Jonás 1:2 - Bible in Tzeltal Bachajón

² Hahchan, bahan ta muc'ul pueblo Nínive, c'opojan ta scontrahinel, como mohix tal ta jtojol te schopolile, xchi.

Bible in Tzeltal de Oxchuc y Tenejapa

² —Jajch'an ta beel, baan ta muc'ul lum Nínive. Albeya te ya jlajinix, scaj te toyix sc'oplal ta ch'ulchan te smulic ta jtojole —xi' sc'oplal yu'un te Cajwaltique.

Jonás 1:2 ပူးပေါင်းရင်းမြစ်များ

Génesis 10:11

Loc' bahel tey a baht ta Asiria, c'oht spas te Nínive, te Rehobot-Ir, Cala,

2 Reyes 19:36

Ha yu'un te Senaquerib ajwalil yu'un Asiria suht bahel ta Nínive, tey hil a.

2 Crónicas 28:9

Ay jtuhl jalwanej yu'un Jehová tey a, ha te Oded sbihil, loc' ta stahel te soldadohetic te c'alal yacalic ta ochel bahel ta Samaria a, hich la yalbe: Te Jehová te Dios yu'un te ame'atatic la ya'beyex ta ac'abic te Judá ta scaj te ilin ta stojolic. Te ha'ex la amilic ta scuenta hich smuc'ul awilimbahic te c'ohtix c'alal ta ch'ulchan.

Esdras 9:6

hich la jcal: Dios cu'un, ma jna' bin ya jpas, soc ay q'uexlal ya ca'iy te ya jach mohel jsit ta atojol, Dios cu'un, como te jmulcotic sohlix mohel ta jolcotic, soc te faltahetic cu'uncotic c'ohemix c'alal ta ch'ulchan.

Isaías 37:37

Ha yu'un te Senaquerib ajwalil yu'un Asiria suht bahel, baht ta nahinel ta Nínive.

Isaías 58:1

¡Tulan x'awonat, ma xacom aba, toya ac'op hich te bin ut'il corneta! ¡Halbeya ya'iy te pueblo cu'un te stoybahil, soc te smulic te mach'atic yu'un Jacob!

Jeremías 20:9

Ha yu'un hich la jcal: ¡Ma ba ya jna'ix xan te Cajwal, soc ma ba ya xc'opojonix ta scuenta te sbihile! xchihon. Pero hich ya xc'oht te sc'op te bin ut'il c'ahc' te ya schic'bon jbaquel. La jc'an te ya jcom jba, pero ma ba hu' cu'un.

Ezequiel 2:7

Ya me awalbe ya'iyic te jc'ope, chican teme ya ya'iyic o teme ma sc'an ya ya'iyic, como mero stoyoj sbahic.

Oseas 7:2

Ma sna'ic te jna'oj spisil te bintic chopol spasojique. Yo'tic joytaybiliquix yu'un te ya'telic te ayic ta jtojol.

Jonás 3:2

Hahchan, bahan ta muc'ul pueblo Nínive. Halbeya ya'iy te bin ya calbat, xchi.

Jonás 3:3

Hich hahch te Jonás, baht ta Nínive, hich te bin ut'il halbot yu'un te Jehová. Mero muc'ul pueblo te Nínive, oxeb c'ahc'al ta behentayel ta jehch ta jehch.

Jonás 4:11

¿Ma bal yacuc jna'be yo'bolil sbahic te Nínive, te muc'ul pueblo banti c'axem ta ho'lajunpic (120,000) ta tuhl ants-winiquetic te ma sna'ic stsahtayel te swa'el-c'ab soc te sq'uexam-c'ab, soc te ay bayel chambahlametic tey a? xchi.

Miqueas 3:8

Yan te ho'one nojel te co'tan ta yu'el te espíritu yu'un Jehová nojel ta stojil chahpanel soc ta quip, yu'un yalbeyel te stoybahil te Jacob soc te smul te Israel.

Nahúm 1:1

Ha sc'op-jalwanej ta stojol Nínive. Te libro yu'un te snahalsit Nahúm te talem ta Elcos.

Nahúm 3:19

¡Mayuc spoxil te awehchen, ma xlecub! Spisil te mach'atic ya ya'iybat ac'oblal ya smaj sc'abic yu'un ajihnel, como ¿mach'a a te ma ba c'ax swocol yu'un te achopolile?

San Mateo 10:18

Soc ay ya xtehc'anotex ta stojol gobernadoretic soc ajwaliletic ta jcuenta, scuenta testigo ya xc'ohex cu'un ta stojolic soc ta stojol te jyanlumetique.

San Mateo 12:41

Te yajwal Nínive pajal me ya stehc'an sbahic ta yorahil ich'el ta c'op soc te jcaj ts'umbalil ini, ya xhalbot smulic yu'un, como la suhtes yo'tanic yu'un te bin halbotic yu'un te Jonás, pero ha toyol yu'un Jonás te mach'a li' aye.

Santiago 5:4

A'iya me awa'iyic, yaquic ta aw ta scontrahimbelex te j'a'teletic te la stsobeyex sit te ats'unub awawalic, te ta scuenta lo'loyel ma ba la atojique. Te yawic te mach'atic la stsobic te sit ats'unub awawalic c'ohtix ta stojol te Cajwaltic te scuentahinej spisil.

Apocalipsis 18:5

Como c'alal ch'ulchan tohyemix te smule, soc ay ta cuenta yu'un Dios te bintic chopol spasoje.