Jeremías 9:12 - Bible in Tzeltal Bachajón

¹² ¿Mach'a a te ay sp'ijil yo'tan te ya xhu' ya sna'be scuentahil ini? ¿Mach'a c'oponot yu'un Jehová scuenta yu'un ya xhu' ya spuc ta halel? ¿Bin yu'un te jihnem te q'uinale, te jimbil hich te bin ut'il jochol taquin q'uinal te mayuc mach'a ya xc'axix tey a?

Bible in Tzeltal de Oxchuc y Tenejapa

¹² ¿Mach'a a te bayal sp'ijil ta swenta sna'beyel swentail in to? ¿Mach'a ac'bot sna' stojol yu'un Cajwaltic swenta ya xju' yu'un xcholbel yaiy te yantique? ¿Bi yu'un te lum te jineme, te taquinix jichuc jochol taquin q'uinal ta bay ma'yuc mach'a ya xc'axix tey a?

Jeremías 9:12 ပူးပေါင်းရင်းမြစ်များ

Salmos 107:34

te lequil q'uinal ya sc'atp'un ta mayuc bin ya xcol a, ta scaj schopolilic te mach'atic nahinemic tey a.

Salmos 107:43

Te mach'a ay sp'ijil yo'tan, ac'a yac' ta yo'tan ini, soc ac'a sna' te smuc'ul sc'uxul yo'tan te Jehová.

Isaías 42:23

¿Mach'ahex a te yac awa'iyic ini? ¿Mach'a ya ya'iy ta lec sc'oblal bin ya xc'oht ta pasel ta patil?

Jeremías 23:10

Como nojel ta j'antsiwejetic te q'uinale; ta scaj te halbil chopol sc'oblal, taquij te q'uinal soc taquij te aquiltic ta jochol taquin q'uinal. Chopol te be yu'un te jalwanejetic soc ma stojiluc ya stuhunic te yipique.

Jeremías 23:16

Hich yaloj te Jehová te scuentahinej spisil: Ma xawa'iybeyic sc'op te jalwanejetic te ya yalbeyex sc'op-jalwanej; ya ya'beyex smuc'ul awo'tanic te toyol ay. Ya yalbeyic sc'oblal snahalsitic te talem ta yo'tanic, ma ha'uc te bin halbotic yu'un te Jehová.

Jeremías 23:22

Te ha'uc c'ohtic ta chahpajibal cu'un, la yalbonic jc'op ta stojol te pueblo cu'un soc la ya'be yihquitayic hilel te chopol be st'unojic soc te chopol ya'telic te hichuque.

Jeremías 23:28

Te jalwanej te ay swayich, ac'a yal te swayiche; pero te mach'a yich'oj te jc'ope, ac'a yal ta melel. ¿Bin yochelic a te taquin ac soc te trigo? xchi te Jehová.

Jeremías 9:20

Antsetic, a'iybeya awa'iyic sc'op te Jehová; ac'a ya'iy achiquinic te sc'op te ya xloc' ta ye. A'beyahic snop oq'uel te awantsil-nich'anic; a'beyahic snop mel-o'tan c'ayoj mach'a jun awo'tan soc,

Ezequiel 14:23

Ya me yaq'uic te ya xmuc'ub q'uinal awa'iyic te c'alal yac awilic te stalelic soc te ya'telique; hich me yac ana'ic a te ma tojoluc spisil te bintic la jcac' taluc ta stojol, xchi te Jehová, te Ajwalil.

Oseas 14:9

¿Mach'a a te ay sp'ijil te ya sna'be scuentahil ini? ¿Mach'a ya sna' tsahtayel yu'un ya xc'oht ta yo'tan? Como toj te behetic yu'un Jehová, te mach'atic toj yo'tanic, ha ya st'unic, pero te jtoybahetic ya sc'ohchin sbahic tey a.

Oseas 4:10

Ya xwe'ic, pero ma xnoj sch'uhtic; ya ya'iyic antsiwej, pero ma ba ya xp'ohlic, como la yihquitayic a'batinel ta stojol Jehová.

Joel 1:11

Mela awo'tanic, ha'ex te ya x'a'tejex ta q'uinal; ahcanajanic, ha'ex te ya x'a'tejex ta ts'usubiltic, mela awo'tanic yu'un te trigo soc te cebada, como ch'ay te sit te awal-ts'unubile.

Sofonías 3:6

La jcac' jihnuc nacionetic, jimbilic te toyol bahlal ts'ahquetic yu'unique; jochol hil cu'un te callehetic yu'unic, mayuquix mach'atic ya xc'axic tey a, jimbiliquix te pueblohetic yu'unic, mayuquix jtuhluc te ya xnahin tey a.

San Mateo 24:15

Ha yu'un te bin ora yac awilic ta ch'ul awilal te bin ilobtic sba te ya xjinawan, te la yalbe sc'oblal te jalwanej Daniel, (te mach'a ya yil te hun ini, ac'a me sna'be scuentahil),

Deuteronomio 32:29

¡Te ayuc sp'ijilic, te yacuc xc'oht ta yo'tanic ini, te yacuc sna'ic banti ya xc'ohtic ta loq'uel!

Apocalipsis 1:3

Bayel me yutsil te mach'a ya yil soc te ya ya'iy ha'i sc'op-jalwanej ini, soc te ya yac' ta yo'tanic te bintic ts'ihbalambil tey a, como nopol ya xc'ohtix ta pasel.