Jonás 3:4 - Bible in Tzeltal Bachajón

⁴ Te Jonás hahch bahel ta yutil te muc'ul pueblo, jun c'ahc'al behen ochel, hich yac ta yalel: Ta cha'winic c'ahc'al ya me xlaj te Nínive, xchi.

Bible in Tzeltal de Oxchuc y Tenejapa

⁴ Te Jonás och bael ta yutil te muc'ul lume. Been bael te jun c'aal. Jich yac ta yalel ta aw: —¡Ta cha'winic c'aal ya me xlaj te lum Nínive! —xi' ta aw.

Jonás 3:4 ပူးပေါင်းရင်းမြစ်များ

2 Reyes 20:1

Ta hich ora tahot ta tulan chamel te Ezequías. Te jalwanej Isaías snich'an Amoz baht yil, hich la yalbe: Hich ya yal te Jehová: Chahpana te bintic ay ta acuenta, yu'un ya xchamatix, ma ba ya xlecubat, xchi.

2 Reyes 20:6

Ya ca'bat xan ho'lajuneb (15) ha'bil acuxlejal soc ya jcoltayat loq'uel soc te pueblo ini ta sc'ab te ajwalil yu'un Asiria. Ya jcoltay te pueblo ini ta scuenta sc'uxul jba ta co'tan soc ta scuenta sc'uxul ta co'tan te ca'bat David, xchi.

Isaías 30:18

Pero te Jehová yac ta smahliyel te ya sc'uxultayex; tse'el yo'tan te ya ya'beyex awilic te sc'uxul yo'tan, como te Jehová ha Dios te toj ya xchahpanwan. ¡Bayel me yutsilic spisil mach'atic ha ya smahliyic!

Jeremías 42:10

Teme ya xhilex ta q'uinal ini, ya ca'beyex awich' awipic, ma ba ya jinex; ya jts'unex, ma ba ya jbulex loq'uel, yu'un ya jsut jc'op yu'un te bin chopol la jpasbeyexe.

Jonás 3:10

Te Dios la yil te bin la spasic, ha te la suhtes yo'tanic yu'un te chopol be yu'unique, hich la suht sc'op yu'un te bin chopol yaloj te ya spasbe.

San Mateo 12:41

Te yajwal Nínive pajal me ya stehc'an sbahic ta yorahil ich'el ta c'op soc te jcaj ts'umbalil ini, ya xhalbot smulic yu'un, como la suhtes yo'tanic yu'un te bin halbotic yu'un te Jonás, pero ha toyol yu'un Jonás te mach'a li' aye.

San Lucas 11:30

Como hich te bin ut'il ha seña c'oht te Jonás ta stojol te mach'atic yu'un Nínive, ha nix hich te Nich'anil ay ta scuenta winic ha seña ya xc'oht ta stojol te jcaj ts'umbalil ini.

San Lucas 11:32

Te mach'atic yu'un Nínive ya me xhahchic ta yorahil ich'el ta c'op soc ya me yalbe smul te jcaj ts'umbalil ini; como la suhtes yo'tanic c'alal la ya'iyic te sc'op Dios la yal te Jonás, pero ay mach'a li' ay te c'ax hich sc'oblal a te bin ut'il Jonás.

Deuteronomio 18:22

Teme ya xc'opoj ta scuenta sbihil Jehová te jalwanej, teme ma ba ya xc'oht ta pasel te bin la yal, yu'un nix ma ha'uc te bin yaloj te Jehová. Ta scuenta stoybahil te hich la yal te jalwanej; ma me xiwat ta stojol.