Jonás 2:9 - Bible in Tzeltal Bachajón

⁹ Pero te ho'one, ta scuenta yalel wocol, ya ca'bat milbil mahtanil; ya jpas te bin caloj ta jamal ta atojol. ¡Yu'un Jehová te colele! xchi ta sc'oponel Dios.

Bible in Tzeltal de Oxchuc y Tenejapa

⁹ yan te jo'one bin nax co'tan ya calbat yutsil ac'oplal soc ya cac'bat milbil amajt'an. Jich me ya xc'ot ta pasel a te bila caloj ta atojole. Ja'at nax atuquel Cajwal, te ya xju' ya xcoltaywanate —xi' te Jonase.

Jonás 2:9 ပူးပေါင်းရင်းမြစ်များ

Génesis 35:3

Ya xmohotic bahel ta Bet-el, tey ya xc'oht jpasbe scajtajib ta chiq'uel smahtan a te Dios te la scoltayon te c'alal ayon ta wocol a soc te la sjoquinon ta banti behenon, xchi.

2 Samuel 15:7

C'alal loc' chaneb ha'bil, te Absalón hich la yalbe te ajwalil: Ya calbat wocol te yacuc awac'on bahel ta Hebrón yu'un ya jc'ohtes ta pasel te bin jchapoj ta stojol Jehová.

Job 22:27

Yac ac'opon, ha ya ya'iybat ac'op; soc yac apas te bin awaloj ta jamal.

Salmos 107:22

Ac'a ya'beyic milbil mahtaniletic scuenta yalel wocol, soc bayeluc me yutsil yo'tanic ac'a yalbeyic yutsil ya'tel.

Salmos 27:1

Ha sacal q'uinal cu'un soc ha jcolel te Jehová, ¿mach'a ya jxi'? Te Jehová ha ahnibal yu'un te jcuxlejal, ¿mach'a a te ya ya'bon xiwel?

Salmos 3:8

Yu'un Jehová te colole. ¡A'beya bendición te pueblo awu'une! Selah

Salmos 50:14

Ha'uc me smahtan awu'un ta stojol Dios te yalbeyel wocol, soc pasa te bin awalbeyej ta jamal te Dios te mero toyol ay.

Salmos 50:23

Te mach'a ya yalbon wocol te ha jmahtan yu'un, ha ya yich'on ta muc'; te mach'a toj ya xbehen, ya ca'be yil te colel yu'un Dios, xchi te Jehová.

Salmos 68:20

Te Dios cu'untic ha ya xcoltaywan, ya scoltayotic ta lajel te Cajwaltic Jehová.

Salmos 95:2

¡Ochucotic bahel ta stojol ta yalel wocol! ¡Ac'a calbetic yutsil sc'oblal ta scuenta c'ayojetic!

Isaías 45:17

Pero te Israel ya xcoltayot yu'un Jehová ta scuenta colel te sbahtel q'uinal ay; mayuquix bin ora ya xq'uexawex o ya xpehc'anex.

Jeremías 33:11

ya me xchicnaj sc'op yutsil-o'tanil soc tse'el-o'tanil, te sc'op mach'atic slecolinej sbahic, soc sc'op te mach'atic ya yich'ic tal ta sna Jehová mahtaniletic yu'un yalel wocol, te hich ya yalic: ¡Halbeyahic wocol te Jehová te scuentahinej spisil, como lec yo'tan te Jehová, te sc'uxul yo'tan stalel ay sbahtel q'uinal! xchihic. Yu'un ya ca'be xan yutsil slequil te lumq'uinal hich te bin ut'il ay ta nahil to, xchi te Jehová.

Oseas 14:2

Ich'a bahel c'opetic scuenta suhtesel-o'tanil, suhtan tal ta stojol Jehová soc hich xawalbe: Loq'uesa spisil bintic chopol, ich'a te bintic lec, ya ca'batcotic ta mahtanil te bin ya xloc' ta quecotic.

San Juan 4:22

Te ha'ex ma xana'beyic sba; yan te ho'otcotic ha ya quich'cotic ta muc' te mach'a ya jna'becotic sba, como tey ya xtal ta stojol te judíohetic te colele.

Hechos 4:12

Mayuc mach'a yan ay colel ta scuenta, como ta bayuc ta swohlol bahlumilal mayuc yan mach'a hich halbil sc'oblal ta stojol ants-winiquetic te ya xhu' ya xcolotic yu'un, xchi.

Romanos 12:1

Ha yu'un, quermanotac, ya calbeyex wocol ta scuenta te sc'uxul yo'tan Dios te yacuc awac' abaq'uetalic scuenta cuxul chic'bil mahtanil, te ch'ultesbil soc te lec yo'tan Dios yu'un, te hich ya sc'an ch'uhuntayel awu'unic te Diose.

Deuteronomio 23:18

Ma me xawich' tal ta sna Jehová te Dios awu'un te stojol jtuhl j'antsinel-ants o te stojol winic sjel ta ts'i' ta stojel biluc a te bin achapoje, como schebalic ihlaybilic yu'un Jehová te Dios awu'une.

Hebreos 13:15

Ha yu'un ta scuenta Jesús spisiluc me ora ac'a calbetic yutsil sc'oblal te Diose, te ha milbil mahtanil cu'untic c'ohem, ha te jc'optic te ya yalbe ta jamal te sbihile.

Apocalipsis 7:10

Tulan hich yacalic ta c'op: Ay colel ta scuenta te Dios cu'untic te hucul ta muc'ul-huctajibal, soc ta scuenta te Jcolel Tuminchij, xchihic.

1 Samuel 12:21

Ma me xat'unic bahel te bin mayuc scuentahil, te mayuc bin ya ya'beyex soc ma xcoltaywan, como tojol nax stuquelic.