Joel 2:11 - Bible in Tzeltal Bachajón

¹¹ Te Jehová ya yal mandar ta stojol te soldadohetic yu'un, c'ax muc' te campamento yu'unic, soc bayel yipic ya sch'uhunic spasel te smandare. Muc' soc xiweltic sba te sc'ahc'alel yu'un Jehová; ¿mach'a ya xcuhch yu'un?

Bible in Tzeltal de Oxchuc y Tenejapa

¹¹ Te Cajwaltic neel yac'oj sba ta stojol te soldadoetic c'oem yu'une, ya yac' chicnajuc yaw ta mero tulan. Mero bayal te soldadoetic c'oeme, ma x'ajtabaj te mach'atic ya xch'uunbey smandale. Mero muc' soc mero xiweltic sba te sc'aalelal te Cajwaltique. Ma'yuc mach'a ya xcujch' yu'un.

Joel 2:11 ပူးပေါင်းရင်းမြစ်များ

Salmos 18:14

La st'im bahel te ya'tejibalul st'ihmalte', la spucticlan bahel te jcontratac; la syalbay bahel tsantsehwaletic, la slajinlan.

Salmos 46:6

Ya x'awonic te nacionetic, ya xnihquic ban c'alal scuentahinejic; tulan c'opoj te Diose, uhl bahel yu'un te q'uinale.

Salmos 68:18

Mohat bahel ta toyol, la awic'ticlan bahel jchuqueletic; la awich'be mahtaniletic yu'un te ants-winiquetic, soc yu'un te mach'atic stoyoj sbahic, scuenta yu'un tey ya xnahinat a, Jehová Dios.

Isaías 13:4

Ay xjuyet ta witsiltic, hich te bin ut'il c'ax bayel winiquetic; xjuyet yu'un nacionetic, ha nacionetic te yac ta stsobel sbahic. Te Jehová te scuentahinej spisil yac ta yilel te soldadohetic te chapalic yu'un guerra.

Isaías 42:13

Te Jehová ya xloc' tal hich te bin ut'il soldado, hich te bin ut'il jtuhl winic yu'un guerra ya shachbe xut'et yo'tan; ya stoy sc'op, ya x'awon yu'un guerra, ya stsal te scontrataque.

Isaías 7:18

Ta hich ora te Jehová ya me xuxubtay tal te us te ay ta sti'il te muc'ul ha'etic yu'un Egipto soc te schanul chab te ay ta sq'uinal Asiria.

Jeremías 25:30

Ha'at, Jeremías, halbeya spisil te c'opetic ini: Te Jehová xnilet ya xc'opoj c'alal ta toyol, c'alal ta ch'ul awilal yu'un ya xc'opoj tal. Tulan xnilet ya xc'opoj ta scontrahinel te jtsohb tuminchijetic yu'une, ya me x'awon hich te bin ut'il mach'atic ya sp'e'ic ta teq'uel ts'usub, ta scontrahinel spisil mach'atic nahinemic ta q'uinal.

Jeremías 30:7

¡C'ax wocol ya xc'oht te sc'ahc'alel; mayuc yan pajal soc! Ha yorahil wocol yu'un Jacob; pero ya xcol ta libre ta stojol.

Jeremías 50:34

Pero te j'ac'aw ta libre yu'unic ha te mach'a ay yip; ha Jehová te scuentahinej spisil te sbihile. Ha me ya xc'opoj yu'unic scuenta yu'un ya ya'be scux yo'tan te q'uinal soc yu'un ya ya'be xiwel te mach'atic nahinemic ta Babilonia, xchi.

Ezequiel 22:14

¿Ay bal yip awo'tan soc ay bal yip ac'ab te bin ora ya jcontrahinat? Ho'on Jehovahon, c'opojonix, ya me cac' c'ohtuc ta pasel.

Joel 1:15

¡Ay me wocol ta hich ora! como nopolix te sc'ahc'alel yu'un Jehová; hich ya xtal te bin ut'il te jinel yu'un te Mach'a spisil ya xhu' yu'un.

Joel 1:6

Como jun pueblo te bayel yip soc tsobolic mohix talel ta jq'uinal; te sbaquel yehic pajal soc sbaquel yehic choj, te scha'amic pajal soc scha'amic choj.

Joel 2:1

Oq'uesinahic corneta ta Sión, ac'a ta na'el ta ch'ul wits cu'un. Ac'a nihcuc spisil te mach'atic nahinemic ta q'uinal, yu'un ya xtal te sc'ahc'alel yu'un Jehová, yu'un nopolix.

