Joel 2:22 - Bible in Tzeltal Bachajón

²² Ma me xiwex, ha'mal chambahlametic, como ya xyaxubix xan te aquiltic ta jochol taquin q'uinal; ya xcha'ac' xan sit te te'etic, te higuera soc te ts'usubil ya me yac' xan sitic.

Bible in Tzeltal de Oxchuc y Tenejapa

²² Ma me xiwex, ja'ex ja'mal chambalametic, melel ya me xyaxubiquix xan te aquiltique. Ya me xcha'yac' xan sit te te'etique, ay me bayal higueraetic soc ts'usubetic.

Joel 2:22 ပူးပေါင်းရင်းမြစ်များ

Génesis 4:12

Te c'alal yac achahpan te lumq'uinal, ma ba ya ya'batix te bintic ya xcol tey a; ha jbehyomat soc jyanlumat ya xc'axat ta q'uinal, xchi sc'oblal.

Salmos 36:6

Te stojil awo'tan hich c'ohem te bin ut'il te witsiltic yu'un Dios, te chahpanel awu'un hich ay te bin ut'il muc'ul xahab. Ha'at, Jehová, yac acanantay te ants-winiquetic soc te chambahlametique.

Salmos 65:12

Ya xyaxubic te aquiltic ta jochol taquin q'uinal soc bayel yutsil yo'tanic te tsehletique.

Salmos 65:13

Te spamlejetic nojelic ta tuminchijetic soc tentsunetic, te sjuclejetic sc'u'inejic trigo; ya x'awonic ta scuenta yutsil q'uinal ya ya'iyic soc ya xc'ayojinic.

Salmos 67:6

Ya me yac' sit te bin ya xcol ta q'uinal; ya me ya'botic bendición te Diose, ha te Dios cu'untique.

Isaías 51:3

Te Jehová ya me smuc'ubtesbe q'uinal ya'iy te Sión, ya smuc'ubtesbe q'uinal ya'iy spisil te bintic jihnem yu'un. Ya me yac' te hich ya xc'oht te bin ut'il Edén te jochol taquin q'uinal yu'un, te hich ya xc'oht te bin ut'il t'ujbil ts'umbil q'uinal yu'un Jehová te jochol q'uinal yu'un. Tey ay yutsil q'uinal a soc tse'el-o'tanil, yalel wocol soc c'ayoj.

Ezequiel 36:30

Ya cac' te bayel ya sitin te te'etic soc bintic ts'unticlambil ta q'uinal, scuenta yu'un ma ba yac atahiquix q'uexlal yu'un wi'nal ta yohlil te nacionetique.

Ezequiel 36:35

Hich me ya yalic: Te q'uinal ini te jochol hil, hich c'oht te bin ut'il ts'umbil te'etic ta Edén; soc te pueblohetic ini te jimbilic soc jocholic, yo'tic ayix ts'ahquetic yu'unic soc ay mach'atic ya xnahinic tey a, xchihic.

Ezequiel 36:8

Pero ha'ex, witsetic yu'un Israel, ya me awac' bahel ac'abc'ab soc ya me awa'be te pueblo Israel cu'un te sit awu'une, como nopol ya suhtic talel.

Jonás 4:11

¿Ma bal yacuc jna'be yo'bolil sbahic te Nínive, te muc'ul pueblo banti c'axem ta ho'lajunpic (120,000) ta tuhl ants-winiquetic te ma sna'ic stsahtayel te swa'el-c'ab soc te sq'uexam-c'ab, soc te ay bayel chambahlametic tey a? xchi.

Hageo 2:16

¿bin yilel acuxlejalic a? Teme ay mach'a tal ta banti busul jtahb efa sc'oblal, ha nax ay lajuneb; teme ay mach'a tal ta yawil ta pits'el ts'usub yu'un ya sloq'ues lajuneb yoxwinic (50) q'uib sc'oblal, ha nax jtahb (20) ya sta.

Zacarías 8:12

Yu'un ya yich' ts'umbeyel lamal q'uinal: ya me yac' sit te sts'usubilic, ya sitin te awal-ts'unubil ta q'uinal, soc ya yac' sts'ujulel te ch'ulchan; ya ca'be yu'untayic spisil ini te mach'atic hilemic yu'un te pueblo.

1 Corintios 3:7

Ha yu'un ma ha'uc ay sc'oblal te mach'a ya ya'iy ts'umbajel o te mach'a ya ya'be ya'lel, ha ay sc'oblal te Dios te ya yac' ch'ihyuc.