Joel 3:13 - Bible in Tzeltal Bachajón

¹³ Otsesa te hoz, como syijilix te trigohe. La'ic, ts'o'ts'o'tec'ahic te sit ts'usubil, como nojelix te spits'ojibal, c'ax nojel ay te yawil como c'ax bayel te schopolilique.

Bible in Tzeltal de Oxchuc y Tenejapa

¹³ Melel mero jc'axel amen yo'tanic. Set'aic jichuc yijuben trigo, la staix yorail te c'ajoje. Tenaic jichuc ts'usubetic, melel chapalix yu'un ya yich' pasel te vino c'oeme.

Joel 3:13 ပူးပေါင်းရင်းမြစ်များ

Génesis 13:13

Pero te mach'atic nahinemic ta Sodoma c'ax chopol yo'tanic, la spasic mero chopol muliletic ta stojol Jehová.

Génesis 15:16

Ta schancajal ats'umbal ya suhtic tal li'i, yu'un ma to sts'acay te smul te amorreohetique, xchi.

Génesis 18:20

Ha yu'un te Jehová la yalbe te Abraham: Te bin ut'il yac ta behbe tohyel c'opetic ta stojol te Sodoma soc Gomorra, soc te c'ax bayel te smulique,

Isaías 17:5

Hich ya xc'oht te bin ut'il c'alal ya yich' tsobel sit awal-ts'unubil, ya stsacticlan ta sc'ab jujutohm; hich ya xc'oht te bin ut'il c'alal ya yich' tsobel te sit trigo ta spamlej yu'un Refaim.

Isaías 63:3

Jtuquel jts'o'oj ta teq'uel ta sp'e'ojibal; mayuc mach'atic ta pueblohetic te sjoquinejonic. La jts'o' ta teq'uel soc quilimba, la jtenticlan soc sc'ahc'al co'tan; te sch'ich'el la sts'itbon a te jc'u' jpac', hich la yatin spisil te jc'u'e.

Jeremías 51:33

Como hich yaloj te Jehová te scuentahinej spisil, te Dios yu'un Israel: Te yantsil-nich'an Babilonia hich c'ohem te bin ut'il swuyojibal trigo ta yorahil wuyel ta teq'uel; nopol ya sta yorahil stsobel te site, xchi.

Lamentaciones 1:15

Te Cajwal la sts'o' ta teq'uel ta cohlil spisil te winiquetic cu'un te ay yipic; la yic' talel jchahp soldadohetic yu'un ya slajimbon te jcolel-winiquetic cu'une. Te Cajwal la sts'o' ta teq'uel hich te bin ut'il ta spits'ojbil ts'usub te yantsil-nich'an Judá.

Oseas 6:11

Soc ha'at nix ta acuenta, Judá, chapalix te yac awich' tsobel, te c'alal ya cac' suhtic tal ta chuquel te pueblo cu'une.

San Mateo 13:39

Te jcontra te la sts'un te ac, ha te pucuje; te yorahil tsob-trigo, ha te slajibal c'ahc'al, soc te jtsob-trigohetic, ha te ch'ul a'batetique.

San Marcos 4:29

C'alal yijubix a te site, ya yich' bojel ta hoz, yu'un la stahix yorahil ta tsobel, xchi.

Deuteronomio 16:9

Ya me awahtay huqueb semana; ya xhahch awahtay te huqueb semana te c'alal ya xhahch ta bojel te cebada.

Apocalipsis 14:14

Patil la jquil saquil tocal. Ay mach'a hucul ta sba te tocal, sjel ta Snich'an winic, ay corona ta sjol te pasbil ta oro, soc ta sc'ab ay hoz te ay ye.

Apocalipsis 19:15

Ta ye yac ta loq'uel espada te ay ye te ya yehchentes a te nacionetic, soc tulan me ya scuentahinlan soc sbaston-taq'uin. Ya sp'e' te ya'lel ts'usub ta sp'e'ojibal te yilimba Dios te spisil ya xhu' yu'une.