Jonás 2:7 - Bible in Tzeltal Bachajón

⁷ C'alal yac ta lajel yip te jcuxlejal la jna' te Jehová; te bin la jcalbat c'oht ta atojol, c'oht c'alal ta ch'ul templo awu'un.

Bible in Tzeltal de Oxchuc y Tenejapa

⁷ Te c'alal la caiy jba te nopol ya xlajonixe, la jna'at, Cajwal; c'ot ta atojol c'alal ta ch'ul templo awu'un te jc'ope.

Jonás 2:7 ပူးပေါင်းရင်းမြစ်များ

2 Crónicas 30:27

Patil te sacerdotehetic soc te levitahetic la stehc'an sbahic, la ya'beyic bendición te pueblo; a'iybot sc'opic yu'un Dios, te bin la yalic ta sc'oponel Dios c'oht c'alal ta ch'ulchan, ta ch'ul awilal yu'un.

Salmos 11:4

Te Jehová ay ta ch'ul Templo yu'un; ay ta ch'ulchan te smuc'ul-huctajib Jehová. Ya yil ta lec te ants-winiquetic, ya stsahtay yil ta sit.

Salmos 142:3

Te c'alal mayuquix yip co'tan a, ha'at la ana' te be cu'une. Ta banti behenon la snac'bon jyacol.

Salmos 143:5

Ya jna' te c'ahc'aletic ta namey, ya jna'ulan spisil te bintic apasoj, ya jnopilan spisil te ya'tel ac'ab.

Salmos 18:6

Ayon ta wocol a te la jc'opon te Jehová, awon ta stojol te Dios cu'une. La ya'iybon jc'op c'alal ta Templo yu'un, c'oht ta schiquin te cawe.

Salmos 20:7

Ay mach'atic te ha smuc'ulinej yo'tanic carretahetic, ay yantic te ha smuc'ulinej yo'tanic cawuhetic; yan te ho'otic, ha smuc'ulinej co'tantic te sbihil Jehová te Dios cu'untique.

Salmos 22:14

Malbilonix hich te bin ut'il ha', pitc'ujemiquix spisil te jbaquele. Te co'tan hich c'ohem te bin ut'il chabec', yac ta uhlel ta yutil te jbaq'uetale.

Salmos 27:13

Ch'ayix co'tan te manchuc la jch'uhun te ya me quilbe yutsil yo'tan te Jehová li' ta cuxlejal ini.

Salmos 42:11

¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal, te Jcoltaywanej soc te Dios cu'une.

Salmos 42:5

¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal te Jcoltaywanej soc te Dios cu'une.

Salmos 43:5

¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal, te Jcoltaywanej soc te Dios cu'une.

Salmos 65:4

Bayel me yutsil te mach'a tsahbil awu'un soc te yac awic' tal ta ats'ehl yu'un ya xnahin ta amaq'uetic awu'un. Bayel bintic ya jtahcotic yu'un te bintic ay ta Ana, ha te ch'ul Templo awu'une.

Isaías 38:17

Yu'un cutsil jlequil te c'ax ta jtojol te bin ch'a. Ta scuenta sc'uxul awo'tan ma ba la awac' te cohon bahel ta xahab yu'un lajel, como la awac' ta apat spisil te jmule.

Isaías 50:10

¿Mach'a ay ta awohlilic te ya xi' te Jehová soc te ya sch'uhumbe sc'op te ya'bate? Te mach'a yac ta behel ta yihc'al q'uinal, te mayuc sacal q'uinal ta stojol, ac'a smuc'ulin yo'tan te sbihil te Jehová soc ac'a yich' yip ta stojol te Dios yu'une.

Jonás 2:4

Ha yu'un hich la jcal: Loq'uesbilon ta atojol, mayuquix bin ora ya quil te ch'ul templo awu'un, xchihon.

Miqueas 1:2

A'iya awa'iyic apisilic, pueblohetic; a'iya awa'iyic lumq'uinal soc spisil mach'atic ayic tey a, te Jehová te Ajwalil ha testigo ta scontrahimbelex, ha te Ajwalil c'alal ta sch'ul templo.

Habacuc 2:20

Pero te Jehová ay ta ch'ul Templo yu'un; ¡ch'aban me ta stojol spisil te q'uinale!

Hebreos 12:3

Na'ahic me te Jesús te c'ax bayel swocol ta contrahinel yu'un jmulawiletic, scuenta yu'un ma xluhbex soc ma xch'ay te yip awo'tanic,

1 Samuel 30:6

Ay swocol yu'un mel-o'tan te David, como te winiquetic la yalic sch'ojel ta ton, como ta spisil te winiquetic pich'il yo'tanic ta scaj te ach'ix queremetic yu'unique. Pero te David la sta yip yo'tan ta stojol Jehová te Dios yu'une.