Joel 2:2 - Bible in Tzeltal Bachajón

² Ha sc'ahc'alel yihc'al q'uinal soc ahc'abal, sc'ahc'alel tocal soc spimil yihc'al q'uinal. Hich te bin ut'il ya slim bahel ta witsiltic te sacubel q'uinal, hich ya xtal jchahp soldadohetic te c'ax bayelic soc ay yipic; mayuc hich chicnajem ta ilel soc mayuc hich ya xchicnaj ta patil ta bayel ha'bil ta cajalcaj ts'umbalil.

Bible in Tzeltal de Oxchuc y Tenejapa

² Sc'aalelal te ijc' q'uinale, sc'aalelal te tocaletic soc xiweltic sba axinal. Jchajp soldadoetic c'oem, mero bayal, soc mero bayal yipic, la spuc sbaic ta ba witsetic, jich bit'il saquil q'uinal ya xchicnaj te c'alal ya sacube. Ma'yuc jich chicnajem ta ilel soc ma'yuc bi ora ya xchicnajix, ma'yuquix pajal soc ya xchicnaj.

Joel 2:2 ပူးပေါင်းရင်းမြစ်များ

Salmos 10:6

Hich ya yal ta yo'tan: Mayuc bin ora ya xyahlon, mayuc bin ora ya stahon wocol, xchi.

Salmos 97:2

Ha joytaybil yu'un tocaletic soc yihc'al q'uinal; te bin toj ta pasel soc te stojil chahpanel ha yich'o-ip te smuc'ul-huctajibe.

Éxodo 10:14

La spuc sbahic te c'ulubetic ta spahmal sq'uinal Egipto, mayuc hich yipal c'axem ta spahmal sq'uinal Egipto ta nahil to o ta patil.

Éxodo 10:6

Ya xnoj ta anahic soc ta snahic te a'batetic awu'un soc ta snahic spisil te egipciohetic, te mayuc hich yilojic te ame'atatic soc te antiguo ame'atatic te c'alal chicnajic ta q'uinal c'alal ora, xchi. Hich la sut sba, loc' bahel ta stojol faraón.

Éxodo 20:21

Te pueblo namal la yac' sbahic, c'alal te Moisés nohpoj bahel ta yihc'al q'uinal banti ay te Diose.

Isaías 5:30

Ta hich ora ya x'awonic ta stojol hich te bin ut'il sc'op te mar. Ya yilic te lumq'uinal, ya me yilic yihc'al q'uinal soc wocol, ya x'ihc'ub te sacal q'uinal yu'un te tocale.

Isaías 8:22

Ya me yilic te q'uinal, ha ya yilic wocol soc yihc'al q'uinal, pimil yihc'al q'uinal soc mel-o'tan; ya xch'ojotic bahel ta yihc'al q'uinal.

Jeremías 13:16

Halbeya yutsil sc'oblal te Jehová te Dios awu'unic, te c'alal ma to xtal yu'un a te yihc'al q'uinal, te c'alal ma to ba ac'ohchinej awoquic a ta witsiltic te ayic ta axinal; soc te c'alal yac amahlibel a te sacal q'uinal, ha ya sutp'ij ta axinal yu'un lajel soc ta yihc'al q'uinal.

Jeremías 13:6

Bayel c'ahc'al ta patil hich la yalbon te Jehová: Bahan ta muc'ul-ha' Éufrates, ich'a tal te schuhquil ach'uht te la jcalbat te yac anaq'ue, xchi.

Lamentaciones 1:12

¿Ma bal ayuc sc'oblal ta awo'tanic, ha'ex te ya xc'axex bahel ta be tey a? Ilawilic teme hich ay sc'uxul te bin ut'il te sc'uxul te tal ta jtojol; como te Jehová la ya'bon jwocol ta sc'ahc'alel yilimba.

Ezequiel 32:7

C'alal jc'axel jihnematix cu'un, ya jmuc te ch'ulchan soc ya cac' x'ihc'ub te eq'uetique; ya cac' mahcuc ta tocal te c'ahc'al, soc te u ma ba ya yaq'uix sc'ahc'al.

Ezequiel 34:12

Hich te bin ut'il bayel sc'oblal ta yo'tan te jcanan-tuminchij te ya stsob tal te jtsohb tuminchijetic yu'un te puhquemic, hich bayel sc'oblal ta co'tan te tuminchijetic cu'un soc ya cac'ticlan ta libre ta bayuc banti puhquemic bahel ta yorahil macal q'uinal soc yihc'al q'uinal.

