Joel 3:2 - Bible in Tzeltal Bachajón

² ya jtsob tal spisil te nacionetic, ya quic'ticlan cohel ta spamlej yu'un Josafat; tey ya jchahpan a ta scaj te pueblo cu'un, ha te Israel, te ha cu'un, te la spucticlanic bahel ta yohlil te nacionetic, soc la spucbe sbahic te jq'uinale.

Bible in Tzeltal de Oxchuc y Tenejapa

² Ya jtsob spisil te nacionetic, ya me quic' bael ta stenlej xatal q'uinal yu'un Josafat. Tey me ya xc'o cac'bey stojic a te bila la spasbeyic te lum Israel cu'une. Melel la spucbonic bael ta swolol balumilal te israeletic, soc la spucbey sbaic te jlum-jq'uinale.

Joel 3:2 ပူးပေါင်းရင်းမြစ်များ

2 Crónicas 20:26

Ta schanebal c'ahc'al la stsob sbahic ta spamlej yu'un Beraca, tey la yalbeyic yutsil sc'oblal a te Jehová. Ha scuentahil te la ya'beyic sbihilin te lugar, spamlej yu'un Beraca, hich ay sbihil c'alal ora.

Isaías 66:16

Como te Jehová ya schahpan soc c'ahc' soc espada spisil ants-winiquetic; bayel mach'atic ya xlajinotic yu'un te Jehová.

Isaías 66:18

Como jna'oj bin yilel te ya'telic soc te bin snopojic; ya sta yorahil te ya yich' tsobel spisil te nacionetic soc c'opiletic: ya xtalic soc ya me yilbonic te cutsilale.

Jeremías 12:14

Hich yaloj te Jehová: Te chopol jpat-xuhc te ya yich'beyic te q'uinal la jca'be te Israel te pueblo cu'une, ya jbulticlan loq'uel ta sq'uinalic, soc ya jbulticlan loq'uel ta yohlilic te sna Judá.

Jeremías 25:31

Te yip sc'op ya xc'oht c'alal ta sti'il te bahlumilal, como te Jehová ya yich' ta c'op te nacionetique; ya xhahch schahpan spisil ch'ich'-baq'uet, soc ya yac' lajuc ta espada te mach'atic chopolic, xchi te Jehová.

Jeremías 49:1

Hich ay sc'oblal te amonetique. Hich yaloj te Jehová: ¿Ma bal ayuc snich'nab te Israel? ¿Ma bal ayuc mach'atic ya x'ich'bot hilel yu'un te bintic ay yu'une? ¿Bin yu'un te Milcom la yich' hilel te Gad, soc te nahinemic ta pueblohetic yu'un te ants-winiquetic yu'une?

Jeremías 50:17

Te Israel ha jtsohb tuminchijetic te puhquemic ta bayuc yu'un chojetic. Ha nahil lajinotic yu'un te ajwalil yu'un Asiria; ta slajibal wac'ticlambot sbaquel yu'un Nabucodonosor ajwalil yu'un Babilonia.

Ezequiel 25:8

Hich yaloj Jehová, te Ajwalil: Te bin ut'il hich la yal te Moab soc Seir: Ilawil, te sna Judá pajal soc spisil te nacionetic, te xchihique,

Ezequiel 34:6

Te tuminchijetic cu'un howiyemic ta behel ta spisil te witsiltic soc spisil te toyol tsehletique. Puhquic bahel ta spahmal bahlumilal te tuminchijetic cu'un, mayuc mach'a la sle soc mayuc mach'a la sjoc'oy ta scuenta.

Ezequiel 35:10

Te bin ut'il hich la awal: Cu'un ya xc'oht te cheb nacionetic soc te scha'sehpel q'uinale, ya me cu'untay, te xchihat, aunque tey a te Jehová;

Ezequiel 36:1

Ha'at, snich'anat winic, hala sc'op-jalwanej ta stojol te witsiltic yu'un Israel, hich xawalbe: ¡Witsiltic yu'un Israel, a'iybeya awa'iyic te sc'op Jehová!

