Joel 2:16 - Bible in Tzeltal Bachajón

¹⁶ tsobahic te pueblo, ch'ultesahic te tsoblej, tsobahic te mamaletic, tsobahic te alaletic, ha nix hich te chu'alaletique; ac'a loc'uc tal ta swayib te querem nuhpunel to, ac'a loc'uc tal te ach'ix ta jtsahl yu'un nuhpunel!

Bible in Tzeltal de Oxchuc y Tenejapa

¹⁶ tsobaic te lum yu'un Dios, ch'ultesaic. Tsobaic te mamaletic soc te alaletic, asta te alaletic ya to xchu'unique. Soc te mach'a nujbinelic to, ac'a loq'uicuc tel ta na yu'un nujbinel.

Joel 2:16 ပူးပေါင်းရင်းမြစ်များ

2 Crónicas 20:13

Spisil te winiquetic yu'un Judá soc antsetic, al-nich'anetic soc tut alaletic yu'unic tec'ajtic a ta stojol Jehová.

2 Crónicas 29:5

hich la yalbe: ¡Levitahetic, a'iybon awa'iyic jc'op! Ch'ultesa abahic yo'tic soc ch'ultesahic te sna Jehová te Dios yu'un ame'atatic, soc loq'uesahic ta ch'ul awilal te bin bohloben sc'oblal.

2 Crónicas 30:17

Ay to bayel ants-winiquetic te ma ba sch'ultesej sbahic, ha yu'un te levitahetic la smilic te jcolel tuminchijetic yu'un te Pascua ta scuenta spisil te mach'atic ma ba slecubtesej sbahic, scuenta yu'un ya yich'ic ch'ultesel te stuminchijic ta stojol Jehová.

2 Crónicas 30:19

ha te Jehová te Dios yu'un te sme'static, aunque ma ba slecubtesej sbahic hich te bin ut'il ya yal te mandariletic yu'un te ch'ul awilal scuenta ch'ultesel, xchi.

2 Crónicas 35:6

Milahic te tuminchijetic yu'un te Pascua, ch'ultesa abahic soc chahpana spisil scuenta yu'un hich ya spasic te awermanotac te bin yaloj te Jehová ta scuenta Moisés, xchi.

Job 1:5

Ta jujun buelta te ya xlaj te q'uin yu'unic, te Job ya sticon ta iq'uel soc ya slecubtesbe sc'oblalic. Ya xhahch ta sab, ya yac' scohtol chic'bil mahtaniletic ta scuenta jaytuhlic, yu'un hich ya yal te Job: Ay wan la sta smulic te jnich'nab soc ay wan la slabanic Dios ta yo'tanic, xchi. Hich la spasulan ta spisil ora.

Salmos 19:5

hich ay te bin ut'il mach'a nuhpunel to te ya xloc' tal ta stsalul ta ban ay swayib, hich te bin ut'il winic te ay yip te tse'el yo'tan yu'un ahnimal.

Éxodo 19:10

hich halbot yu'un te Jehová: Bahan ta stojol te pueblo, ch'ultesa yo'tic soc pajel; soc ac'a sac' sc'u'-spaq'uic

Éxodo 19:15

Hich la yalbe te pueblo: Chapaluquex me te cha'beje; ma me xata abahic soc ants, xchi.

Éxodo 19:22

Soc ac'a sch'ultes sbahic te sacerdotehetic te ya xnohpojic tal ta stojol te Jehová scuenta yu'un ma ba ya xlajinotic yu'un, xchi.

Joel 1:14

Puca ta halel te ya scom swe'elic, hala ta tsoblej, tsoba abahic ta sna Jehová te Dios awu'unic, te mamaletic soc spisil mach'atic nahinemic ta q'uinal, c'oponahic te Jehová.

San Mateo 21:16

Hich la yalbeyic te Jesús: ¿Ya bal awa'iy te bin yac yalbelic te alaletic ini? xchihic. La jca'iy. ¿Ma bal ayuc awilojic ta hun: Ta ye alaletic soc chu'alaletic la awa'be yalic te bayel yutsil ac'oblal? xchi te Jesús.

San Mateo 9:15

Halbotic yu'un te Jesús: ¿Ya bal smel yo'tanic te mach'atic yacalic ta pas-q'uin scuenta nuhpunel teme sjoquic to te jnuhpunele? Pero ya me sta yorahil te ya xloq'uesbot te jnuhpunel, ha to me ya xhahch scom swe'elic a.

1 Corintios 7:5

Ma me talel c'axeluc ma xac'an yac ata abahic, ha nax teme hich achapojic chican jayeb c'ahc'al, yu'un yac awa'telinic sc'oponel Dios. Patil joquina abahic, scuenta yu'un ma ba ya sujex a te Satanás ta scaj te ma xhu' yac acom abahique.

Josué 7:13

Hahchan, ch'ultesa te pueblo, hich xawalbe: Ch'ultesa abahic yu'un chapalex pajel, como hich ya yal te Jehová te Dios yu'un Israel: Ay bin ay ta awohlilic, Israel, te parte ac'bil ta scuenta lajel; ma xhu' yac atsal te acontra ha to teme la aloq'ues ta awohlilic te bin parte ac'bil ta scuenta lajel.

Josué 8:35

Mayuc jp'ahluc te mandar yaloj Moisés te ma ba la yil te Josué ta stojol spisil te pueblo Israel, ha nix te antsetic, alaletic soc te jyanlumetic te nahinemic ta yohlilic.

1 Samuel 16:5

Ha, talon ta ya'beyel milbil smahtan te Jehová. Ch'ultesa abahic, la', joquinawonic ta yaq'uel te milbil mahtanil, xchi te Samuel. Patil te Samuel la sch'ultes te Isaí soc te snich'nab, la yic' ta yaq'uel te milbil mahtanil.