Jeremías 9:2 - Bible in Tzeltal Bachajón

² ¡Te ayuc cu'un ta jochol taquin q'uinal wayibal na yu'un mach'atic ya xbehenic, scuenta yu'un ya quihquitay hilel te jlumal, te namal ya xbohon ta stojolic! Como spisilic j'antsiwejetic soc jchahp j'ac'awetic ta c'abal.

Bible in Tzeltal de Oxchuc y Tenejapa

² Tey ayucon laj ta jochol taquin q'uinal, te nainemucon tey a, c'ubul ayon yu'un a te jlumal te jichuque. Melel spisilic ma junuc yo'tanic; jchajp yac'oj sbaic ta spasel ixtajel.

Jeremías 9:2 ပူးပေါင်းရင်းမြစ်များ

Isaías 59:3

Como bohloben ac'abic yu'un ch'ich', bohloben yalatac ac'abic yu'un bintic chopol; ya yalic lot te awehic, ya yal bintic chopol te awaq'uique.

Jeremías 12:1

Toj te bin yac apas, Jehová, te c'alal ya calbat te bin ut'il ayon. Pero ay bin ya joc'obat: ¿Bin yu'un te lec ya xc'oht ta loq'uel te mach'atic chopolic, soc te lec ayic te j'ac'awetic ta c'abal?

Jeremías 12:6

Te awermanotac soc te mach'atic ay yu'un atat ha'ic nix la yac'at ta c'abal, awonic scontrahimbelat. Ma me xawac' ya smuc'ulinic awo'tan aunque lec bin ya yalbat.

Jeremías 13:22

Teme hich yac awal ta awo'tanic: ¿Bin yu'un te hich c'oht ta jtojol? teme xchihate, ha ta scaj bayel mulil awu'un te la yich' mohtesel atsec, soc la awich' uts'inel.

Jeremías 23:10

Como nojel ta j'antsiwejetic te q'uinale; ta scaj te halbil chopol sc'oblal, taquij te q'uinal soc taquij te aquiltic ta jochol taquin q'uinal. Chopol te be yu'un te jalwanejetic soc ma stojiluc ya stuhunic te yipique.

Jeremías 4:22

Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.

Jeremías 5:1

Behenanic ta callehetic yu'un Jerusalén, ila me awilic ta lec, nopa awa'iyic, lehahic ta plazahetic; teme yac atahic jtuhluc te ya spas te bin toj, te ya sle te bin smelelil, yu'un ya jpasbe perdón.

Jeremías 5:11

Te sts'umbal Israel soc te sts'umbal Judá jc'axel ma ba jun yo'tanic ta jtojol, xchi te Jehová.

Jeremías 5:2

Aunque ya yalic: Yiloj Jehová, te xchihique, ma meleluc ya yalic ta jamal, xchi te Jehová.

Oseas 4:2

Ha nax ma jamaluc bin ya yal, ay lot, milaw, elec', antsiwej, soc bayel miltamba.

Oseas 5:7

Ma junuc yo'tanic ta stojol Jehová, como ay scha'nich'anic; ta junax u pajal ya xlajic soc te sq'uinalique.

Oseas 6:7

Pero hich te bin ut'il Adán, la sc'axuntayic te chapbil-c'op; ma junuc yo'tanic ta jtojol tey a.

Oseas 7:4

Spisilic ha j'antsineletic; hich c'ohemic te bin ut'il horno te ay sc'ahc'al, te ma ba ya x'a'bot xan sc'ahc'al yu'un te mach'a ya ya'be sc'ahc'al te c'alal wots'bilix a te harina ha to c'alal ya xpajub.

Miqueas 6:12

Te jc'ulejetic bayel ya x'uts'inwanic, te mach'atic nahinemic tey a ya xc'opojic ta lot, ya xlo'loywan te yehique.

Sofonías 3:4

Te jalwanejetic yu'un xyal xmo yo'tanic, ha winiquetic te ya x'ac'awanic ta c'abal; te sacerdotehetic yu'un la sbohlobtesic te ch'ul awilal, soc la sjimbe sc'oblal te Ley.

Malaquías 2:11

Judá ma junuc yo'tan ta stojol Dios, la spas te bin ilobtic sba ta Israel soc ta Jerusalén, como te Judá la sbohlobtesbe sc'oblal te ch'ul awilal yu'un Jehová te c'ux ta yo'tan, te bin ut'il nuhpun soc yantsil-nich'an jun dios yu'un jyanlumetic.

Malaquías 2:14

Pero hich yac ajoc'oyic: ¿Bin yu'un? xchihex. Como te Jehová ha testigo ta atojol soc ta stojol te ants nuhpunat soc te c'alal queremat to a, te ma ba junix awo'tan ta stojol, aunque ha amohlol soc ha achapoj ac'op soque.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

Jueces 2:10

Soc ha nix hich chamic spisil te mach'atic pajal scolelic soc; pero te patil al-nich'anetic ma ba la sna'beyic sba te Jehová soc te bintic la spas ta stojol Israel.