Joel 3:9 - Bible in Tzeltal Bachajón

⁹ ¡Pucahic ta halel ta stojol te nacionetic, chahpana abahic yu'un guerra, tijahic hahchel te soldadohetique! ¡La'ic, ac'a taluc spisil te winiquetic yu'un guerra!

Bible in Tzeltal de Oxchuc y Tenejapa

⁹ Albeyaic te nacionetic, albeyaic ta jamal te ya xjajch'ix te ch'ul guerra. Ic'aic tel te mach'atic ma xiwique; ac'a taluc, ac'a ju'uc yu'unic te guerrae.

Joel 3:9 ပူးပေါင်းရင်းမြစ်များ

Salmos 96:10

Halahic ta yohlil te nacionetic: ¡Ha ajwalil te Jehová! xchihanic me. La ya'be yich' yip te bahlumilal, ma ba ya stij sba; ha ya schahpan ta stojil te pueblohetique.

Isaías 34:1

¡Nohpojanic tal, nacionetic, a'iya me awa'iyic; a'iya awa'iyic, ha'ex pueblohex! Ac'a ya'iy te lumq'uinal soc spisil bintic ay tey a, ac'a ya'iy te bahlumilal soc spisil te bintic ya xloc' tey a.

Jeremías 31:10

A'iybeya awa'iyic te sc'op Jehová, nacionetic, halbeyahic sc'oblal ta sti'il mar te namal ayic: Te mach'a la spuc bahel te Israel ya stsob tal soc ya scanantay, hich te bin ut'il te jcanan ya scanantay te jtsohb tuminchijetic yu'une, xchihex me.

Jeremías 50:2

Pucahic ta halel ta stojol te nacionetic, a'beya sna'ic; toyahic bandera, halbeyahic sc'oblal, ma me xamuquic, hich me xawal: ¡Och ta c'abal te Babilonia! ¡Ay ta q'uexlal te Bel! ¡Nojel ta xiwel te Marduc! La yich'ic q'uexlaltesel te loc'ombahetic yu'un, jimbilic te sloc'ombahic, xchihex me.

Jeremías 51:11

¡Huxbeyahic sni'il te ya'tejibalul t'ihmalte'! ¡Ich'ahic te mahquilaletic yu'un guerra! Te Jehová la stijbeyix yo'tanic te ajwaliletic yu'un Media, como snopoj te ya sjin te Babilonia. Ha'ix te spacol yu'un Jehová ha te spacol yu'un te templo yu'une.

Jeremías 51:27

¡Toya mohel bandera ta q'uinal, oq'uesinahic corneta ta yohlil te nacionetique! ¡Chahpanahic pueblohetic yu'un ya'beyel guerra, tsobahic tal nacionetic ta scontrahinel, ha te Ararat, Mini soc Askenaz! ¡Lehahic jtuhl capitán te ya scontrahin, ac'a mohuc tal cawuhetic hich te bin ut'il c'ahc'al c'ulubetic!

Jeremías 6:4

¡Chahpana guerra ta stojol! ¡Hahchanic, ochucotic ta ohlil c'ahc'al! Pero obol jbahtic, mahlelix c'ahc'al, muq'uix bahel te axinale.

Ezequiel 38:17

Hich yaloj te Jehová, te Ajwalil: ¿Ma bal ha'ucat te la jcalbat ac'oblal ta namey ta scuenta te jalwanejetic cu'un ta Israel, te la yalic ta hich ora te ya xbaht quic'at tal ta scontrahinel te Israel?

Ezequiel 38:7

Chahpana aba, ha'at soc bayelic te stsoboj sbahic ta atojol, ha jtsobaw ya xc'ohat yu'unic.

Miqueas 3:5

Hich yaloj te Jehová sc'oblal te jalwanejetic te ya yac' howijuc bahel te pueblo cu'un, te hich ya yalic ta aw: Lamal q'uinal, xchihic te c'alal ay swe'elic, yan te mach'atic ma ba ya x'a'bot swe'elic yu'un ya yalbeyic sc'oblal guerra.

Hageo 2:7

ya cac' nihcuc spisil te nacionetic; ya xtal te mach'a c'ambil yu'un spisil te nacionetic soc ya jnojes ta yutsilal te Na ini, xchi te Jehová te scuentahinej spisil.

Zacarías 14:2

Como ya jtsob tal spisil te nacionetic yu'un ya ya'beyic guerra te Jerusalén. Ya yich' ochintayel te muc'ul pueblo, ya yich'ic pojticlambeyel sbiluc ta snahic soc ya x'uts'inotic te antsetique. J'ohlil te muc'ul pueblo ya xbaht ta chuquel, pero te mach'atic hilemic ma ba ya yich'ic loq'uesel.

Zacarías 14:3

Ta patil ya xloc' tal te Jehová, ya ya'be guerra te nacionetic, hich te bin ut'il tsalawan ta sc'ahc'alel guerra.