Jonás 1:4 - Bible in Tzeltal Bachajón

⁴ Pero te Jehová la yac' hahchuc tulan ic' ta mar, c'ax tulan te yic'al ha'al ta mar, c'an jatuc te barco yu'un.

Bible in Tzeltal de Oxchuc y Tenejapa

⁴ Pero te Cajwaltic la yac' jajch'uc tulan ic' ta yolil mar, mero buen tulan ic'. Jich yilel te bit'il jc'axel ya xlajix te barco.

Jonás 1:4 ပူးပေါင်းရင်းမြစ်များ

Salmos 135:6

Te Jehová ya spas spisil te bintic ya sc'an ya spas, ta ch'ulchan, ta bahlumilal, ta maretic soc spisil sc'ubulil.

Salmos 135:7

Ya shach tal tocaletic c'alal ta sti'il bahlumilal; ya sticon tal te tsantsehwaletic soc te ha'al, soc ya sloq'ues tal te ic' ta stsobojibal.

Salmos 148:8

te tsantsehwal soc te bat, te me'sic soc te tocal, te tulan ic' te ya spas te bin ya xhalbot yu'une;

Éxodo 10:13

Hich te Moisés la stoy mohel te snahbate' ta stojol te sq'uinal Egipto; te Jehová la yac' tal ic' ta banti ya xloc' tal c'ahc'al ta sjunal c'ahc'al soc sjunal ahc'abal. Te c'alal sacub q'uinal, te ic' la yic' tal te c'ulubetique.

Éxodo 10:19

Ha yu'un te Jehová la yac' tal mero tulan ic' ta stojol banti ya xmahl c'ahc'al te la yic' bahel te c'ulubetic, la yac'ticlan ochel ta Mar Rojo; ma ba hil jcohtuc c'ulub ta spahmal sq'uinal Egipto.

Éxodo 14:21

Te Moisés la stoy sc'ab ta stojol te mar, te Jehová la yac' tal tulan ic' sjunal ahc'abal ta stojol banti ya xloc' tal c'ahc'al; hich la sjam sba te ha' soc taquij te slumile.

Éxodo 15:10

Pero la ahu'xiy ta awic'al, hich mulotic ta mar; hich mulic cohel te bin ut'il plomo ta ha'etic te ay yipique.

Jeremías 51:16

Ta scuenta te sc'op tulan ya xc'opoj ha'etic ta ch'ulchan yu'un, ha ya yac' mohuc bahel tocal c'alal ta sti'il bahlumilal. Ya yac' tihluc tsantsehwaletic ta yohlil te ha'al soc ya sloq'ues tal ic' ta banti q'uejbil yu'une.

Amós 4:13

Te mach'a ya spas te witsiltic soc te ic', te ya ya'be sna' te ants-winiquetic te bin snopoj ta yo'tan, te ya yac' te ha yihc'al q'uinal ya xc'oht te sacubel q'uinal, soc te ya xbehen ta stoyolil te q'uinale, ha Jehová, te Dios te scuentahinej spisil te sbihile.

Números 11:31

Patil loc' tal ic' ta stojol Jehová te la yic' tal xcuhch'inetic ta mar, la yac' cohuc ta sjoyobal te campamento cheb xuhc'ubil stoyolil ta lumq'uinal, jun c'ahc'al ta behentayel ta jehch sti'il soc jun c'ahc'al ta behentayel ta yan jehch sti'ile.