Jonás 2:6 - Bible in Tzeltal Bachajón

⁶ Cohon bahel c'alal ta yich'o-ip te witsiltic, te q'uinal la smacon scuenta sbahtel q'uinal; pero ha'at, Jehová, Diosat cu'un, la aloq'uesbon jcuxlejal ta muquenal.

Bible in Tzeltal de Oxchuc y Tenejapa

⁶ C'axon xan coel a te banti yich'oj jajch'el tel yip te witstiquile, jich la caiy te bit'il jc'axel macalon jilel tey ae. Pero ja'at, Cajwal, Dios cu'un, ya acoltayon loq'uel, ma ba ya awac'on bael ta muquenal.

Jonás 2:6 ပူးပေါင်းရင်းမြစ်များ

Job 33:24

te ya sna'be yo'bolil sba, te hich ya yalbe te Dios: Coltaya te manchuc ya xbaht ta muquenal, la jtahbey stojol te ya xcol, te xchihuque,

Job 33:28

Dios la scoltayon te ma ba bohon ta muquenal, cuxulon to, ya to quil xan te sacal q'uinale, xchi.

Salmos 104:6

La amuc ta sc'ubulil mar hich te bin ut'il c'u'ul; mucotic ta ha' te witsiltique.

Salmos 104:8

mohic bahel ta witsiltic, cohic bahel ta spamlejetic tey ta banti chapal awu'un.

Salmos 116:3

La sjoytayon ta chuquel te slazohil lajel, la stahon te tulan mel-o'tan yu'un te muquenal, la jta wocol soc mel-o'tan.

Salmos 143:7

Jac'bon jc'op ta ora, Jehová, yaquix ta lajel quip. Ma me xanac' asit awelaw ta jtojol, manchuc hich ya xc'ohon te bin ut'il mach'atic cohic bahel ta muquenal.

Salmos 16:10

como ma ba yac awihquitayon hilel ta muquenal, ma ba yac awac' ta c'a'el te mach'a awu'un te ch'ultesbile.

Salmos 18:5

La sbech'on la jca'iy te lazohetic yu'un te muquenal; la slim sbahic ta jtojol te yaquiletic yu'un te lajele.

Salmos 30:3

Jehová, la aloq'ueson tal ta stsobojibal mach'atic chamenic; la awa'bon jcuxlejal scuenta yu'un ma ba ya xcohon bahel ta muquenal.

Salmos 30:9

¿Bin ay ta tahel teme lajone, teme ya xcohon bahel ta muquenale? ¿Ya bal yalbat yutsil ac'oblal te ts'u'lum? ¿Ya bal yalbe sc'oblal te stalel jun awo'tan ta jtojolcotic?

Salmos 55:23

Pero ha'at, Dios cu'un, yac awac' cohuquic bahel ta xahab yu'un lajel te mach'atic chopolic. Te jmilawetic soc te jlotetic ma ba ya sta j'ohlil te scuxlejalique. Yan te ho'one, ha'at smuc'ulat co'tan.

Salmos 65:6

ha'at te awa'beyej yipic te witsiltic ta scuenta awu'el, te bin ut'il alapoj awu'ele;

Salmos 69:2

Mulbilonix cohel ta ahch'al te c'ubul ay, te banti ma xhu' ya yich' yip te coque. Jtahojix c'ohel sc'ubulil ha', soc yac yehambelon te yacan ha'.

Isaías 38:10

Hich la jcal: Ta ohlil jcuxlejal a ya xc'axon bahel ta puertahetic yu'un te yawil mach'atic chamenic; ma ba ya quilix te jayeb xan te jcuxlejal te sc'oblal ya quich'e, xchihon.

Isaías 38:17

Yu'un cutsil jlequil te c'ax ta jtojol te bin ch'a. Ta scuenta sc'uxul awo'tan ma ba la awac' te cohon bahel ta xahab yu'un lajel, como la awac' ta apat spisil te jmule.

Isaías 40:12

¿Mach'a la sp'is ta stahn sc'ab te ha'etic, o la sp'is ta sc'ab te ch'ulchane? ¿Mach'a la sp'is ta sp'isojbil te ts'ubilum yu'un te bahlumilal, o te la slicbe yalal ta balanza te witsiltic soc te la slicbe yalal te tsehletique?

Ezequiel 26:20

Ya cac' te pajal ya xcohat bahel soc te mach'atic ya xcohic bahel ta muquenal, ha te mach'atic c'axic ta namey; ya cac' x'ayinat ta sc'ubulil te lumq'uinal, hich te bin ut'il q'uinal te nameyix jimbil, soc te mach'atic ya xcohic bayel ta muquenal, scuenta yu'un mayuquix bin ora ay mach'a ya xnahin ta awohlil. Soc ya cac' utsilal ta q'uinal yu'un mach'atic cuxulic.

Ezequiel 31:14

scuenta yu'un spisil te te'etic ta ti'ha'etic ma ba ya stoy sbahic yu'un te stoyolil, ma ba ya stoy sni'ilic ta yohlil te tocaletic, soc spisil te te'etic te ya yuch'ic ha' ma ha'uc ya smuc'ulin yo'tanic te stoyolile; como spisilic ya xbahtic ta lajel, ta sc'ubulil te lumq'uinal, ta yohlil te yal-snich'nab ants-winiquetic, ya sjoquinic te mach'atic ya xcohic bahel ta hotbil ch'en.

Habacuc 3:10

La yilat te witsetic, nihquic yu'un; c'ax bahel te snojel ha'etic; c'opoj te xahab soc la stoy sc'ab ta toyol.

Habacuc 3:6

Ya stehc'an sba, ya yac' nihcuc te q'uinale; ya yil, nihc te nacionetic yu'un. Te namey witsiltic ya xhemts'uj cohel, te namey tsehletic ya xch'ayic cohel; pero stalel ay te behetic yu'une.

San Mateo 16:18

Soc ho'on ya calbat te ha'at Pedrohat, ta sba ha'i muc'ul ton ini ya jpas te iglesia cu'un, soc te ochibaletic yu'un te tsobojibal mach'atic chamenic ma xhu' stsalbel.

Deuteronomio 32:22

Como tihlix hahchel sc'ahc'al quilimba, ya me schic' c'alal ta sc'ubulil yawil mach'atic chamenic; ya slajin te q'uinal soc te bintic ya sitin tey a, ya yac'ticlambe sc'ahc'al te yich'o-ip te witsiltique.