Joel 3:7 - Bible in Tzeltal Bachajón

⁷ Ilawil, ya quic'ticlan loq'uel tal ta banti achonojic, soc ya cac' c'ohtuc ta atojolic te bin apasojique.

Bible in Tzeltal de Oxchuc y Tenejapa

⁷ Pero jo'on me ya quic' loq'uel tel te banti la achonic baele. Te ja'exe ya me cac'beyex awocolic uuc, jich nix me te bit'il c'ax yu'unic te mach'atic la awac'beyic swocolique.

Joel 3:7 ပူးပေါင်းရင်းမြစ်များ

Ester 7:10

Hich la sjihpanic te Amán ta ts'apbil te' te ha nix la schahpan te ha yu'un sc'oblal te Mardoqueo. Hich lahmaj yilimba te ajwalil.

Isaías 11:12

Ya me stehc'an hahchel bandera ta stojol te nacionetic, yu'un ya stsob talel mach'atic loq'uesbilic yu'un Israel; ya stsob tal ta schanxuhcul te q'uinal te mach'atic yu'un Judá te puhquemique.

Isaías 49:12

Ilawil, ya xtalic ta namal q'uinal: ay ya xtalic ta stojol norte, ay ya xtalic ta stojol smahlib c'ahc'al, soc ay ya xtalic ta banti sq'uinal Sinim.

Isaías 66:6

¡Xjuyet ya xchicnaj c'op ta pueblo, ya xchicnaj c'op ta Templo, ha sc'op te Jehová te ya ya'be stoj te scontratac!

Jeremías 23:8

pero hich me ya yalic: Yiloj Jehová te la sloq'uesbe tal te sts'umbal Israel ta q'uinal ta stojol norte soc ta spisil te q'uinaletic banti la spucticlan bahel, xchihic. Hich ya xnahinic ta sq'uinalic, xchi.

Jeremías 30:10

Ha'at, Jacob, a'batat cu'un, ma me xiwat, xchi te Jehová, ma me xnihc awo'tan, Israel, como ilawil, ho'on ya jcoltayat tal ta namal q'uinal, ha'at soc ats'umbal ta q'uinal banti chuculex. Ya suht tal te Jacob, lamal q'uinal soc jun yo'tan ya x'ayin, mayuc mach'a ya xiwtesot yu'un.

Jeremías 30:16

Pero ya xlajinot spisil te mach'atic ya slajinat; soc spisil acontratac ya x'ic'otic bahel ta chuquel; ya yich' pojel sbiluquic spisil te mach'atic ya spojbat abiluc, spisil te mach'atic ya yelc'anat ya cac' te ya yich'ic elc'anel.

Jeremías 31:8

Ilawil, ya cac' suhtuc tal ta q'uinal te ay ta norte, ya jtsob tal c'alal sti'il te bahlumilale. Ta yohlilic ay ts'o'sitetic soc coxo'etic, ay ants te swoloj yal soc ay ants te ayinemix yal; ¡c'ax bayelic te ya suhtic talele!

Jeremías 32:37

Ya me jtsobticlan tal ta spisil q'uinal banti la jpucticlan bahel ta scuenta quilimba soc smuc'ul c'ahc'al co'tan; ya cac' suhtuc tal ta lugar ini soc jun yo'tan ya x'ayinic tey a.

Ezequiel 36:24

Ho'on ya jloq'uesex tal ta nacionetic, ya jtsobex talel ta spisil te q'uinaletic, ya quiq'uex tal ta alumalic.

Ezequiel 38:8

Bayel c'ahc'al ta patil yac awich' iq'uel; ta slajibal te ha'biletic yac awa'be guerra te q'uinal te c'axix yu'un te guerra, ha te mach'atic te la yich'ic tsobel tal ta yohlil bayel nacionetic, te c'ohtic ta witsiltic yu'un Israel, te bayel ha'bil jimbilique. La yich'ic loq'uesel ta yohlil te nacionetic soc spisilic jun yo'tanic ya xnahinic tey a.

Joel 3:4

¿Bin cochelex a, Tiro, Sidón, soc spisil sq'uinal Filistea? ¿Ya bal ac'an yac asutbonic spacol? Teme yac asutbonic spacol, ho'on ya cac' c'ohtuc ta atojolic ta ora te bin yac apasique.

Zacarías 9:13

Como jt'imojix te Judá hich te bin ut'il t'ihmalte' cu'un soc la jcac' te ha ya'tejibalul c'oht te Efraín. Ya jtij hahchel awal-anich'nab, Sión, ta scontrahinel te awal-anich'nab Grecia, hich ya cac'at te bin ut'il espada yu'un soldado.

San Mateo 7:2

como te bin ut'il yac awilbeyic ya'tel yan, hich nix ya x'ilot te awa'telic, soc te bin yilel yac ap'isbeyic, ha ni me hich yac awich'ic p'isbeyel.

2 Tesalonicenses 1:6

Ha stojil ta stojol Dios te ya ya'be stoj ta wocol te mach'atic ya ya'beyex awocolic,

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

Apocalipsis 13:10

Te mach'a ya x'ic'awan bahel ta chuquel, ya me x'ic'ot bahel ta chuquel. Te mach'a ya yich' milel ta espada, ya me yich' milel ta espada. Ha ini ya sc'an te ay yip yo'tanic soc te ay sch'uhunel yo'tanic te mach'atic ch'ultesbilique.

Apocalipsis 16:6

como la smalbeyic sch'ich'el te mach'atic ch'uhltesbilic soc te jalwanejetic; ha nix hich ch'ich' la awa'be yuch'ic, como hich ya sc'an pasel ta stojolic, xchi.

Apocalipsis 19:2

como smelelil soc stojil te chahpanel yu'une. La ya'beyix castigo te muc'ul j'antsinel-ants te la sbohlobtes te bahlumilal ta scuenta te yajmule. La ya'beyix stoj te la smalbe sch'ich'el te a'batetic yu'une, xchihic.

Jueces 1:7

Hich la yal te Adoni-bezec: Lajuneb schanwinic (70) ta tuhl ajwaliletic te loq'uemic sme' sc'abic soc sme' yoquic la stamticlanic xeht'elul we'elil ta ye'tal te mesa cu'un. Hich te bin ut'il la jpas, hich nix la ya'bon jtoj te Diose, xchi. La yiq'uic bahel ta Jerusalén, tey cham a.

1 Samuel 15:33

Pero la yal te Samuel: Hich te bin ut'il te espada awu'un la yac' te mayuc yalatac a hil te antsetic, ha nix hich mayuc yal ya xhil te anan ta yohlil te antsetique, xchi. Hich te Samuel la sesen te Agag ta stojol Jehová ta Gilgal.