Ezequiel 36:5

ha yu'un hich yaloj te Jehová, te Ajwalil: C'opojon soc xut'et co'tan ta scontrahinel te yantic nacionetic soc spisil Edom, te ta scuenta tse'el yo'tanic soc sc'ahc'al yo'tanic la yich'bonic te q'uinal cu'un, scuenta yu'un ya yu'untayic te mach'atic tembilic loq'uel tey a.

Ezequiel 38:22

Ya ca'be castigo te Gog ta jmilawal-chamel soc malel ch'ich'; ya cac' tulan ha'al te ay yic'al, ay bat, c'ahc' soc azufre ta stojol Gog, ta stojol te soldadohetic yu'un soc te bayel pueblohetic te sjoquineje.

Ezequiel 39:11

Ta hich ora ya ca'be te Gog jun lugar ta Israel scuenta smuquenal, ha te spamlej yu'un te mach'atic ya xc'axic bahel ta stojol banti ya xloc' tal c'ahc'al yu'un te mar. Ya smacbe sbe te mach'atic ya xc'axic bahel tey a, como tey ya smuquic a te Gog soc spisil te soldadohetic yu'une; ya ya'beyic sbihilin Spamlej yu'un Hamón-Gog.

Joel 3:12

Ac'a stij sbahic te nacionetic, ac'a mohuquic bahel ta spamlej yu'un Josafat, como tey ya juhcan jba ta schahpanel a spisil te nacionetic ta sjoyobal.

Joel 3:14

C'ax bayel pueblohetic ta spamlej yu'un Chahpanel; como nopolix te sc'ahc'alel yu'un Jehová ta spamlej yu'un Chahpanel.

Amós 1:11

Hich yaloj te Jehová: Ta scuenta oxchahp mulil yu'un Edom, ta scuenta chanchahp, ma ba ya jcom te castigo yu'une; como la snuts bahel ta espada te yermano, ma ba la yac' ta ilel sc'uxul yo'tan; u'untaybil spisil ora yu'un te sc'ahc'al yo'tan, stalel sq'uejoj yilimba.

Miqueas 4:12

Pero ma ba ya sna'ic te bintic snopoj te Jehová, ma xc'oht ta yo'tanic te bintic chapal yu'un, ha te la stsobticlan hich te bin ut'il jtohmetic trigo ta swuyojibal.

Sofonías 3:8

Ha yu'un mahliyawonic, xchi te Jehová, te bin c'ahc'alil ya xhahch jchahpanex, como jnopoj te ya jtsob te nacionetic, te ya jtsobticlan ban c'alal cuentahimbilic yu'un ya jmal cohel ta stojolic te quilimba, spisil te sc'ahc'al te quilimbahe; te sc'ahc'al te xut'et co'tan ya slajin spisil te q'uinale.

Apocalipsis 11:18

Ilin yo'tanic te nacionetic, pero hulemix te awilimba; ha yorahilix te ya x'ochic ta ich'el ta c'op te mach'atic chamenic, yorahilix te ya x'a'bot stojol sc'abic te a'batetic awu'un, ha te jalwanejetic, te mach'atic ch'uhltesbilic, te ya yich'ic ta muc' te abihile, muc' biq'uit, soc yorahilix te yac ajinticlan te mach'atic ya sjinic te bahlumilale, xchihic.

Apocalipsis 16:14

Ha'ic espírituhetic yu'un pucujetic te ya spasic señahiletic soc ya xbahtic ta stojol te ajwaliletic te ayic ta swohlol bahlumilal yu'un ya stsobic ta guerra ta yorahil te muc' sc'ahc'alel yu'un Dios te spisil ya xhu' yu'une.

Apocalipsis 16:16

Hich la stsobic tal te ajwaliletic ta jun lugar Armagedón sbihil ta hebreo.

Apocalipsis 16:6

como la smalbeyic sch'ich'el te mach'atic ch'uhltesbilic soc te jalwanejetic; ha nix hich ch'ich' la awa'be yuch'ic, como hich ya sc'an pasel ta stojolic, xchi.

Apocalipsis 20:8

ya xloc' slo'loylan te nacionetic ayic ta schanxuhcul bahlumilal, ha te Gog soc Magog, yu'un ya stsob tal ta guerra. Hich yipalic te bin ut'il shi'al mar.