Jonás 1:12 - Bible in Tzeltal Bachajón

¹² La sjac' te Jonás: Tsacawonic, ch'ojawonic ochel ta mar, hich ya xlahmaj a te mar; como jna'oj te ho'on ta jcuenta te talem ta atojolic te tulan yic'al ha'al ini, xchi.

Bible in Tzeltal de Oxchuc y Tenejapa

¹² La sjac' te Jonase: —Ja' lec ch'ojawonic ochel ta mar. Jich me ya xlamaj te mare. Melel jna'oj ta lec te jo'on ta jmul te talem ta atojolic te buen tulan ic' in to —xi' te Jonase.

Jonás 1:12 ပူးပေါင်းရင်းမြစ်များ

2 Samuel 24:17

C'alal la yil David te ch'ul a'bat te yac ta slajinel te pueblo, hich la yalbe te Jehová: Ho'on la jta jmul, ho'on la jpas te bin chopole. ¿Bin la spasic te ants-winiquetic ini? Ya calbat wocol te ha'uc ya xc'oht ac'ab ta jtojol soc ta stojol te sna te jtate, xchi.

1 Crónicas 21:17

Te David hich la yalbe te Dios: ¿Ma bal ho'ucon te la jcac' ta ahtayel te pueblohe? Ho'on jtahoj jmul, chopol te bin la jpas; pero te tuminchijetic ini ¿bin spasojic? Jehová Dios cu'un, ac'a c'ohtuc ta jtojol te castigo soc ta stojol te mach'atic ay yu'un te jtate, manchuc ya xtal te tulan chamel ta stojol te pueblo awu'une, xchi.

Job 35:8

Te bin chopol yac apas, ha nax yac awuts'in a te ants-winic te pajalat soque, soc te bin stojil yac apas, ha nax ay bin ya sta a te snich'nab winic.

Eclesiastés 9:18

Ha lec xan te p'ijil-o'tanil te bin ut'il te a'tejibaletic yu'un guerra; pero jtuhl jmulawil ya sjin bayel bintic lec.

Jonás 1:11

Yac ta yich'bel xan yip te mar, ha yu'un hich la sjoc'obeyic: ¿Bin ya jpascotic ta atojol scuenta yu'un ya xlahmaj te mare? xchihic.

Jonás 1:13

Te j'a'teletic ta barco la yaq'uic xan fuersa te yacuc xc'oht ta q'uinal te barco, pero ma ba hu' yu'unic, como tulan xan yac ta bahq'uel te mar ta scontrahinel.

San Juan 11:50

Ma xana'ic te ha lec xan te jtuhl nax winic ya xlaj ta scuenta te pueblo, te bin ut'il te ya xlaj spisil te nación, xchi.

Hechos 27:24

hich la yalbon: Pablo, ma me xiwat; ya me xc'oht atehc'an aba ta stojol César; soc Dios la ya'bat spisil te mach'atic sjoquinejat ta barco, xchi.

Josué 7:12

Ha scuentahil te ma xhu' ya stsalic te scontra te snich'nab Israel, te ha ya xloq'uic ta ahnel ta stojol te scontra, como ha'ic nix parte ac'biliquix ta scuenta lajel. Ma ba ya joquinexix teme ma ba yac alajin ta awohlilic te bintic parte ac'bil ta scuenta lajel.