Joel 2:26 - Bible in Tzeltal Bachajón

²⁶ Ya me xwe'ex ha to c'alal ya xnoj ach'uhtic, soc ya me awalbeyic yutsil sc'oblal te sbihil te Jehová te Dios awu'unic, te c'ax lec bintic la spasbeyex; mayuquix bin ora ya xtahot yu'un q'uexlal te pueblo cu'une.

Bible in Tzeltal de Oxchuc y Tenejapa

²⁶ Te ja'exe, ya me xwe'ex ta lec, ja' to teme noj ach'ujt'ique. Jich me ya awalbonic yutsil jc'oplal jo'on te Ajwalilon te Dioson awu'unique, melel te jo'on ay bayal jchajp at'eliletic muq'uic la jpas ta awentaic. Ma me ayuquix bi ora ya xtaot yu'un q'uexlal te lum cu'une.

Joel 2:26 ပူးပေါင်းရင်းမြစ်များ

Génesis 33:11

Awocoluc, tsacbon te amahtan te la jquich'bat tal, yu'un lec yo'tan Dios ta jtojol, spisil ini ho'on cu'un, xchi. Te Jacob la yac' fuersa ta c'op, hich la stsac te Esaú.

Nehemías 9:25

Soc la yu'untayic pueblohetic te ay toyol ts'ahc yu'unic soc lequil q'uinal, soc la yich'ic nahetic nojelic ta lequil biluquetic, pozohetic, ts'usubiletic, ts'umbil olivohetic, soc yantic te'etic te ya yac'ticlan sit. We'ic, noj sch'uhtic soc juhp'ic, bayel la smulanic te yutsil awo'tan te c'ax muc'.

Salmos 103:5

ha te ya snojesbat acuxlejal ta bin lec scuenta yu'un ya xqueremubat hich te bin ut'il jxic.

Salmos 116:7

¡Cuxa awo'tan yan buelta, jch'uhlel, como lec bin la spasbat te Jehová!

Salmos 13:6

Ya jc'ayojtay te Jehová como lec bin la spasbon.

Salmos 22:26

Ya me xwe'ic te pobrehetic soc ya me xnoj sch'uhtic; ya me yalbeyic yutsil sc'oblal Jehová te mach'atic ya slehic; cuxul ya xhil awo'tanic sbahtel q'uinal.

Salmos 37:19

Ma ba ya stahic q'uexlal ta yorahil wocol, soc ta yorahil wi'nal ya me xnoj sch'uhtic.

Salmos 67:5

Ac'a yalbat yutsil ac'oblal te pueblohetic, Dios cu'un; ac'a yalbat yutsil ac'oblal spisil te pueblohetic.

Salmos 72:18

Bayel me yutsil te Jehová Dios, te Dios yu'un Israel, te ha nax stuquel te ya spas jchahp a'teliletic.

Proverbios 13:25

Te mach'a toj yo'tan ya xwe' ha to banti c'alal ya sc'an yo'tan, yan te sch'uht te mach'atic chopol yo'tanic, jochol ya xhil.

Cantares 5:1

Talemon ta ts'umbil q'uinal cu'un, quihts'inat, jlecolat; La jtsobix te mirra soc te perfumehetic cu'un, la jlo'ix te chab soc te schabec'al, la jcuch'ix te vino soc te leche cu'un. We'anic, ha'ex te jun co'tan jbahtic soc, uch'anic ta ban c'alal yac ac'anic.

Isaías 25:1

Jehová, ha'at te Diosat cu'un; ya jtoybat ac'oblal soc ya calbat yutsil abihil, como bayel yutsil bintic la apas, ha melel soc stalel ay te bintic achapoj ta namey.

Isaías 29:22

Ha yu'un te Jehová te la scoltay loq'uel te Abraham, hich ya yalbe te sna Jacob: Ma ba ya stahix q'uexlal te Jacob, ma ba ya xch'ay sch'ich'el yelaw.

Isaías 45:17

Pero te Israel ya xcoltayot yu'un Jehová ta scuenta colel te sbahtel q'uinal ay; mayuquix bin ora ya xq'uexawex o ya xpehc'anex.

Isaías 49:23

Te ajwaliletic hich ya xc'ohtic te bin ut'il atatic, soc te ajwalil-antsetic yu'unic ha jcanan-alal ya xc'oht awu'unic. Ya me spahcan sbahic ta lum ta atojolic, soc ya me sleq'uic te stanul awoquic. Hich yac ana'ic a te ho'on Jehovahon; soc ma ba ya xq'uexawic te mach'atic smuc'ulinejon yo'tanic, xchi te Jehová.

Isaías 54:4

Ma me xiwat, ma ba ya xhilat ta q'uexlal; ma me xaxi' q'uexlaltesel, como ma ba yac awich' pehc'anel; ya me xch'ay ta awo'tan te q'uexlal yu'un aqueremil soc ma ba yac ana'ix te ihlayel yu'un te ame'ba'al.

Isaías 55:2

¿Bin yu'un yac alajin ataq'uinic yu'un te bin ma we'eliluc? ¿Bin yu'un yac alajin stojol awa'tel yu'un te bin ma xnoj ach'uhtic yu'une? ¡A'iybon awa'iyic ta lec, we'anic te bin lec, ya me amulan te bintic buhts'an ta we'el!

