Joel 3:19 - Bible in Tzeltal Bachajón

¹⁹ Jimbil ya xc'oht te Egipto soc ya sutp'ij ta jochol taquin q'uinal te Edom, ta scaj te la yuts'in te sts'umbal Judá, como ta slumalic la smalbeyic sch'ich'el te mach'atic mayuc smulic.

Bible in Tzeltal de Oxchuc y Tenejapa

¹⁹ Te Egipto jc'axel me jinem ya xjil; te Edom ya me yich' c'atp'unel ta jochol taquin q'uinal. Melel la yac'beyic guerra te yajwal Judá, ta slum-sq'uinal la smalbeyic xch'ich'el te mach'atic ma'yuc bila amen snopoj ta yo'tanique.

Joel 3:19 ပူးပေါင်းရင်းမြစ်များ

Salmos 137:7

Na'a me, Jehová, te edometic te hich la yalic c'alal jihn te Jerusalén, ¡Jinahic, jinahic c'alal ta yich'o-ip! te xchihique.

Isaías 11:14

ya x'anumajic bahel ta scontrahinel te filisteohetic ta smahlib c'ahc'al, soc ya spojbeyic sbiluquic te mach'atic ayic ta stojol sloq'uib c'ahc'al. Te Edom soc Moab ya me yac' sbahic ta a'batinel yu'unic, soc ya me xch'uhumbot sc'op yu'un te sts'umbal Amón.

Isaías 11:15

Te Jehová ya me staquijtes te mar te ochem bahel ta nopol Egipto, soc ya me stij sc'ab ta stojol te muc'ul-ha' Éufrates, ya yac' bahel te q'uixin ic' yu'un, ya yac' te huqueb ya xjetin a, hich ya xhu' ya xc'axic bahel soc stepic a.

Jeremías 49:17

Te Edom, ya sutp'ij ta bin xiweltic sba. Spisil mach'a ya xc'ax tey a xcham yo'tan yu'un, soc ya me slaban yu'un spisil te swocole.

Jeremías 51:35

Ac'a c'ohtuc ta stojol Babilonia te uts'inel te la ya'bon te jbaq'uetal, xchi te mach'a nahinem ta Sión. Ac'a c'ohtuc spacol yu'un te jch'ich'el ta stojol te mach'atic nahinemic ta Caldea, xchi te Jerusalén.

Lamentaciones 4:21

¡Tse'eluc me awo'tan, ayuc me yutsil awo'tan, yantsil-nich'anat Edom; ha'at te ya xnahinat ta sq'uinal Uz! Ha nix ya xc'oht ta atojol te copa, ya me xyacubat soc watal ya xhilat.

Abdías 1:1

Te snahalsit Abdías. Hich yaloj te Jehová te Ajwalil sc'oblal Edom. Ca'iybeyejtic te sc'op Jehová, ticombil jal-c'op ta stojol te nacionetic, hich ya yal: ¡Hahchucotic! ya ca'betic guerra te pueblo ini, xchi.

Habacuc 2:17

Te uts'inel te c'oht ta stojol te Líbano ya me slajinat, soc te smilel te chambahlametic ya me ya'bat xiwel, ta scaj te la amalbe sch'ich'el ants-winiquetic soc te uts'inwanej la apas ta q'uinal, ta pueblohetic soc ta stojol spisil mach'atic nahinemic tey a.

Zacarías 10:10

Ya quic'ticlan loq'uel ta Egipto, soc ya jtsobticlan talel ta Asiria, ya quic'ticlan tal ta sq'uinal Galaad soc Líbano, ma ba tic' ya x'ochic a.

2 Tesalonicenses 1:6

Ha stojil ta stojol Dios te ya ya'be stoj ta wocol te mach'atic ya ya'beyex awocolic,