Ezequiel 38:9

Ya xmohat bahel hich te bin ut'il ic'al-ha'al; hich te bin ut'il tocal te ya smac te q'uinal ya xc'ohat soc spisil te soldadohetic awu'un, soc te bayel pueblohetic sjoquinejat.

Daniel 12:1

Ta hich ora ya xhahch te Miguel, te muc'ul príncipal te ya scanantay te pueblo awu'une. Ha yorahil bayel wocol, mayuc hich c'ohem ta pasel c'alal hahchemic nacionetic c'alal ta hich ora. Pero ta hich ora ya x'ac'ot ta libre te pueblo awu'un, spisil te mach'atic ts'ihbabil sbihilic ta libro.

Daniel 9:12

Ha la sc'ohtes ta pasel te bin la yal ta jtojolcotic soc ta stojol te jcuentahinwanejetic cu'uncotic, ha te la yac' tal ta jtojolcotic bayel wocol; mayuc hich c'ohem ta pasel ta ye'tal ch'ulchan te bin ut'il c'oht ta stojol Jerusalén.

Joel 1:6

Como jun pueblo te bayel yip soc tsobolic mohix talel ta jq'uinal; te sbaquel yehic pajal soc sbaquel yehic choj, te scha'amic pajal soc scha'amic choj.

Joel 2:25

Ya jeltaybeyex te ha'biletic te lajinot yu'un te yol, te tut c'ulub, xc'aj soc te c'ulube, ha te tsobol soldadohetic cu'un te la jticombeyex ta atojolique.

Joel 2:31

Ya x'ihc'ub te c'ahc'al, soc ya xc'atp'uj ta ch'ich' te u, te c'alal ma to xc'oht a te sc'ahc'alel Jehová te muc' soc te xiweltic sbahe.

Joel 2:5

Hich xnilet sc'opic te bin ut'il carretahetic te c'alal ya xwihlic bahel ta witsiltic; pajal soc xju'et yat c'ahc' te ya schic' taquin ha'maletic, pajal soc jchahp soldadohetic te ay yipic te chapalic ta guerra.

Joel 3:4

¿Bin cochelex a, Tiro, Sidón, soc spisil sq'uinal Filistea? ¿Ya bal ac'an yac asutbonic spacol? Teme yac asutbonic spacol, ho'on ya cac' c'ohtuc ta atojolic ta ora te bin yac apasique.

Amós 4:13

Te mach'a ya spas te witsiltic soc te ic', te ya ya'be sna' te ants-winiquetic te bin snopoj ta yo'tan, te ya yac' te ha yihc'al q'uinal ya xc'oht te sacubel q'uinal, soc te ya xbehen ta stoyolil te q'uinale, ha Jehová, te Dios te scuentahinej spisil te sbihile.

Sofonías 1:7

Ch'aban ta stojol te Jehová, te Ajwalil, como nopolix te sc'ahc'alel yu'un Jehová; te Jehová schahpanej milbil mahtanil soc sch'ultesej te ic'abiletic yu'une.

Zacarías 14:6

Ta hich ora mayuc sacal q'uinal, mayuc sic soc mayuc me'sic.

San Mateo 24:21

como ya me xtal tulan wocol ta hich ora, te mayuc hich c'ohem ta pasel ta shachel to tal bahlumilal c'alal ora, soc mayuc hich ya xc'oht xan ta patil.

San Marcos 13:19

como mayuc hich wocol c'ohem ta pasel yalel c'alal pastay yu'un Dios te bahlumilal c'alal ora, soc mayuc hich ya xc'oht xan ta pasel.

Deuteronomio 32:7

Na'a me te namey tal, ayuc me ta awo'tan te ha'biletic yu'un bayel ta jcaj ts'umbaliletic; joc'obeya atat, ha ya yalbat, joc'obeya te mamaletic awu'un, ha'ic ya ya'bat ana'.

Hebreos 12:18

Ma ba nohpojemex ta wits te ya xhu' ta piquel soc te yac ta tihlel c'ahc' tey a; ma ba nohpojemex ta spimil yihc'al q'uinal, ta yihc'al q'uinal soc ta ic'al ha'al,

Judas 1:13

Ha tulan stselajan mar te capal soc sbuhl ya scuch tal te sq'uexlalic; ha howiyem eq'uetic te chapal sc'oblalic te ha yawilic sbahtel q'uinal ya xc'oht te mero yihc'al q'uinale.

Apocalipsis 9:2

La sjam te xahab, xtomet loq'uel bayel ch'ahil tey a hich te bin ut'il sch'ahilel muc'ul horno. Ihc'ub te c'ahc'al soc ic' yu'un te ch'ahil yac ta loq'uel tal ta xahab.