Joel 3:17 - Bible in Tzeltal Bachajón

¹⁷ Hich me yac ana'ic a te ho'on Jehovahon te Dioson awu'unic, te nahinemon ta Sión, te ch'ul wits cu'une. Te Jerusalén ha ch'ul pueblo ya xc'oht, ma me ayuquix bin ora ya x'u'untayotix yu'un jyanlumetic.

Bible in Tzeltal de Oxchuc y Tenejapa

¹⁷ Jich ya yal te Cajwaltic: —Te ja'ex ya me ana'ic te Ajwalilon te Dioson awu'unique, nainemon ta Sión, ja' te ch'ul wits cu'une. Te Jerusalén ch'ul lum ya xc'ot; ma me ayuquix bi ora ya x'u'uninotix yu'un jyanlumetic.

Joel 3:17 ပူးပေါင်းရင်းမြစ်များ

Job 15:19

te ha'ic nax a'botic te q'uinal, soc te mayuc jtuhluc jyanlum te c'ax ta yohlilic.

Salmos 76:2

Ay ta Salem te nahilpac' yu'un, ay ta Sión banti ya xnahin.

Salmos 9:11

C'ayojtaya te Jehová te nahinem ta Sión; pucahic ta halel ta pueblohetic te a'teliletic yu'une.

Éxodo 16:12

La jca'iybe te stijawic ta c'op te snich'nab Israel. Halbeya: Ta tibiltic ya me awe'ic ti'bal, soc ta sab ya me xnoj ach'uhtic ta pan; hich me yac ana'ic a te ho'on Jehovahon te Dioson awu'unic, xchi.

Isaías 11:9

Ma ba ya x'uts'inwan soc ma ba ya xlajinwan ta spisil te ch'ul wits cu'un, como hich te bin ut'il nojel ta ha' te mar, hich ya xna'bot sba te Jehová ta spahmal q'uinal.

Isaías 12:6

C'ayojinanic soc awonanic soc yutsil awo'tanic, ha'ex te nahinemex ta Sión, como muc' te Ch'ul Dios yu'un Israel ta awohlilic, xchihat.

Isaías 35:8

Soc ay me muc'ul be tey a, ha Ch'ul Be ya xc'oht te sbihile. Ma ba ya xc'ax jtuhluc tey a te bohloben sc'oblal, ha nax te mach'atic st'unojic te behe, ma ba ya xbehenic tey a te mach'atic ma sna'ic q'uinal.

Isaías 4:3

Te mach'atic cuxul ya xhilic ta Sión, te mach'atic hilemic ta Jerusalén, ch'uhltesbilic, xchi sbihilic ya xc'oht, spisil te mach'atic ts'ihbabil hilel sbihilic ta yohlil te mach'atic cuxulic ta Jerusalén,

Isaías 46:13

Ya me cac' te ya xnohpoj tal te bin stojil ta pasel cu'un, ma ba namal ay, soc ma ba ya xhalajix te colel cu'une. Ya cac' te colel ta Sión soc te cutsilal ta Israel.

Isaías 52:1

¡Wic'a asit, wic'a asit, ich'a awip, Sión! Lapa at'ujbil c'u', ha'at Jerusalén, te ch'ul pueblo; como mayuc bin ora ya xtal xan ta atojol te mach'a ma ba yich'oj circuncisión o te bohloben sc'oblal.

Isaías 56:7

ha'ic me ya quic' tal ta ch'ul wits cu'un soc ya ca'be yutsil yo'tanic ta jna te banti ya quich' c'oponele. Ya jtsacbe te scohtol chic'bil mahtaniletic soc te yantic milbil mahtaniletic ya ya'bonic ta scajtajib cu'un, como hich ya x'a'bot sbihil te jna: ha te na yu'un sc'oponel Dios yu'un spisil pueblohetic, xchi.

Jeremías 31:23

Hich yaloj te Jehová te scuentahinej spisil, te Dios yu'un Israel: C'alal ya cac' te ya suhtic tal te jchuqueletic, hich me ya yalic yan buelta ta sq'uinal Judá soc ta pueblohetic yu'un: Te Jehová ac'a ya'bat bendición, ha'at yawilat te bin stojil ta pasel, ha'at ch'ul witsat, xchihic.

