Joel 2:17 - Bible in Tzeltal Bachajón

¹⁷ Te sacerdotehetic, ha te a'batetic yu'un Jehová, ac'a oq'uicuc ta ohlil yu'unte yochibal te templo soc te scajtajib ta chiq'uel mahtanil, hich ac'a yalic: Jehová, pasbeya perdón te pueblo awu'une, ma xawac' ta labanel te bin ay awu'un, yu'un ya x'u'untayot yu'un te nacionetique. ¿Bin yu'un te hich ya yalic ta yohlil te pueblohetic: Banti ay te Dios yu'unic, te xchihique?

Bible in Tzeltal de Oxchuc y Tenejapa

¹⁷ Ac'a oq'uicuc te sacerdoteetic, ja' te abatetic yu'un te Cajwaltique. Jich ac'a yalic ta yolil te yochibal Ch'ul Awilal soc te scajtijib ta chiq'uel majt'anile: “Cajwal, pasbeya perdón te lum awu'une; ma xawac' te ay mach'a ya xlabanot yu'un te mach'atic awu'une; ma xawac' te ya x'u'uninot yu'un yantic nación, soc te jich ya yalic te mach'atic ma ba xch'uunejate: ‘¿Banti ay te Dios yu'unique?’ xiic me”, xiuc me sc'op te sacerdoteetique.

Joel 2:17 ပူးပေါင်းရင်းမြစ်များ

1 Reyes 6:3

Te jtsahl ta yochibal te templo, ha jtahb (20) xuhc'ubil snahtil, pajal soc te sjamalil te templo, soc lajuneb xuhc'ubil xuhc.

1 Reyes 9:7

ya jloq'ues te Israel tey ta q'uinal te ca'beyeje. Soc te Na ini te la jch'ultes scuenta jbihil ya jch'oj loq'uel ta jtojol, soc te Israel ya xhahch labanel c'op ta stojol soc ya x'och ta labanel yu'un spisil pueblohetic.

2 Crónicas 7:20

ho'on ya jbulat loq'uel ta jq'uinal te ca'beyejex soc ya jch'oj loq'uel ta jtojol te Na te ch'ultesbilix cu'un yu'un te jbihile, soc ya cac' ta labanel soc ta tse'layel yu'un spisil pueblohetic.

2 Crónicas 8:12

Te Salomón la ya'be scohtol chic'bil mahtaniletic te Jehová ta scajtajib ta chiq'uel mahtanil yu'un Jehová te spasoj ta stojol te slehchelul templo;

Nehemías 9:36

Pero ilawil, yo'tic ayotcotiquix ta mosohil, ayotcotic ta mosohil ta q'uinal te la awa'be te jme'jtatcotic yu'un ya swe'beyic sit yawal-ts'unubic soc te bintic lec ya yaq'ue.

Salmos 115:2

¿Bin yu'un hich ya yalic te nacionetic: ¿Banti ay te Dios yu'unic? te xchihique?

Salmos 42:10

Ya slabanonic te jcontratac hich te bin ut'il mach'a ya yehchentesbon jbaquel, te bin ut'il hich ya yalbonic jujun c'ahc'al: ¿Banti ay te Dios awu'un? xchihic.

Salmos 42:11

¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal, te Jcoltaywanej soc te Dios cu'une.

Salmos 42:3

Ha jwe'el c'ohem te ya'lel jsit jujun c'ahc'al, ahc'abal, te c'alal hich ya yalbonic spisil ora: ¿Banti ay te Dios awu'un? te xchihique.

Salmos 42:4

Ha ya jna'ticlan ini soc ya xtal mel-o'tan yu'un: ha te bin ut'il la joquin bahel tsobolic soc la jquic'ticlan bahel ta sna Dios, ta scuenta aw yu'un yutsil q'uinal ya ya'iyic soc halbeyel wocol Dios te pueblo te yac ta spasel q'uin.

Salmos 74:10

Dios cu'un, ¿jayeb xan c'ahc'al ya xtse'lawan te contrahe? ¿Stalel bal ya sbohlc'optaybat abihil te contrahe?

Salmos 79:10

¿Bin yu'un te hich ya yalic te nacionetic: ¿Banti ay te Dios yu'unic? te xchihique? ¡Ta jsitcotic a'beya yilic ta yohlil te nacionetic te yac asutbe spacol te sch'ich'el te a'batetic awu'un te la yich' malbeyel!

Salmos 79:4

Te jpat-xuhcotic ya slabanotcotic, ya stse'layotcotic te mach'atic ayic ta joyobalcotic.

Salmos 89:41

Spisil te mach'atic ya xc'axic tey a ya spojbeyic sbiluc; ya xlabanot yu'un te spat-xuhque.

Salmos 89:51

como te acontratac, Jehová, la slabanic, la slabanic te jujujihm yoc te mach'a tsahbil awu'une.

Éxodo 34:9

Hich la yal: Cajwal, teme melel lec c'ohemon ta atojol, ac'a sjoquinotcotic bahel te Cajwaltique. Aunque tulan yo'tanic te pueblo ini, pasbotcotic perdón yu'un te jchopolilcotic soc te jmulcotic, soc ic'awotcotic te ha awu'un ya xc'ohotcotique, xchi.

