Jonás 1:6 - Bible in Tzeltal Bachajón

⁶ Te capitán yu'un te barco nohpoj tal ta stojol, hich la yalbe: ¿Bin yac apas te wayalate? Hahchan, c'opona te Dios awu'une; ya wan sna'botic yo'bolil jbahtic, hich ma ba ya xlajotic, xchi.

Bible in Tzeltal de Oxchuc y Tenejapa

⁶ Pero bajt' ta ilel yu'un te mach'a swentainej te jtij-barcoe, jich albot: —¿Bistuc te jun awo'tan wayalate? Jajch'an ta ora, c'opona te Dios awu'une. Repente ya sna' yo'bolil jbajtic. Jich ma ba ya xlajotic —la yut.

Jonás 1:6 ပူးပေါင်းရင်းမြစ်များ

2 Samuel 12:22

Hich la sjac': Te c'alal cuxul to a te alale, la jcom jwe'el soc oc'on, yu'un la jcal: Ma jna' teme ya sna'bon yo'bolil jba te Jehová, te ya xcuxaj te alale.

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

Salmos 107:6

Ha yu'un la yawtayic te Jehová te c'alal ayic ta wocol, hich coltayotic yu'un swocolic.

Salmos 78:34

Te c'alal ac'otic ta lajel yu'un Dios, hich hahch slehic, suhtic ta stojol, spisil yo'tanic la scha'lehic xan.

Isaías 3:15

¿Bin anopojic a te yac atenic ta uts'inel te pueblo cu'un soc te yac atec'beyic yelaw te pobrehetic? xchi te Jehová te scuentahinej spisil.

Ezequiel 18:2

¿Bin ay ta awo'tanic, ha'ex te ayex ta sq'uinal Israel te yac awalic te tsahbil c'op ini: Ya slo'ic pajal ts'usub te me'iltatiletic, te yal-snich'nabic ya sijub yehic yu'un, te xchihe?

Joel 2:11

Te Jehová ya yal mandar ta stojol te soldadohetic yu'un, c'ax muc' te campamento yu'unic, soc bayel yipic ya sch'uhunic spasel te smandare. Muc' soc xiweltic sba te sc'ahc'alel yu'un Jehová; ¿mach'a ya xcuhch yu'un?

Amós 5:15

Ihlayahic te bin chopol, c'ux me xawa'iy ta awo'tanic te bin lec, soc a'beya yich' yip te stojil chahpanel ta chapojibal; te Jehová te Dios te scuentahinej spisil ya wan sc'uxultay te jayeb ya xhilic yu'un José.

Jonás 3:8

Ac'a smuc sbahic ta pac' scuenta mel-o'tan, ants-winiquetic soc chambahlametic, soc ac'a yawtayic te Dios ta spisil yip yo'tanic. Jujutuhl ac'a yihquitayic hilel te chopol be yu'un soc te uts'inel ya spasique.

Jonás 3:9

Ya wan suht sc'op te Diose, ya wan sch'ay te sc'ahc'al yilimba, hich ma ba ya xlajotic, xchi.

Hechos 21:13

Pero la yal te Pablo: ¿Bin yu'un yac awoq'uetaybelonic soc yac awa'bonic jmel co'tan? como ma ha'uc nax chapalon te ya quich' chuquel, ha nix hich chapalon te ya xlajon ta Jerusalén ta scuenta sbihil te Cajwaltic Jesús, xchi.

Romanos 13:11

Ya sc'an te hich ya jpastic, te bin ut'il jna'ojtic bin c'ahc'alil ayotic ini, ha te bin ut'il yorahilix te ya jwic' jsitic te wayalotic, como nopol xan ay te jcoleltic te bin ut'il c'alal hahch jch'uhuntique.

Efesios 5:14

Ha scuentahil te hich ay ta halel: Wic'a asit, ha'at te wayalate, hahchan tal ta yohlil te mach'atic chamenic, ya me sacubtes q'uinal ta atojol te Cristo, te xchihe.