Joel 2:32 - Bible in Tzeltal Bachajón

³² Spisil te mach'atic ya sc'opon Jehová ta scuenta sbihil ya me xcolic; como ta wits Sión soc ta Jerusalén ay me colel, hich te bin ut'il yaloj te Jehová, ta yohlil te mach'atic cuxulic hilel ay mach'atic ya x'ic'otic yu'un Dios.

Bible in Tzeltal de Oxchuc y Tenejapa

³² Spisil te mach'atic ya yalbey wocol te Cajwaltic ya me xcol stuquelic. Ta wits Sión, ta Jerusalén, tey ya xjul a te colele, jich nix te bit'il yaloj te Cajwaltique. Te mach'atic stsaoj stuquel cuxulic me ya xjil stuquelic.

Joel 2:32 ပူးပေါင်းရင်းမြစ်များ

Génesis 4:26

Ayin snich'an te Set, Enós sbihil. Ha yorahil te hahch yalbeyic wocol ta stojol Jehová.

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

Isaías 10:22

Te pueblo awu'un, Israel, aunque hich yipal te bin ut'il shi'al mar, ha nax ya suhtic tal te mach'atic hilemique. Halbilix te ay jinel, mero stojil bin ya yich' pasel.

Isaías 11:11

Soc ta hich ora te Jehová ya scha'hach sc'ab ta stsobel tal te pueblo yu'un te ayic ta Asiria, Egipto, Patros, Etiopía, Elam, Sinar, Hamat soc ta ti'ti'mar.

Isaías 11:16

Ay me muc'ul be yu'un te pueblo yu'un te hilemic ta Asiria, hich te bin ut'il ay yu'un Israel c'alal loq'uic tal ta sq'uinal Egipto.

Isaías 4:2

Ta hich ora te spuhl te Jehová ha t'ujbil soc ay yutsilal ya xc'oht, soc te sit ya yac' te lumq'uinal ha toybeyel sc'oblal soc ich'el ta muc' ya xc'oht yu'un te mach'atic hilemic ta Israel.

Isaías 46:13

Ya me cac' te ya xnohpoj tal te bin stojil ta pasel cu'un, ma ba namal ay, soc ma ba ya xhalajix te colel cu'une. Ya cac' te colel ta Sión soc te cutsilal ta Israel.

Jeremías 31:7

Hich yaloj te Jehová: C'ayojinanic soc yutsil awo'tanic ta scuenta Jacob; awonanic ta scuenta te jolal yu'un te nacionetique. Ac'ahic ta a'iyel te yutsilal sc'oblal, soc hich me yac awalic: Jehová, coltaya te pueblo awu'un, te mach'atic hilemic yu'un Israel, xchihanic me.

Jeremías 33:3

Awtayawon, ya jac'bat, soc ya calbat bintic muc' sc'oblal soc te bintic muquen ay te ma ba ana'oje.

Amós 9:8

Te sit te Jehová te Ajwalil ay ta stojol te mulawil nación, ya jtup' bahel ta sba te lumq'uinal, pero ma ba ya jlajin spisil te sna Jacob, xchi te Jehová.

Abdías 1:17

Pero ta wits Sión ay mach'atic hilemic te ya xcolique; ch'ultesbil ya xc'oht, soc te sna Jacob ya scha'ich'ic xan te bintic ay yu'un.

Abdías 1:21

Te jcoltaywanejetic ya xmohic bahel ta wits Sión yu'un ya scuentahinic te wits yu'un Esaú. ¡Yu'un Jehová ya xc'oht te ban c'alal ay ta cuentahinele!

Miqueas 5:3

Pero Dios ya yihquitayic hilel ha to c'alal ya x'ayin yal te ants te swoloj yal, soc te ya scha'joquinic te snich'nab Israel te yermanotac te hilemique.

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

San Juan 10:16

Ay to yantic tuminchijetic cu'un te ma ba ochemic ta corral, ya sc'an te ha nix hich ya quic'ticlan tal; ya me ya'iybonic jc'op, ha jtsohb nax ya xc'ohtic soc jtuhl nax jcanan yu'unic.

San Juan 4:22

Te ha'ex ma xana'beyic sba; yan te ho'otcotic ha ya quich'cotic ta muc' te mach'a ya jna'becotic sba, como tey ya xtal ta stojol te judíohetic te colele.

Hechos 15:17

scuenta yu'un ya slehic te Cajwaltic te yantic ants-winiquetic, soc spisil te jyanlumetic te yich'beyejon jbihil,

Hechos 2:39

como te bin yaloj ta jamal te Diose, ha awu'unic soc ha yu'un te awal-anich'nabic soc spisil mach'atic namal ayic, ha te mach'atic ya x'ic'otic yu'un te Diose, xchi.

Romanos 11:26

Hich ya xcol spisil Israel, hich te bin ut'il ts'ihbabil: Ta Sión ya xhahch tal te Mach'a ya x'ac'awan ta libre; ya me sloq'ues ta stojol Jacob te mayuc sch'uhunel yo'tanic ta stojol Dios.

Romanos 11:5

Ha nix hich ta ora ini, ay stsahbenal te stsahbilic ta scuenta yutsil-o'tanil.

Romanos 11:7

¿Bin ut'il ay a hiche? Te bin yac slehbel te Israel ma ba la stahic, pero te mach'atic tsahbilic yu'un Dios la stahic stuquelic, pero te yantique, tonob yo'tanic,

Romanos 9:24

ha te ho'otic te ic'bilotic yu'un, ma ha'uc nax judíohetic, ha nix hich te jyanlumetique?

Romanos 9:27

Ha nix hich te Isaías la yawtaybe sc'oblal te Israel: Te hichuc yipal sts'umbal Israel te bin ut'il shi'al mar, stsahbenal xanix te ya xcolic,

1 Corintios 1:2

ya jpatbecotic yo'tanic te iglesia yu'un Dios te ay ta Corinto, te mach'atic ch'uhltesbilic ta scuenta Cristo Jesús, te ic'bilic yu'un pajal ya yich'ic ch'ultesel soc spisil yantic ta bayuc te ya yalbeyic wocol ta scuenta sbihil te Cajwaltic Jesucristo, te Ajwalil yu'unic soc cu'untic.

Hebreos 12:22

Pero te ha'exe nohpojemex bahel ta wits Sión, ta muc'ul pueblo yu'un te cuxul Dios, ha te Jerusalén scuenta ch'ulchan, ta stojol tsobol ta mil ch'ul a'batetic,