Joel 1:11 - Bible in Tzeltal Bachajón

¹¹ Mela awo'tanic, ha'ex te ya x'a'tejex ta q'uinal; ahcanajanic, ha'ex te ya x'a'tejex ta ts'usubiltic, mela awo'tanic yu'un te trigo soc te cebada, como ch'ay te sit te awal-ts'unubile.

Bible in Tzeltal de Oxchuc y Tenejapa

¹¹ Ja'ex te ya x'at'ejex ta yawil trigo soc ta yawil ts'usubile, oc'anic me yu'un mel-o'tan. Melel ma'yuc swentail c'ot te ts'unubiletic, ma'yuc swentail c'ot te sit trigo, soc ma'yuc swentail c'ot te sit cebada.

Joel 1:11 ပူးပေါင်းရင်းမြစ်များ

Isaías 17:11

soc te bin c'ahc'alil yac ats'un, yac awac' coluc, yac awac' te ya xchicnaj loq'uel spuhl ta sab, te sit ya yich' tsobel, busul ya xhil ta sc'ahc'alel chamel soc tulan sc'uxul.

Jeremías 14:2

Yac ta oq'uel te Judá, te ochibaletic yu'un ya xlaj yipic; huculic ta lum ta mel-o'tan soc ya xtohy mohel yawic te Jerusalén.

Jeremías 50:16

Lajina ta Babilonia te mach'a ya ya'iy ts'umbajel soc te mach'a ya sboj ta hoz ta yorahil stsobeyel sit. Ta stojol te espada yu'un te j'uts'inwanej jujutuhl ya suht bahel ta slumal, jujutuhl ya x'ahn bahel ta sq'uinal.

Jeremías 9:12

¿Mach'a a te ay sp'ijil yo'tan te ya xhu' ya sna'be scuentahil ini? ¿Mach'a c'oponot yu'un Jehová scuenta yu'un ya xhu' ya spuc ta halel? ¿Bin yu'un te jihnem te q'uinale, te jimbil hich te bin ut'il jochol taquin q'uinal te mayuc mach'a ya xc'axix tey a?

Ezequiel 30:2

Snich'anat winic, hich me xawal ta sc'op-jalwanej: Hich yaloj te Jehová: Hich me xawal ta oq'uel: ¡Ay wocolil ta hich c'ahc'al! xchihex.

Amós 5:16

Ha yu'un hich yaloj te Jehová Dios te scuentahinej spisil: Ay me oq'uel ta spisil te plazahetic, soc ta spisil callehetic hich me ya yalic: ¡Ay! ¡Ay! xchihic. Ya yiq'uic tal ta oq'uel te j'a'tel ta q'uinal, soc ya yiq'uic tal ta oq'uel te mach'atic ya sna'ic oq'uel.

Romanos 5:5

soc te smuc'ul co'tanic ma xyac'otic ta q'uexlal, como malbilix ta co'tantic te sc'uxul yo'tan Dios ta scuenta te Ch'ul Espíritu te a'bilotiquixe.