Joel 3:5 - Bible in Tzeltal Bachajón

⁵ Como la awich'bonic bahel te plata soc te oro cu'un, soc la awotsesic ta templohetic awu'unic te t'ujbil c'ulejaliletic cu'une;

Bible in Tzeltal de Oxchuc y Tenejapa

⁵ Ja'ex la awelc'anbonic te plata soc te oro cu'un, la awich'bonic bael te c'ulejalil cu'une, c'o awaq'uic ta temploetic yu'un awajcananic.

Joel 3:5 ပူးပေါင်းရင်းမြစ်များ

2 Reyes 12:18

Ha yu'un te Joás ajwalil yu'un Judá la yich' spisil te ch'ultesbil mahtaniletic te la yaq'uic te Josafat, Joram soc Ocozías, te namey tatiletic yu'un, ha te ajwaliletic yu'un Judá, soc te ha nix yac'oj, soc spisil te oro te ay ta yawil c'ulejalil yu'un te sna Jehová soc ta sna ajwalil, la sticombe bahel te Hazael ajwalil yu'un Siria, hich loc' bahel ta Jerusalén.

2 Reyes 16:8

Te Acaz la stsac te plata soc oro te ay ta sna Jehová soc te c'ulejalil ay ta sna ajwalil, la sticombe smahtanin te ajwalil yu'un Asiria.

2 Reyes 24:13

Te Nabucodonosor la sloq'ues spisil te c'ulejalil ta sna Jehová soc ta sna ajwalil, hich te bin ut'il la yal te Jehová, soc la swuyticlan spisil te biluquetic pasticlambil ta oro te ay ta sna Jehová te pasticlambil yu'un Salomón ajwalil yu'un Israel.

Isaías 11:11

Soc ta hich ora te Jehová ya scha'hach sc'ab ta stsobel tal te pueblo yu'un te ayic ta Asiria, Egipto, Patros, Etiopía, Elam, Sinar, Hamat soc ta ti'ti'mar.

Jeremías 23:7

Ha yu'un ya xtal sc'ahc'alel, xchi te Jehová, te ma hichuc ya yalic xan: Yiloj Jehová te la sloq'ues tal ta sq'uinal Egipto te israeletic, ma me xchihuquic;

Jeremías 50:28

Ya xchicnaj sc'op te mach'atic loq'uic ta ahnel ta sq'uinal Babilonia, yu'un ya yalbeyic ta Sión sc'oblal te spacol a'botic yu'un Jehová te Dios cu'untic, te a'botic spacol yu'un te templo yu'une.

Jeremías 51:11

¡Huxbeyahic sni'il te ya'tejibalul t'ihmalte'! ¡Ich'ahic te mahquilaletic yu'un guerra! Te Jehová la stijbeyix yo'tanic te ajwaliletic yu'un Media, como snopoj te ya sjin te Babilonia. Ha'ix te spacol yu'un Jehová ha te spacol yu'un te templo yu'une.

Ezequiel 37:12

Ha yu'un hala sc'op-jalwanej, halbeya te hich yaloj te Jehová, te Ajwalil: Pueblo cu'un, ya jambeyex amuquenalic; ya cac' te ya xloq'uex tal tey a soc te ya suhtex tal ta sq'uinal Israel.

Daniel 11:38

Pero ya yich' ta muc' te dios yu'un tulan ahnibaletic, ha dios te ma ba sna'beyejic sba te sme'state. Ha ya yich' ta muc' ta scuenta oro, plata, t'ujbil tonetic soc bintic bayel stojol.

Abdías 1:17

Pero ta wits Sión ay mach'atic hilemic te ya xcolique; ch'ultesbil ya xc'oht, soc te sna Jacob ya scha'ich'ic xan te bintic ay yu'un.