Jeremías 9:16 - Bible in Tzeltal Bachajón

¹⁶ Ya jpucticlan bahel ta yohlil nacionetic te ma ba sna'beyejic sba ni ha'uc te sme'statique; soc ya jticombe espada ta stojolic ha to c'alal ya xlajic, xchi te Jehová.

Bible in Tzeltal de Oxchuc y Tenejapa

¹⁶ Ya jpuc bael ta nacionetic te ma yilojuque, soc te ma yilojuc te sme'-statique; ya me cac' te ya yich'ic nutsel ta puñal, asta ma'yuc ya xjil jtuluc —xi' te Cajwaltique.

Jeremías 9:16 ပူးပေါင်းရင်းမြစ်များ

Ezequiel 5:12

Ya me xlaj jun ta yoxebal ta jmilawal-chamel soc ya me xchamic ta wi'nal ta awohlil; jun ta yoxebal ya xlaj ta espada ta ajoyobal; soc jun ta yoxebal ya jpuc bahel ta ic'; soc ya jloq'ues te espada ta sna, ya jnuts bahel a.

Ezequiel 5:2

C'alal ya sts'acay te joytayel ta guerra, chic'a ta yohlil te pueblo jun ta yoxebal te stsotsel ajol. Ich'a jun xan ta yoxebal, set'ticlana ta espada ta sjoyobal te pueblo. Te jun xan ta yoxebal puca bahel ta ic', ho'on ya jloq'ues te espada ta sna, ya jnuts bahel a.

Deuteronomio 28:64

Te Jehová ya spucat bahel ta stojol spisil nacionetic, ta jun sti'il c'alal ta yan sti'il te q'uinale. Tey ya xc'oht awac' aba ta a'batinel a yu'un yantic diosetic te pasbilic ta te' soc ta ton, te ni ha'ucat soc ni ha'uc te ame'atat la sna'beyic sba.

Levítico 26:33

Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

Jeremías 44:27

como yacon ta yilel ta stojolic te ya ca'be te bin chopol, ma ha'uc te bin leque. Spisil te winiquetic yu'un Judá te ayic ta sq'uinal Egipto ya me xlajic ta espada soc ta wi'nal, ha to c'alal ya xlaj spisilic.

Jeremías 13:24

Ha yu'un ya jpuquex bahel ta ic' te ya xtal ta jochol taquin q'uinal hich te bin ut'il suhlil trigo te ya xc'ax bahele.

Santiago 1:1

Santiago, ya'bat te Dios soc te Cajwaltic Jesucristo, ya jpatbeyex awo'tanic te lajchaychahp sts'umbal Israel te puhquemex ta bayuc.

Zacarías 7:14

ha la jpucticlan bahel ta sutu-ic' ta stojol spisil te nacionetic te ma ba sna'beyejic sbahe. Jimbil hil te q'uinal c'alal ihquitayot yu'unic, mayuc mach'a xtal xc'ax tey a; hich la sc'atp'unic ta jochol taquin q'uinal te t'ujbil q'uinale, xchi.

Ezequiel 20:23

Soc la jach jc'ab ta jochol taquin q'uinal, la jcalbe ta jamal te ya jpucticlan bahel ta yohlil te nacionetic soc ta yohlil te q'uinaletic,

Ezequiel 14:17

O teme ya cac' taluc espada ta stojol te q'uinal, teme hich ya cal: ¡Espada, c'axan bahel ta q'uinal! teme xchihone, soc teme ya cac' lajuc ants-winiquetic soc chambahlametic tey a,

Ezequiel 12:15

Ya me sna'ic te ho'on Jehovahon te c'alal ya jpucticlan bahel ta yohlil te nacionetic soc yantic q'uinaletic.

Ezequiel 11:17

Ha yu'un hich xawalbe: Hich yaloj te Jehová te Ajwalil: Ho'on ya jcha'tsobex xan tal ta pueblohetic, ya jcha'iq'uex xan tal ta q'uinaletic te banti puhquemex bahele, ya ca'beyex te sq'uinal Israel.

Jeremías 29:17

Hich yaloj te Jehová te scuentahinej spisil: Ya jticombe espada, wi'nal soc jmilawal-chamel; ya jpas te hich ayic te bin ut'il higohetic te ma lecuc, te c'ax chopolic te ma xhu' ta lo'ele.

