Jonás 1:3 - Bible in Tzeltal Bachajón

³ Pero te Jonás loc' ta ahnel ta stojol Jehová, ya c'an bahtuc ta Tarsis. Hich co bahel ta Jope banti la sta jun barco te ya xbaht ta Tarsis. La stoj spasaje, och ta barco, yu'un ya sjoquin bahel ta Tarsis, namal ta stojol te Jehová.

Bible in Tzeltal de Oxchuc y Tenejapa

³ Pero te Jonás ma jichuc la spas. Loc' ta anel ta stojol Cajwaltic, c'an bajt'uc ta Tarsis. Jich bajt' ta banti ya xloc' barcoetic ta Jope. Tey c'o sta jun barco a te baelix ta Tarsis. Jich la stoj spasaje ta ora. Och ta barco, bajt' te Jonase. Jich c'an loc'uc ta anel ta stojol te Cajwaltique.

Jonás 1:3 ပူးပေါင်းရင်းမြစ်များ

Génesis 3:8

Patil te winic soc te ants la ya'iybeyic sc'op te Jehová Dios te yac ta c'axel ta ts'umbil q'uinal te c'alal ya sicub q'uinal ta tibiltic, hich la snac' sbahic ta stojol te Jehová Dios ta yohlil te te'etic ta ts'umbil q'uinal.

Génesis 4:16

Hich loc' ta stojol Dios te Caín, baht ta nahinel ta sq'uinal Nod te ay ta stojol banti ya xloc' tal c'ahc'al yu'un Edén.

1 Reyes 19:3

Te Elías la xi', hich baht ta ahnel ta scoltayel scuxlejal, baht ta Beerseba te ay ta sq'uinal Judá, tey la yihquitay a te ya'bate.

1 Reyes 19:9

Tey och bahel a ta ch'en te banti c'ax ahc'abal yu'un. C'oponot yu'un te Jehová, hich halbot: ¿Bin yac apas li'i, Elías? xchi sc'oblal.

2 Crónicas 2:15

Ha yu'un, cajwal, ticombotic tal ta stojol te a'batetic awu'un te trigo, cebada, aceite soc vino te la awale.

2 Crónicas 2:16

Yan te ho'otcotic ya jts'etcotic ta Líbano spisil te te'etic te ya xtuhun awu'un, ya quich'cotic bahel ta pohy ta mar c'alal ta Jope; ha'at yac awac' ta ich'el bahel ta Jerusalén, xchi.

2 Crónicas 9:21

Como te barcohetic yu'un te ajwalil ya xbahtic ta Tarsis soc te a'batetic yu'un Hiram, soc ta oxoxeb ha'bil ya suhtic tal, ya yich'ic talel oro, plata, marfil, maxetic soc pavo real.

Esdras 3:7

La ya'beyic taq'uin te albañiletic soc te carpinterohetic, soc la ya'beyic we'el-uch'elil soc aceite te mach'atic yu'un Sidón soc Tiro scuenta yu'un ya yich'ic tal cedrohetic ta mar c'alal Líbano c'alal ta Jope, hich te bin ut'il la yal ta mandar te Ciro ajwalil yu'un Persia.

Job 1:12

Te Jehová la yalbe te Satanás: Ilawil, ay ta ac'ab spisil te bintic ay yu'un; ha nax ma me xawac' bahel ac'ab ta stojol stuquel, xchi. Hich loc' bahel te Satanás ta stojol Jehová.

Job 2:7

Ha yu'un te Satanás loc' bahel ta stojol te Jehová, la yehchentes ta c'a'el chin te Job, hahch ta stahn yoc c'alal ta sjol.

Salmos 107:23

Ay mach'atic cohic bahel ta mar ta barco ta chombajel soc mambajel ta muc'ul-ha'etic.

Isaías 2:16

spisil barcohetic yu'un Tarsis soc spisil t'ujbil barcohetic.

Isaías 23:1

Ha te sc'op jalwanej ta stojol te Tiro: ¡Awetan, barcohetic yu'un Tarsis! como jihnemix te Tiro, mayuquix na o yochibal barcohetic. C'alal ta sq'uinal Chipre halbotic sc'oblal.

Isaías 23:10

C'axan bahel ta muc'ul-ha' te ay ta aq'uinal, ha'at yantsil-nich'anat Tarsis, como mayuquix awip.

