Joel 1:14 - Bible in Tzeltal Bachajón

¹⁴ Puca ta halel te ya scom swe'elic, hala ta tsoblej, tsoba abahic ta sna Jehová te Dios awu'unic, te mamaletic soc spisil mach'atic nahinemic ta q'uinal, c'oponahic te Jehová.

Bible in Tzeltal de Oxchuc y Tenejapa

¹⁴ Tsobaic te lume, coma awe'elic; tsobaic ta templo yu'un Cajwaltic, ja' te Dios awu'unique. Tsobaic te ancianoetic soc ta spisil te yajwal lumq'uinale, c'oponaic te Cajwaltique.

Joel 1:14 ပူးပေါင်းရင်းမြစ်များ

2 Reyes 10:20

Patil la yal te Jehú: Ch'ultesahic jun c'ahc'al scuenta q'uin yu'un Baal, xchi. Hich la spasic.

2 Crónicas 20:13

Spisil te winiquetic yu'un Judá soc antsetic, al-nich'anetic soc tut alaletic yu'unic tec'ajtic a ta stojol Jehová.

Nehemías 8:18

Te Esdras jujun c'ahc'al la yil te libro yu'un te ley yu'un Dios, ta sba c'ahc'alil c'alal ta slajibal. Huqueb c'ahc'al la spasic q'uin, ta swaxaquebal c'ahc'al la spasic ch'ul tsoblej, hich te bin ut'il ay ta pasel.

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

Jeremías 14:2

Yac ta oq'uel te Judá, te ochibaletic yu'un ya xlaj yipic; huculic ta lum ta mel-o'tan soc ya xtohy mohel yawic te Jerusalén.

Jeremías 36:9

Ta sbalunebal u ta yo'ebal ha'bil yochel ta ajwalil yu'un Judá a te Joacim snich'an Josías, la yich' halel te ya scom swe'elic ta stojol Jehová spisil te ants-winiquetic ta Jerusalén soc spisil mach'atic talemic ta pueblohetic yu'un Judá.

Joel 1:2

A'iya awa'iyic ini, mamaletic, a'iya awa'iyic spisil mach'atic nahinemic ta q'uinal. ¿Ay bal hich c'ohem ta pasel ta aworahil o ta yorahil te ame'atatique?

Levítico 23:36

Huqueb c'ahc'al yac awa'beyic chic'bil mahtanil te Jehová; ta swaxaquebal c'ahc'al ay ch'ul tsoblej awu'unic soc yac awa'beyic chic'bil mahtanil te Jehová. Ha q'uin, ma me xapas awa'telic a.

Jonás 3:5

Te ants-winiquetic yu'un Nínive la sch'uhunic te Diose, la yalic mandar te ya scom swe'elic soc la slapic pac' scuenta mel-o'tan, muc' biq'uitetic.

Jonás 3:8

Ac'a smuc sbahic ta pac' scuenta mel-o'tan, ants-winiquetic soc chambahlametic, soc ac'a yawtayic te Dios ta spisil yip yo'tanic. Jujutuhl ac'a yihquitayic hilel te chopol be yu'un soc te uts'inel ya spasique.

Sofonías 2:1

Tsoba abahic, jun xawac' abahic, ha'at nación te mayuc aq'uexlal,