Joel 2:27 - Bible in Tzeltal Bachajón

²⁷ Ya me ana'ic te ayon ta yohlil te Israel, soc te ho'on Jehovahon te Dioson awu'unic, mayuc yan; mayuquix bin ora ya xtahot yu'un q'uexlal te pueblo cu'une.

Bible in Tzeltal de Oxchuc y Tenejapa

²⁷ Ja'ex israeletic, ya me sc'an ya ana'ic te joinejex jo'on te Ajwalilon, te jo'on Dioson awu'unic te ma'yuc mach'a yan ay awu'unic. Ma'yuquix bi ora ya xtaotic yu'un q'uexlal te lum cu'une —xi'.

Joel 2:27 ပူးပေါင်းရင်းမြစ်များ

Salmos 46:5

Te Dios ay ta yohlil te pueblo, ma ba ya stsalot; Dios me ya xcoltayot yu'un ta sacubel q'uinal.

Salmos 68:18

Mohat bahel ta toyol, la awic'ticlan bahel jchuqueletic; la awich'be mahtaniletic yu'un te ants-winiquetic, soc yu'un te mach'atic stoyoj sbahic, scuenta yu'un tey ya xnahinat a, Jehová Dios.

Proverbios 1:23

Suhtanic tal ta stojol te tojobtesel cu'un, ya me jmal ta atojol te espíritu cu'un, ya ca'beyex ana'ic te bintic jnopoj.

Isaías 12:6

C'ayojinanic soc awonanic soc yutsil awo'tanic, ha'ex te nahinemex ta Sión, como muc' te Ch'ul Dios yu'un Israel ta awohlilic, xchihat.

Isaías 44:3

Yu'un ya jmal ha' ta taquin q'uinal, be-ha'etic ta taquin lum. Ya jmal te espíritu cu'un ta stojol awal-anich'nab, te bendición cu'un ta stojol ats'umbal;

Isaías 44:8

Ma me xnihc awo'tanic, ma me xiwex. ¿Ma bal lajuc calbeyex awa'iyic, ma bal lajuc calbe sc'oblal c'alal ta namey? Ha'ex testigohex cu'un. ¿Ay bal yan dios ta jtojol? ¡Mayuc yan Muc'ul Ton! ¡Mayuc yan te ya jna'be sba! xchi.

Isaías 45:18

Como hich ya yal te Jehová, te la spas te ch'ulchan, te ha Dios stuquel, te la spas te lumq'uinal soc la schahpan, la ya'be yich' yip. Ma tojoluc la spas, ha la spas scuenta yu'un ay mach'atic ya xnahinic tey a: Ho'on Jehovahon, mayuc yan.

Isaías 45:5

Ho'on Jehovahon, mayuc yan; mayuc yan dios ay ta jtojol. La jca'bat awip, aunque ma xana'bon jba,

Isaías 45:6

scuenta yu'un ya xna'ot c'alal ta banti ya xloc' tal c'ahc'al c'alal ta smahlib c'ahc'al te mayuc yan Dios, ho'on jtuquel. Ho'on Jehovahon, mayuc yan ay ta jtojol.

Isaías 46:9

Na'ahic me te bintic c'ohem ta pasel ta namey; ho'on Dioson, mayuc yan; ho'on Dioson, mayuc yan pajalon soc.

Isaías 49:23

Te ajwaliletic hich ya xc'ohtic te bin ut'il atatic, soc te ajwalil-antsetic yu'unic ha jcanan-alal ya xc'oht awu'unic. Ya me spahcan sbahic ta lum ta atojolic, soc ya me sleq'uic te stanul awoquic. Hich yac ana'ic a te ho'on Jehovahon; soc ma ba ya xq'uexawic te mach'atic smuc'ulinejon yo'tanic, xchi te Jehová.

Isaías 53:6

Jpisiltic howiyemotic hich te bin ut'il tuminchijetic, jujutuhl la jt'untic bahel te be cu'untique; pero te Jehová la ya'be scuchbotic jmultic ta jpisiltic.

Ezequiel 37:6

Ya ca'beyex achihalic, ya cac' coluc baq'uet, ya jmuquex ta nuhcul soc ya ca'beyex awich'ic ic', hich ya xcha'cuxajex a. Hich me yac ana'ic a te ho'on Jehovahon, xchi.

Ezequiel 39:22

Ta hich ora soc ta patil ya me sna' te sna Israel te ho'on Jehovahon, te Dioson yu'une.