Jeremías 25:27

Soc hich me xawalbe: Hich yaloj te Jehová te scuentahinej spisil, te Dios yu'un Israel: Uch'anic, yacubanic soc xehenanic, yahlanic, ma xhahchexix, ta scaj te espada te ya jticon tal ta atojolique.

Jeremías 24:10

Ya cac' tal ta stojolic espada, wi'nal soc jmilawal-chamel ha to c'alal jc'axel ya xlajic ta q'uinal te ca'beyej soc te sme'statique, xchi te Jehová.

Salmos 106:27

soc ya yac' yahluquic te sts'umbalic ta yohlil te nacionetic soc ya spucticlan bahel ta yantic q'uinaletic.

Nehemías 1:8

Na'a me te bin la awalbe te awa'bat Moisés, te hich la awal: Teme yac ata amulic ya me jpuquex bahel ta pueblohetic,

Deuteronomio 32:26

La jcal te namal ya jpucticlan bahel, te ya jtup'be sna'ojibalic ta stojol ants-winiquetic;

Deuteronomio 28:36

Te Jehová ya me yic'at bahel soc te ajwalil awac'oj scuentahinat ta jun nación te ma xana'be sba, ni ha'uc la sna'be sba te ame'atat; tey yac awac' aba ta a'batinel yu'un yantic diosetic te pasticlambilic ta te' soc ta ton.

Deuteronomio 28:25

Te Jehová ya me yac' te ya stsalat te acontra; ta ch'ix nax be ya xloc'at bahel ta ya'beyel guerra, ta huc-ch'ix be ya me x'ahnat bahel ta stojolic; xiweltic aba ya xc'ohat ta stojol spisil te nacionetic ta bahlumilal.

Deuteronomio 4:27

Te Jehová ya me spuquex bahel ta yantic pueblohetic, soc ma me ayuc bayel ya xhilex ta nacionetic te banti ya yiq'uex bahel te Jehová.

Jeremías 8:19

A'iya awa'iy te yaw te yantsil-nich'an te pueblo cu'un te ya xchicnaj tal ta namal q'uinal: ¿Ma bal ayuc ta Sión te Jehová? ¿Ma bal teyuc ay a te ajwalil yu'une? xchi. ¿Bin yu'un la shachbonic quilimba ta scuenta te pasbil loc'ombahetic yu'unic, te jyanlum diosetic te mayuc scuentahil? xchi te Jehová.

Eclesiastés 12:5

te c'alal ya xiw teme toyol ay, soc ay bin xiweltic sba ta be; te c'alal ya snichin te almendro, soc ayix yihcats ya ya'iy te c'ulub, soc ma sc'anix bintic mulambilixe; como te winic ya xbaht ta banti ya xnahin sbahtel q'uinal, soc ya sbehentayic te callehetic te mach'atic ya x'oq'uic;

Jeremías 7:29

¡Jerusalén, loq'uesa stsotsel ajol, ch'oja bahel, c'ayojtaya mel-o'tan c'ayoj ta toyol q'uinaletic, como te Jehová la sp'ajix soc la yihquitay te jcaj ts'umbalil te ilintayot yu'une!

Ezequiel 27:2

Snich'anat winic, c'ayojtaya ta stojol Tiro c'ayoj scuenta mel-o'tan.

Amós 5:16

Ha yu'un hich yaloj te Jehová Dios te scuentahinej spisil: Ay me oq'uel ta spisil te plazahetic, soc ta spisil callehetic hich me ya yalic: ¡Ay! ¡Ay! xchihic. Ya yiq'uic tal ta oq'uel te j'a'tel ta q'uinal, soc ya yiq'uic tal ta oq'uel te mach'atic ya sna'ic oq'uel.

Miqueas 2:4

Ta hich ora ya shachic ta atojolic tsahbil c'op, ya sc'ayojtayex ta c'ayoj yu'un mel-o'tan te hich ya yalic: Jpisiltic jc'axel la jquich'tic jinel; te Jehová la sjelbe te bintic ay yu'un te pueblo cu'une. ¡La sloq'uesbotic te jq'uinaltic, la spucticlambe yantic! xchihic ta c'ayoj.