Joel 2:2

Ha sc'ahc'alel yihc'al q'uinal soc ahc'abal, sc'ahc'alel tocal soc spimil yihc'al q'uinal. Hich te bin ut'il ya slim bahel ta witsiltic te sacubel q'uinal, hich ya xtal jchahp soldadohetic te c'ax bayelic soc ay yipic; mayuc hich chicnajem ta ilel soc mayuc hich ya xchicnaj ta patil ta bayel ha'bil ta cajalcaj ts'umbalil.

Joel 2:25

Ya jeltaybeyex te ha'biletic te lajinot yu'un te yol, te tut c'ulub, xc'aj soc te c'ulube, ha te tsobol soldadohetic cu'un te la jticombeyex ta atojolique.

Joel 2:31

Ya x'ihc'ub te c'ahc'al, soc ya xc'atp'uj ta ch'ich' te u, te c'alal ma to xc'oht a te sc'ahc'alel Jehová te muc' soc te xiweltic sbahe.

Joel 3:14

C'ax bayel pueblohetic ta spamlej yu'un Chahpanel; como nopolix te sc'ahc'alel yu'un Jehová ta spamlej yu'un Chahpanel.

Joel 3:16

Ya x'awon te Jehová c'alal Sión, ya yac' ta a'iyel sc'op c'alal Jerusalén, ya xnihc te ch'ulchan soc te lumq'uinale; pero te Jehová ha ahnibal yu'un te pueblo yu'un, ha toyol ts'ahc yu'un ahnibal yu'un te snich'nab Israel.

Amós 1:2

Hich la yal: Ya x'awon Jehová c'alal ta Sión, ya yac' ta a'iyel sc'op c'alal Jerusalén, te aquiltic yu'un te jcanan-tuminchijetic ya xtaquij soc ya xtaquij te ba wits Carmelo.

Amós 5:18

¡Obol sbahic te mach'atic ya sc'anic te sc'ahc'alel yu'un Jehová! ¿Bin yu'un yac ac'anic te sc'ahc'alel yu'un Jehová? ha sc'ahc'alel yihc'al q'uinal, ma sacal q'uinaluc.

Amós 5:20

Te sc'ahc'alel yu'un Jehová, ¿ma bal ha'uc yihc'al q'uinal, ma ha'uc sacal q'uinal; te ha ahc'abal, te mayuc sts'anabul?

Abdías 1:15

Como nopolix te sc'ahc'alel yu'un Jehová ta stojol spisil te nacionetique. Hich te bin ut'il la apas, hich nix ya spasbotat; ha nix ya suht ta atojol te bintic la apase.

Nahúm 1:6

¿Mach'a ya xcuhch yu'un te yilimba? ¿Mach'a ya xhu' ya stehc'an sba ta stojol te sc'ahc'al yilimbahe? Te yilimba hich ya xmahl cohel te bin ut'il c'ahc', soc ya xwuy te tontiquil ta stojol.

Malaquías 3:2

Pero ¿mach'a ya xcuhch yu'un te bin c'ahc'alil ya xtale? ¿Mach'a ya xhu' yu'un te teq'uel ya xhil te c'alal ya xchicnaj tale? Como hich ay te bin ut'il c'ahc' yu'un yuhltesel taq'uin, hich ay te bin ut'il xapon yu'un mach'a ya sac' pac'.

Números 24:23

C'opoj xan ta sc'op-jalwanej, hich la yal: ¡Ay! ¿Mach'a cuxul ya xhil te c'alal hich ya spas te Diose?

1 Tesalonicenses 4:16

Ha nix te Cajwaltic ya xco talel ta ch'ulchan ta scuenta tulan aw ta mandar, soc sc'op jtsobaw ch'ul a'bat, soc te oq'uel yu'un te corneta yu'un Dios. Ha nahil ya xcha'cuxajic tal te mach'atic chamenic te ayic ta scuenta Cristo.

Apocalipsis 18:8

Ha yu'un ta junax c'ahc'al ya me xc'oht ta stojol te swocole: ha te lajel, oq'uel, wi'nal, soc ya me yich' chiq'uel ta c'ahc'; como bayel yu'el te Cajwaltic Dios te ya yich'be sc'op, xchi sc'oblal.

Apocalipsis 6:17

como c'ohtix sc'ahc'alel te tulan yilimba, ¿mach'a c'an hu'uc yu'un stehc'ambel sba? xchihic ta aw.