Ezequiel 39:28

Ya me sna'ic te ho'on Jehovahon, te Dioson yu'unic, te c'alal ic'biliquix bahel cu'un ta chuquel ta yohlil a te nacionetic, la jtsob tal ta sq'uinalic, te mayuc ni jtuhluc hilic tey a.

Ezequiel 39:29

Ma ba ya jnaq'uix jsit quelaw ta stojolic, como ya jmal cohel te Espíritu cu'un ta stojol te sna Israel, xchi te Jehová, te Ajwalil.

Joel 2:26

Ya me xwe'ex ha to c'alal ya xnoj ach'uhtic, soc ya me awalbeyic yutsil sc'oblal te sbihil te Jehová te Dios awu'unic, te c'ax lec bintic la spasbeyex; mayuquix bin ora ya xtahot yu'un q'uexlal te pueblo cu'une.

Joel 3:17

Hich me yac ana'ic a te ho'on Jehovahon te Dioson awu'unic, te nahinemon ta Sión, te ch'ul wits cu'une. Te Jerusalén ha ch'ul pueblo ya xc'oht, ma me ayuquix bin ora ya x'u'untayotix yu'un jyanlumetic.

Joel 3:21

Ya ca'be spacol te ch'ich' malem te ma ba ca'beyej spacol. Soc ya xnahin ta Sión te Jehová.

Sofonías 3:11

Ta hich ora ma ba ya xq'uexawatix yu'un jchahpuc te a'teliletic te la atoy aba ta jtojol yu'une, como ya jloq'ues ta awohlil te mach'atic tse'el yo'tanic yu'un te stoybahilic, mayuquix bin ora yac atoy aba ta ch'ul wits cu'un.

Sofonías 3:17

Te Jehová te Dios awu'un, ay ta awohlil; ¡ay yu'el, ya scoltayat! Bayel yutsil yo'tan ta atojol; ta scuenta sc'uxul yo'tan ya yach'ubtesbat acuxlejal, soc stse'elil yo'tan ya xc'ayojin ta atojol.

Zacarías 2:9

Ya jtoy jc'ab ta stojolic, ya xpojbot sbiluquic yu'un te a'batetic yu'unique, xchi. Hich yac ana'ic a te ticombilon yu'un te Jehová te scuentahinej spisil.

Números 11:29

Pero la sjac' te Moisés: ¿Yu'un bal xut'et awo'tan ta jcuenta? Ha lec te ha'uc jalwanejetic spisil te pueblo yu'un Jehová, te yacuc yac'ticlan te espíritu yu'un ta stojolic, xchi.

Números 23:21

Mayuc mulil yu'un Jacob la yil, mayuc yiloj bin chopol ta Israel. Te Jehová te Dios yu'un, ha sjoquinej, ya yalic te ha ajwalil yu'unic.

2 Corintios 6:16

¿Bin ut'il te jun ya schap sc'opic te templo yu'un Dios soc te loc'ombahetique? Ha'ex templohex yu'un te cuxul Dios, hich te bin ut'il yaloj te Diose: Ya xnahinon soc ya xbehenon ta yohlilic; ho'on Dioson yu'unic ya xc'ohon, soc ha pueblo cu'un ya xc'ohtic.

Deuteronomio 23:14

Como te Jehová te Dios awu'un ya xbehen ta yohlil te acampamento yu'un ya scoltayat soc ya ya'bat ta ac'ab te acontratac; ha scuentahil te ya sc'an ch'ultesbil te campamento awu'un, scuenta yu'un ma ba ya yil tey a te bin ma lecuc, te hich ya yihquitayat hilel.

1 Pedro 2:6

Ha scuentahil te hich ts'ihbabil ta Shun Dios: Ilawil, ya cac' ta Sión te ton te ha yich'o-ip te xuhc na, te ha tsahbil soc te bayel yutsil; te mach'a ha ya sch'uhun, ma ba ya sta q'uexlal, xchi.

Apocalipsis 21:3

Soc la jca'iy ay mach'a tulan c'opoj tal ta muc'ul-huctajibal, hich la yal: Ya xnahinix Dios ta yohlil te ants-winiquetic, ya me sjoquin ta nahinel, ha pueblo ya xc'oht yu'un, ha nix ya xjoquinot yu'un Dios soc ha Dios yu'unic ya xc'oht.