'un te chopol be yu'unique, hich la suht sc'op yu'un te bin chopol yaloj te ya spasbe.

Jonás 3:9

Ya wan suht sc'op te Diose, ya wan sch'ay te sc'ahc'al yilimba, hich ma ba ya xlajotic, xchi.

Miqueas 7:18

¿Mach'a yan Dios te pajalat soc, te ya spas perdón yu'un te bin chopol, soc te ya sch'ay ta yo'tan te smul te mach'a cuxul hil yu'un te mach'atic ay yu'une? Ma spisiluc ora ay yilimba, como ya smulan te ya ya'iy c'uxultaywanej.

San Lucas 10:29

Pero la sc'an te lec sc'oblal ya xc'oht, ha yu'un la sjoc'obe te Jesús: ¿Mach'a a te jpat-xuhque? xchi.

Deuteronomio 4:31

como ay sc'uxul yo'tan te Jehová te Dios awu'un: ma ba ya yihquitayat, ma ba ya slajinat, soc ma ba ya xch'ay ta yo'tan te chapbil-c'op te jc'axel la yalbe ta jamal te ame'atatique.