Isaías 22:12

Ha yu'un te Jehová te scuentahinej spisil, ta hich ora la yiq'uex yu'un ya x'oq'uex soc yac amel awo'tanic, yu'un yac aloq'uesic stsotsel ajolic soc yac alapic ch'ixal pac'.

Isaías 37:20

Yo'tic, Jehová, Dios cu'untic, coltayawotcotic loq'uel ta sc'ab, scuenta yu'un spisil te nacionetic ta bahlumilal ya me sna'ic te ha'at nax atuquel te Jehová, xchi ta sc'oponel Dios.

Ezequiel 20:9

Pero ta scuenta yich'el ta muc' te jbihile, scuenta yu'un ma ba ya xbohlob sc'oblal te jbihil ta stojol te nacionetic te banti nahinemic ta yohlilic, te banti la jcac' jba ta na'ele, ay bin la jpas yu'un ya jloq'uesic tal ta sq'uinal Egipto.

Ezequiel 8:16

La yic'on bahel ta amac' ta yutil te ay ta sna Jehová; tey ta yochibal te templo yu'un Jehová, ta ohlil yu'un te ochibal soc te scajtajib ta chiq'uel mahtanil, ay ho'eb scha'winic (25) ta tuhl winiquetic swalac'patiyejic te templo, te sit yelawic ay ta stojol ta banti ya xloc' tal c'ahc'al, snijanej sbahic, yac sch'uhuntaybelic te c'ahc'ale.

Oseas 14:2

Ich'a bahel c'opetic scuenta suhtesel-o'tanil, suhtan tal ta stojol Jehová soc hich xawalbe: Loq'uesa spisil bintic chopol, ich'a te bintic lec, ya ca'batcotic ta mahtanil te bin ya xloc' ta quecotic.

Joel 1:13

Lapahic pac' yu'un mel-o'tan, oc'anic, sacerdotehetic, ahcanajanic, ha'ex te ya x'a'tejex ta scajtajib ta chiq'uel mahtanil; la'ic, wayanic ta pac' yu'un mel-o'tan, ha'ex te ya x'a'tejex ta stojol te Dios cu'une; como loq'uemiquix ta sna te Dios cu'untic te mahtanil harina soc te malbil mahtanil.

Joel 1:9

Ch'ay bahel ta sna Jehová te mahtanil harina soc te malbil mahtanil; te sacerdotehetic te ya x'a'tejic ta stojol Jehová ayic ta mel-o'tan.

Amós 7:2

C'alal lajix swe'bel a te ya'malel q'uinal te c'ulubetic, hich la jcal: ¡Cajwal Jehová, pasa perdón! ¿Bin ut'il c'an cuhchuc yu'un te Jacob, te melel ha tut? xchihon yu'un.

Amós 7:5

Hich la jcal: ¡Coma aba, Cajwal Jehová! ¿Bin ut'il c'an cuhchuc yu'un te Jacob, te melel ha tut? la jcut.

Miqueas 7:10

Ya me yil te jcontra, soc ha ya xpotsot ta q'uexlal te mach'a hich la yalbon: ¿Banti ay te Jehová te Dios awu'un? te xchihe. Tse'el co'tan ya quil te c'alal hich ya yich' ts'o'el ta teq'uel te bin ut'il ahch'al ta callehetic.

Malaquías 1:9

C'ambeyahic Dios te lecuc yo'tan ta atojolic, scuenta yu'un yacuc sna' yo'bolil jbahtic. Pero ¿bin ut'il lec yo'tan ya xc'oht ta atojolic teme hich yac apasique? xchi te Jehová te scuentahinej spisil.

Números 25:6

Ay jtuhl israel-winic te baht yic' tal jtuhl madianita-ants ta banti ay te yermanotac, ta sit Moisés soc spisil te pueblo Israel, te c'alal yaquic ta oq'uel a ta yochibal te Nahilpac' Templo yu'un tahojibal.

San Mateo 23:35

Hich yac amulimbeyic smalbeyel sch'ich'el spisil te mach'atic toj yo'tanic te lajic ta milel ta bahlumilal, c'alal ta sch'ich'el Abel te toj yo'tan ha to ta sch'ich'el Zacarías te snich'an Berequías te la amilic ta ohlil yu'un te Templo soc te scajtajib ta chiq'uel mahtanil.

San Mateo 27:43

La smuc'ulin yo'tan te Diose, ac'a coltayec yu'un teme ya sc'ane, como yaloj te ho'on Snich'anon Dios, xchihic.

Deuteronomio 28:37

Xiweltic aba ya x'ilotat soc tsahbil-c'op soc labanel ya yalic ta acuenta ta spisil te pueblohetic banti ya yic'at bahel te Jehová.

Deuteronomio 32:27

pero ma ba la jc'an te labanel yu'un te contra, te yanuc ya xc'oht ta yo'tan te scontratac, te hichuc ya yalic: Ta scuenta quiptic la jpastic spisil ini; ma ha'uc la spas te Jehová, te xchihuquic.

Josué 7:9

Como te cananeohetic soc spisil te mach'a nahinemic ta q'uinal ya me ya'iyic, ya me sjoytayotcotic soc ya me stup'botcotic jbihilcotic ta bahlumilal. ¿Bin yac apas hiche yu'un te smuc'ul abihile? xchi.