Joel 3:16 - Bible in Tzeltal Bachajón

¹⁶ Ya x'awon te Jehová c'alal Sión, ya yac' ta a'iyel sc'op c'alal Jerusalén, ya xnihc te ch'ulchan soc te lumq'uinale; pero te Jehová ha ahnibal yu'un te pueblo yu'un, ha toyol ts'ahc yu'un ahnibal yu'un te snich'nab Israel.

Bible in Tzeltal de Oxchuc y Tenejapa

¹⁶ Te Cajwaltic ya yac' ta aiyel sc'op, jich me sc'op te bit'il ya xt'om chawuc. Ya me xc'opoj tel c'alal ta wits Sión, ta Jerusalén; ya me stij sba te ch'ulchan soc ya me stij sba te lumq'uinale. Pero te Cajwaltic ja' me anjibal jcoltaywanej yu'un israeletic, melel ja'ic te lum yu'un stuquele.

Joel 3:16 ပူးပေါင်းရင်းမြစ်များ

Salmos 18:2

Te Jehová ha muc'ul ton cu'un soc ahnibal cu'un, ha j'ac'aw ta libre cu'un; ha Dios cu'un, ha toyol ch'entiquil cu'un te banti ya jnac' jba; ha jmahquil soc yip te colel cu'un, ha toyol ahnibal cu'un.

Salmos 29:11

Te Jehová ya ya'be yip te pueblo yu'une; te Jehová ya ya'be bendición te pueblo yu'un ta scuenta lamal q'uinal. C'ayoj scuenta yaq'uel ta stojol Dios te Templo. Salmo yu'un David.

Salmos 61:3

Como ha'at ahnibalat cu'un, ha toyol ts'ahcat ta stojol te contrahe.

Proverbios 18:10

Ha toyol ts'ahc te sbihil te Jehová; tey ya x'ahnimaj bahel a te mach'a toj yo'tan soc hich ya xcol.

Isaías 33:16

ha ya xnahin ta toyol, ha ahnibal yu'un te ch'entiquil; ya x'a'bot swe'el, soc ma ba ya spas falta te ya'ale.

Isaías 33:21

Tey ya ya'botic quiltic yu'el a te Jehová. Ha yawil muc'ul-ha'etic ya xc'oht soc be-ha'etic te muc' sjamalilic, te banti ma ba ya x'och barco te ay stijojbil, soc ma ba ya xc'ax tey a te muc'ul barco.

Isaías 42:13

Te Jehová ya xloc' tal hich te bin ut'il soldado, hich te bin ut'il jtuhl winic yu'un guerra ya shachbe xut'et yo'tan; ya stoy sc'op, ya x'awon yu'un guerra, ya stsal te scontrataque.

Isaías 51:16

La jca'bat ta awe te jc'op soc la jmucat ta yaxinal jc'ab, la jlim bahel te ch'ulchan soc la jca'be yich'o-ip te bahlumilal, soc hich ya calbe te Sión: Ha'at pueblohat cu'un, xchihon.

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Jeremías 17:17

Ma me ha'uc tulan xiwel ya xc'ohat ta jtojol, como ha'at ahnibalat cu'un ta yorahil wocol.

Ezequiel 38:19

Como ta scuenta xut'et co'tan soc ta quilimba caloj te ta hich ora ay tulan nihquel ta sq'uinal Israel,

Oseas 11:10

Ya me st'unic bahel te Jehová, ha ya x'awon hich te bin ut'il choj; ya x'awon, hich te yal-snich'nab yaquic ta nihquel a ya xtalic ta stojol smahlib c'ahc'al.

Amós 1:2

Hich la yal: Ya x'awon Jehová c'alal ta Sión, ya yac' ta a'iyel sc'op c'alal Jerusalén, te aquiltic yu'un te jcanan-tuminchijetic ya xtaquij soc ya xtaquij te ba wits Carmelo.

Amós 3:8

Teme awon te choj ¿mach'a a te ma ba ya xi'e? Teme ay bin ya yal te Jehová ¿mach'a a te ma ba ya yal sc'op-jalwanej?

Nahúm 1:7

Te Jehová lec yo'tan, ha tulan ahnibal ta yorahil wocol; ya scanantay te mach'atic ha smuc'ulinej yo'tanique.

Hageo 2:6

Como hich yaloj te Jehová te scuentahinej spisil: Ma ba halix bahel ya me cac' nihcuc te ch'ulchan soc bahlumilal, te mar soc te lumq'uinale;

Hageo 2:7

ya cac' nihcuc spisil te nacionetic; ya xtal te mach'a c'ambil yu'un spisil te nacionetic soc ya jnojes ta yutsilal te Na ini, xchi te Jehová te scuentahinej spisil.

Zacarías 10:12

Ya ca'be yipic ta scuenta Jehová, soc ya xbehenic ta scuenta te jbihile, xchi te Jehová.

Zacarías 10:6

Ya ca'be yip te sna Judá, ya jcoltay te sna José. Ya cac' te ya suhtic talel, como ya jna'be yo'bolil sbahic. Hich ya xc'ohtic te bin ut'il ma ba jp'ajojix, como ho'on Jehovahon te Dioson yu'unic, ya ca'iybeyic te sc'opique.

Zacarías 9:12

Suhtanic talel ta ahnibal ts'ahc, ha'ex jchuquelex te ayix smuc'ul awo'tanic; yo'tic nix ya calbeyex te ya jsuhtbeyex cheb buelta abiluquic.

Hebreos 12:26

Ta hich ora la snihc sba te bahlumilal yu'un te c'opoj te Diose; pero yo'tic hich yalojix: Jun xan buelta ya cac' nihcuc ma hipuc nax a te bahlumilal, ha nix hich ya cac' nihcuc te ch'ulchane, xchi.

Apocalipsis 11:13

Ta hich ora tal tulan nihquel, hemts'uj cohel jun ta slajunxeht'el te muc'ul pueblo. Lajic j'ohlil swaxaclajunbahc' (7,000) ta tuhl yu'un te nihquele. Te jayeb xan hilic bayel xiw yo'tanic yu'un soc la yalbeyic yutsil sc'oblal te Dios yu'un te ch'ulchane.

Apocalipsis 11:19

Jahm te templo yu'un Dios te ay ta ch'ulchan, chican ta yutil te templo te scaxahul te chapbil-c'op. Xliplajan tsantsehwaletic, xjuyet hahchel c'opetic, stsanlajan ta t'ohmel chahwuc, xyuq'uinaj nihquel, soc co tal niwac bat.

Apocalipsis 16:18

Xliplajan hahchel tsantsehwaletic, c'opetic, chahwuquetic soc tulan la snic sba te q'uinal, mayuc hich tulan nihquel te jayeb ora ayic ta bahlumilal te ants-winiquetique.

1 Samuel 15:29

Te mach'a ha Yutsilal te Israel ma sna' lot soc ma patiluc ya sut sc'op, como ma winicuc te patil ya sut te sc'ope, xchi.