Jonás 2:2 - Bible in Tzeltal Bachajón

² hich la yal: Te c'alal ayon ta wocol a, la jc'opon te Jehová, la ya'iybon jc'op; awonon c'alal ta yutil te stsobojibal mach'atic chamenic, la awa'iybon te jc'ope.

Bible in Tzeltal de Oxchuc y Tenejapa

² Jich la yal: —Cajwal, te c'alal ayon ta wocol ae, la jc'oponat, la ajac'bon te jc'ope. Te c'alal ayonix ta swenta la caiy te lajele, la jc'oponat, la awaiybon te jc'ope.

Jonás 2:2 ပူးပေါင်းရင်းမြစ်များ

2 Crónicas 33:12

Pero te c'alal ay ta wocol, la sc'opon te Jehová te Dios yu'un, mero peq'uel la yac' sba ta stojol te Dios yu'un te sme'state.

Salmos 116:3

La sjoytayon ta chuquel te slazohil lajel, la stahon te tulan mel-o'tan yu'un te muquenal, la jta wocol soc mel-o'tan.

Salmos 120:1

Te c'alal ayon ta wocol, ya cawtay te Jehová, ya sjac'bon jc'op.

Salmos 16:10

como ma ba yac awihquitayon hilel ta muquenal, ma ba yac awac' ta c'a'el te mach'a awu'un te ch'ultesbile.

Salmos 22:24

como ma ba la sp'aj soc ma ba la yihlaybe swocol te mach'a ay swocol; ma ba la snac' sba ta stojol, ha la ya'iy te c'alal awtayot yu'une.

Salmos 34:6

C'opoj te pobre winic ini, ha la ya'iy te Jehová soc la yac' ta libre yu'un spisil te swocole.

Salmos 4:1

¡Jac'bon jc'op te c'alal ya x'awonon, Diosat cu'un, te toj bin yac apas ta jtojol! Te c'alal ayon ta wocol ha'at la awac' lahmajuc q'uinal ta jtojol. Na'bon yo'bolil jba soc tsacbon te jc'ope.

Salmos 61:2

C'alal to ta sti'il bahlumilal ya jc'oponat te c'alal ya xpehc'aj te co'tane. Ic'awon bahel ta muc'ul ton te c'ax toyol xan a te bin ut'il te ho'one.

Salmos 65:2

Ha'at yac awa'iybe sc'op te mach'a ya sc'oponat, spisilic ya xtalic ta atojol.

Salmos 86:13

como muc' te sc'uxul awo'tan ta jtojol, la awac'on ta libre ta sc'ubulil te yawil mach'atic chamenic.

Isaías 14:9

Te stsobojibal mach'atic chamenic te ay ta ye'tal ya stij sba yu'un ya xloq'uic tal stahat; ya stij hahchel te mach'atic chamenic yu'un ya xtal stahat, ya stij hahchel ta shuctajibic spisil te príncipaletic yu'un te bahlumilal, spisil te ajwaliletic yu'un te nacionetique.

Lamentaciones 3:55

La jc'oponat ta abihil, Jehová, c'alal ta sc'ubulil te hotbil ch'en;

Ezequiel 26:20

Ya cac' te pajal ya xcohat bahel soc te mach'atic ya xcohic bahel ta muquenal, ha te mach'atic c'axic ta namey; ya cac' x'ayinat ta sc'ubulil te lumq'uinal, hich te bin ut'il q'uinal te nameyix jimbil, soc te mach'atic ya xcohic bayel ta muquenal, scuenta yu'un mayuquix bin ora ay mach'a ya xnahin ta awohlil. Soc ya cac' utsilal ta q'uinal yu'un mach'atic cuxulic.

Ezequiel 31:14

scuenta yu'un spisil te te'etic ta ti'ha'etic ma ba ya stoy sbahic yu'un te stoyolil, ma ba ya stoy sni'ilic ta yohlil te tocaletic, soc spisil te te'etic te ya yuch'ic ha' ma ha'uc ya smuc'ulin yo'tanic te stoyolile; como spisilic ya xbahtic ta lajel, ta sc'ubulil te lumq'uinal, ta yohlil te yal-snich'nab ants-winiquetic, ya sjoquinic te mach'atic ya xcohic bahel ta hotbil ch'en.

San Mateo 12:40

Como hich te bin ut'il oxeb c'ahc'al soc oxeb ahc'abal ay ta sch'uht muc'ul chay te Jonás, ha nix hich te Nich'anil ay ta scuenta winic oxeb c'ahc'al soc oxeb ahc'abal ya x'ayin ta ye'tal lum.

San Lucas 11:10

Como spisil mach'a ay bin ya sc'an, ya me yich'; te mach'a ya sle, ya me sta; soc te mach'a ya stij puerta, ya me xjambot.

San Lucas 22:44

Te bin ut'il bayel yac ta wocol, la yac' xan fuersa ta sc'oponel Dios, sjel ta ch'ich' xt'uhlajan cohel schic' ta lum.

Hechos 2:27

como ma ba yac awac' hiluc ta muquenal te jch'uhlel, soc ma ba yac awac' c'a'uc sbaq'uetal te Mach'a ch'ultesbil awu'une.

Hebreos 5:7

Te c'alal ay ta bahlumilal ta scuxlejal a te Cristo, tulan awon soc oc' ta sc'oponel te Mach'a ya xhu' ya x'ac'to ta libre yu'un lajel, soc a'iybot sc'op ta scaj te peq'uel la yac' sba.

1 Samuel 1:16

Ma me xacuy ta chopol ants te awa'bate, como ta scuenta bayel jmel-o'tan soc jwocol yacon ta c'op c'alal ora, xchi.

1 Samuel 30:6

Ay swocol yu'un mel-o'tan te David, como te winiquetic la yalic sch'ojel ta ton, como ta spisil te winiquetic pich'il yo'tanic ta scaj te ach'ix queremetic yu'unique. Pero te David la sta yip yo'tan ta stojol Jehová te Dios yu'une.