Isaías 23:6

C'axanic bahel ta Tarsis, ahcanajanic, ha'ex te nahinemex ta ti'mar.

Isaías 60:9

Ha barcohetic te yacalic ta talel ta ti'ti'mar, ha nahil yu'unic te barcohetic yu'un Tarsis, ya yiq'uic tal ta namal te anich'nab, soc oro soc plata yu'unic, scuenta yich'el ta muc' te Jehová, te Dios awu'un, te Ch'ul Dios yu'un Israel, te la ya'bat awutsilal.

Jeremías 10:9

Ya yich' tal tembil plata ta Tarsis soc oro ta Ufaz; ha ya'tel te jten-taq'uin soc j'ultesej-taq'uin; ya ya'beyic slap yax soc chi'in-yaxal c'u'ul, ta spisilic chahpambilic yu'un te mach'atic ya sna'ic spasele.

Ezequiel 2:8

Pero ha'at, snich'anat winic, a'iya awa'iy ta lec te bin ya calbate; ma me xatoy aba hich te bin ut'il te pueblo te stoyoj sbahe; jama awe, we'an te bin ya ca'bat awe'e, xchi.

Ezequiel 27:12

Te Tarsis la ya'iy mambajel chombajel ta atojol yu'un te bayel ac'ulejal; la stojbat ta plata, hierro, estaño soc plomo yu'un te bintic ay awu'une.

Ezequiel 3:14

Te espíritu la slicon hahchel, la yic'on bahel; pich'il co'tan soc ilin co'tan bahel, tulan stsacojon a te sc'ab Jehová.

Jonás 1:10

Bayel xiwic yu'un te winiquetic, hich la yalbeyic: ¿Bin yu'un te hich la apas? xchihic, como sna'ojic te loc' ta ahnel ta stojol Jehová, como hich halbotic yu'un.

Jonás 4:2

La sc'opon te Jehová, hich la yal: ¡Jehová! ¿ma bal hichuc nix la jcal te c'alal ayon to ta jlumal? Ha scuentahil te ahnon bahel ta Tarsis, como jna'oj te ha'at Diosat te ay yutsil awo'tan soc yac ana'be yo'bolil sbahic, te ma orahuc ya x'ilinat soc ay bayel sc'uxul awo'tan, soc te yac asuht ac'op ta spasel te bin chopole.

San Lucas 9:62

Mayuc mach'a te stsacoj arado te ya yil suhtel ta spat te ya xtuhun te banti ay te cuentahinel yu'un Dios, xchi te Jesuse.

Hechos 15:38

pero te Pablo ma ba lec la ya'iy te ya yic' bahel te mach'a ch'ayotic hilel yu'un ta Panfilia, te ma ba la sjoquin ta a'tel.

Hechos 26:19

Ha yu'un, ajwalil Agripa, ma ba la jc'axuntay te bin halboton ta jnahalsit ta ch'ulchan.

Hechos 9:36

Ta Jope ay jtuhl ants te ha jnopojel, Tabita sbihil, (Dorcas, xchi te c'asesbile). Bayel la spas lequil a'teliletic soc la yac'ticlan ta mahtanil staq'uin.

Hechos 9:38

Te bin ut'il nopol yiloj sba soc Jope te Lida, la ya'iyic te jnopojeletic te tey ay a te Pedro, ha yu'un la sticonic bahel cheb winiquetic ta yalbeyel wocol: Ora me xtalat, xchihic c'ohel.

Hechos 9:42

Ta spisil Jope puhc ta halel sc'oblal, tsobol mach'atic la sch'uhunic te Cajwaltique.

Hechos 9:43

Te Pedro bayel c'ahc'al halaj ta Jope ta sna Simón te ya'telinej sc'a'tesel nuhcul.

1 Corintios 9:16

Pero teme ya cal te lec yach'il c'op, mayuc bin ya jtoy jba yu'un, como fuersa ya jpas; ¡Obol jba teme ma ba ya jpuc ta halel te lec yach'il c'ope!

2 Tesalonicenses 1:9

Ha me castigo ya x'a'botic te ch'ayel ya xbahtic sbahtel q'uinal, loq'uesbilic ta stojol te Cajwaltic soc te yutsil yu'el,

Josué 19:46

Mejarcón soc Racón, soc te q'uinal te snuhp'usitayej sba soc Jope.