Levítico 25:19

Ya me sitin te lumq'uinal, ya xwe'ex ha to c'alal ya xnoj ach'uhtic yu'un, soc jun awo'tanic ya xnahinex tey a.

Levítico 26:26

Te c'alal ya jlajimbeyex awe'elic, lajuntuhl antsetic ya spaybeyex spisil awe'elic ta junax horno, p'isbil ya spucbeyex awe'elic, ma ba ya xnoj ach'uhtic yu'un.

Levítico 26:5

Yaquex to ta swuyel trigo a te ya sta yorahil stsobel te ts'usube, soc yaquex to ta stsobel ts'usub a te ya sta yorahil awal; yac awe'ic pan ha to c'alal ya xnoj ach'uhtic, soc jun awo'tan ya xnahinex ta aq'uinalic.

Miqueas 6:14

Ya xwe'at, pero ma xnoj ach'uht yu'un, stalel ay awocol ta wi'nal; yac atsob, pero mayuc bin ya xhil awu'un, soc te bin q'uejbil awu'un ya cac' ta lajel ta espada.

Sofonías 3:11

Ta hich ora ma ba ya xq'uexawatix yu'un jchahpuc te a'teliletic te la atoy aba ta jtojol yu'une, como ya jloq'ues ta awohlil te mach'atic tse'el yo'tanic yu'un te stoybahilic, mayuquix bin ora yac atoy aba ta ch'ul wits cu'un.

Zacarías 9:15

Te Jehová te scuentahinej spisil ya me scanantay te mach'atic yu'un, ya me slajinic soc ya me sts'o'ic ta teq'uel te tonetic yu'un jihmuch'il; ya me yuch'ic soc ay me xjuyetic hich te bin ut'il yuch'ojic vino, ya xnoj sch'uhtic hich te bin ut'il muc'ul taza, hich te bin ut'il te xulubiletic yu'un te scajtajib ta chiq'uel mahtanil.

Zacarías 9:17

¡Cax lec soc buen t'ujbil! Te trigo ya ya'be yutsil q'uinal ya'iyic te queremetic soc te vino ya ya'be yutsil q'uinal ya'iyic te ach'ixetique.

Romanos 10:11

Hich ya yal te Shun Diose: Spisil mach'a ya sch'uhun, ma ba ya sta q'uexlal yu'un, xchi,

Romanos 5:5

soc te smuc'ul co'tanic ma xyac'otic ta q'uexlal, como malbilix ta co'tantic te sc'uxul yo'tan Dios ta scuenta te Ch'ul Espíritu te a'bilotiquixe.

Romanos 9:33

hich te bin ut'il ts'ihbabil: Ilawil, ta Sión ya cac' jun ton scuenta c'ohchinojibal, soc muc'ul ton te ya xyahlteswan; te mach'a ha ya sch'uhun, ma ba ya sta q'uexlal yu'un, xchi.

Deuteronomio 11:15

Soc ya cac' coluc ha'maletic ta q'uinal te ya swe' te chambahlametic awu'unic, soc ya xwe' x'uch'at, ya xnoj ach'uht.

Deuteronomio 12:12

Buen tse'eluc me awo'tanic ta stojol te Jehová te Dios awu'unic, ha'at soc awal-anich'nab, te a'batetic soc criadahetic awu'unic, soc te levita te ya xnahin ta pueblohetic awu'unic, como ma ba pajal a'bot sq'uinalic soc te ha'exe.

Deuteronomio 12:18

ha nax yac awe' ta stojol Jehová te Dios awu'un, ta lugar te ya stsa stuquel, ha'at soc awal-anich'nab, te awa'bat, acriada soc te levita te ya xnahin ta pueblohetic awu'un. Tse'eluc me awo'tan ta stojol Jehová te Dios awu'un yu'un spisil awa'tel.

Deuteronomio 12:7

Tey ya xwe'ex a ta stojol te Jehová te Dios awu'unic, soc buen tse'eluc me awo'tanic, ha'ex soc te mach'atic ay awu'unic, yu'un spisil awa'tel la apasic te banti la ya'beyex bendición te Jehová te Dios awu'unique.

Deuteronomio 8:10

Ya me xwe'at, ya xnoj ach'uht yu'un, soc ya me awalbe yutsil sc'oblal te Jehová te Dios awu'un yu'un te lequil q'uinal te la ya'bate.

1 Timoteo 6:17

Halbeya mandar te jc'uhlejetic te ma me stoy sbahic soc ma me xyac' smuc'ulin yo'tanic a te ta sc'uhlejalic te ma staleluc aye; ha ac'a smuc'ulin yo'tanic te cuxul Dios, te c'ax bayel bin ya ya'botic spisil yu'un ya jmulantic.

1 Juan 2:28

Cal-jnich'nab, jc'axel ayinanic me ta stojol, scuenta yu'un te c'alal ya xchicnaj ay me yip co'tantic a, soc ma ba q'uejel ya cac' jbahtic ta stojol yu'un q'uexlal te c'alal ya xtale.