Jeremías 31:40

Spisil te sjuclej yu'un chamen baq'uetetic soc yu'un tan, soc spisil te q'uinal c'alal ta sba be-ha' yu'un Cedrón, c'alal ta xuhc ta ochibal yu'un Cawuhetic ta stojol banti ya xloc' tal c'ahc'al, ha ch'ultesbil ta stojol Jehová. Mayuc bin ora ya yich'ix xan bulel soc jinel, xchi.

Ezequiel 20:40

Pero ta ch'ul wits cu'un, ta toyol wits yu'un Israel, xchi te Jehová, te Ajwalil, tey me ya yac' sbahic ta a'batinel cu'un te sna Israel, spisil te mach'atic ayic ta q'uinal; tey lec ya xc'ohtic ta jtojol a, soc tey ya jc'ambeyex a te mahtaniletic soc te sba sit te mahtaniletic awu'unic, soc spisil te bintic ch'ultesbil awu'unique.

Ezequiel 37:6

Ya ca'beyex achihalic, ya cac' coluc baq'uet, ya jmuquex ta nuhcul soc ya ca'beyex awich'ic ic', hich ya xcha'cuxajex a. Hich me yac ana'ic a te ho'on Jehovahon, xchi.

Ezequiel 43:12

Ha te ley ini yu'un te templo: ta sjoyobal te sba wits mero ch'ultesbil ya xc'oht. Ha te ley ini yu'un te templo, xchi.

Ezequiel 44:9

Hich yaloj te Jehová, te Ajwalil: Mayuc jtuhluc jyanlum te ma ba yich'ojic circuncisión ta yo'tanic soc ta sbaq'uetalic ya xhu' ya x'och ta ch'ul awilal cu'un, ta spisil te jyanlumetic te nahinemic ta yohlil te israeletique.

Ezequiel 48:35

Ta sjoyobal te muc'ul pueblo ha cha'pic soc ho'bahc' (18,000) xuhc'ubil. Te sbihil te muc'ul pueblo ta hich ora bahel, ha Jehová-sama, xchi te Jehová.

Daniel 11:45

Ya spas te nahilpaq'uetic yu'un ajwalil ta ohlil yu'un te mar soc te ch'ul wits te ay yutsilal; pero tey ya xlaj a, mayuc mach'a ya xcoltayot yu'un.

Daniel 9:16

Cajwal, hich te bin ut'il stojil spisil te bintic yac apas, loq'uesa awilimba soc te sc'ahc'al awo'tan ta stojol Jerusalén te pueblo awu'un, te ch'ul wits awu'une; como ta scaj jmulcotic soc schopolil te jme'jtatcotic te tse'laybil c'oht te Jerusalén soc te pueblo awu'un yu'un spisil mach'atic ayic ta joyobalcotic.

Joel 2:27

Ya me ana'ic te ayon ta yohlil te Israel, soc te ho'on Jehovahon te Dioson awu'unic, mayuc yan; mayuquix bin ora ya xtahot yu'un q'uexlal te pueblo cu'une.

Joel 3:21

Ya ca'be spacol te ch'ich' malem te ma ba ca'beyej spacol. Soc ya xnahin ta Sión te Jehová.

Miqueas 4:7

Te coxo'etic ya cac' te ha'ic te mach'atic hilemic, te mach'atic puhquemic ya cac' te ha tulan nación ya xc'ohtic. Ya xcuentahinotic yu'un Jehová ta wits Sión, ta ora ini soc ta sbahtel q'uinal.

Nahúm 1:15

¡Ilawil, tey ta sba witsiltic ay te yoc te mach'a ya yich' tal te lec yach'il c'op, te ya yalbe sc'oblal te lamal q'uinale! Pasa te q'uinetic awu'un, Judá, c'ohtesa ta pasel te bintic awaloj ta jamal, como mayuquix bin ora ya yochintayat te mach'a chopol yo'tan; jc'axel la yich'ix lajinel.

Zacarías 8:3

Hich yaloj te Jehová: Ya suhton tal ta Sión soc ya xnahinon ta Jerusalén. Te Jerusalén ha pueblo yu'un bin Smelelil ya xc'oht sbihil, soc te wits yu'un Jehová te scuentahinej spisil, ha Ch'ul Wits ya xc'oht sbihil.

Apocalipsis 21:27

Ma x'och tey a te bin bohloben sc'oblal o te mach'a ya spas bin ilobtic sba o te mach'a ya ya'iy lot; ha nax te mach'atic ts'ihbabil sbihilic ta libro scuenta cuxlejal yu'un te Jcolel Tuminchij.