Joel 1:13 - Bible in Tzeltal Bachajón

¹³ Lapahic pac' yu'un mel-o'tan, oc'anic, sacerdotehetic, ahcanajanic, ha'ex te ya x'a'tejex ta scajtajib ta chiq'uel mahtanil; la'ic, wayanic ta pac' yu'un mel-o'tan, ha'ex te ya x'a'tejex ta stojol te Dios cu'une; como loq'uemiquix ta sna te Dios cu'untic te mahtanil harina soc te malbil mahtanil.

Bible in Tzeltal de Oxchuc y Tenejapa

¹³ Jichex uuc sacerdoteetic te ya awac' abaic ta abatinel ta scajtijib ta chiq'uelsmajt'an Dios, lapaic ch'ixal pac', oq'uetaya te templo. Melel ta templo yu'un Dios awu'unic, ma'yuquix trigo soc cebada ni vino yu'un smajt'an Dios.

Joel 1:13 ပူးပေါင်းရင်းမြစ်များ

2 Samuel 12:16

Te David tulan la sc'opon Dios yu'un te alale, la scom swe'el, och ta sna, metsel ta lum a c'ax yu'un te ahc'abal.

1 Reyes 21:27

C'alal hich la ya'iy te Acab, la sch'i' sc'u' yu'un, la slap ch'ixal pac' soc la scom swe'el. Way ta ch'ixal pac' soc pehc'aj yu'un.

Isaías 22:12

Ha yu'un te Jehová te scuentahinej spisil, ta hich ora la yiq'uex yu'un ya x'oq'uex soc yac amel awo'tanic, yu'un yac aloq'uesic stsotsel ajolic soc yac alapic ch'ixal pac'.

Isaías 61:6

Ha'ex sacerdotehex yu'un Jehová ya xc'oht abihilic, j'a'teletic yu'un te Dios cu'untic ya xc'oht te abihilique. Ya me awe'beyic te sc'ulejal te nacionetic, soc ya me xtohy ac'oblalic yu'un te yutsilalique.

Jeremías 4:8

Ha yu'un lapahic paq'uetic yu'un mel-o'tan, oc'anic soc ahcanajanic, como te sc'ahc'al yilimba Jehová ma ba yihquitayejotic.

Jeremías 9:10

Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Ezequiel 21:12

Snich'anat winic, awonan soc oc'an, como ha sc'oblal te pueblo cu'un, ha sc'oblal spisil te jcuentahinwanejetic yu'un Israel: pajal ya xyahlic ta espada soc te pueblo cu'une. ¡Majulana awa' yu'un!

Ezequiel 27:31

Ya squits' stsotsel sjolic ta acuenta, ya slapic sc'u'ul mel-o'tan, soc pich'il yo'tanic ya x'oq'uic ta acuenta.

Ezequiel 7:18

Ya me slapic ch'ixal-pac' soc ya xmucotic yu'un tulan xiwel; ay q'uexlal ta spisil sit yelaw, soc quits'bil spisil stsotsel sjolic.

Oseas 9:5

¿Bin yac apasic ta sc'ahc'alel muc'ul q'uin, ta sc'ahc'alel te q'uin yu'un Jehová?

Joel 2:12

Yo'tic ini, xchi te Jehová, suhtanic tal ta jtojol soc spisil awo'tanic, suhtanic ta jtojol ta spisil awo'tanic, coma awe'elic, mela awo'tanic soc oc'anic.

Joel 2:14

¡Ya wan suht sc'op soc ya wan yac' hilel bendición: ha te mahtanil harina soc malbil mahtanil yu'un Jehová, te Dios awu'unique!

Joel 2:17

Te sacerdotehetic, ha te a'batetic yu'un Jehová, ac'a oq'uicuc ta ohlil yu'unte yochibal te templo soc te scajtajib ta chiq'uel mahtanil, hich ac'a yalic: Jehová, pasbeya perdón te pueblo awu'une, ma xawac' ta labanel te bin ay awu'un, yu'un ya x'u'untayot yu'un te nacionetique. ¿Bin yu'un te hich ya yalic ta yohlil te pueblohetic: Banti ay te Dios yu'unic, te xchihique?

Números 28:14

Te malbil mahtanil vino, ha j'ohlil hin soc te jujucoht jcolel toro, jun ta yoxebal hin soc te jujucoht tat tuminchij, soc jun ta schebal hin soc te jujucoht tuminchij. Ha te scohtol chic'bil mahtanil yu'un jujun u ta sjunal ha'bil.

Números 28:4

Jcoht yac awac' ta sab, jcoht ta xtibiltay;

Números 28:7

Te malbil mahtanil yu'un: ha jun ta schanebal hin te ya yich' aq'uel soc te jujucoht tuminchij. Ya me amal te lequil vino ta stojol Jehová ta ch'ul awilal.

Números 29:6

parte a te scohtol chic'bil mahtanil yu'un jujun u soc te mahtanil harina yu'un, soc te scohtol chic'bil mahtanil ya yich' aq'uel spisil ora soc te mahtanil harina soc te malbil mahtanil yu'unic hich te bin ut'il te mandaril yu'unique. Hich yac apas scuenta mahtanil te ya yich' chiq'uel ta stojol Jehová te sumet yic'.

1 Corintios 4:1

Ha yu'un ya sc'an ya sna'ic te ants-winiquetic te ha ya'batotcotic Cristo te ho'otcotic soc jcuentahinejcotic te bin muquen ay yu'un Dios.

1 Corintios 9:13

¿Ma bal ana'ojic, te mach'atic ya x'a'tejic ta templo tey nix ya sta swe'elic a, soc te mach'atic ya x'a'tejic ta scajtajib ta chiq'uel mahtanil ay bin ya stahic tey a?

2 Corintios 11:23

¿A'batetic bal yu'un Cristo? C'ax hichon a. (Sjel ta sohquem jol te bin ut'il hich ya xc'opojon.) C'ax hich a'tejemon a, c'ax hich quich'oj chuquel a, ma ahtaybaj quich'oj majel, c'ax bayel buelta c'an lajucon.

2 Corintios 3:6

Ha nix la yac' hu'uc cu'uncotic te ya ca'telincotic yalbeyel sc'oblal te yach'il chapbil-c'op, ma ha'uc te bin ts'ihbabil hilel, ha te bin yu'un te Espíritu; como te bin ts'ihbabil hilel ya xmilawan, yan te Espíritu ya yac' cuxlejal stuquel.

2 Corintios 6:4

Pero ta spisil hich ya cac'cotic ta na'el te ha a'batotcotic yu'un Dios te bin ut'il bayel cuhchem cu'uncotic, soc te c'alal ayotcotic ta uts'inel, c'alal mayuc bin la jtahcotic, c'alal ay jwocolcotic,

Apocalipsis 11:3

Ya calbe te cheb testigohetic cu'un te ya me xc'opojic ta sc'op-jalwanej oxbahc' soc oxwinic (1,260) c'ahc'al, slapojic pac' yu'un mel-o'tan a, xchi.