Jeremías 9:1 - Bible in Tzeltal Bachajón

¹ ¡Te ha'uc ha' te jol soc te ha'uc sloq'uib-ha' te jsite, yu'un ya coq'uetay c'ahc'al ahc'abal te mach'atic chamic yu'un te jlumale!

Bible in Tzeltal de Oxchuc y Tenejapa

¹ Te ja'uc sloq'uibja' te jsite, te jichuque, tulan ya x'oquin te ya'lel jsit, ta swenta yoc'tayel c'aal ajc'ubal te animaetic yu'un te jlumale.

Jeremías 9:1 ပူးပေါင်းရင်းမြစ်များ

Salmos 119:136

Muc'ul ha' ya xloc' ta jsit, yu'un ma ba ya sch'uhunic spasel te Ley awu'une.

Salmos 42:3

Ha jwe'el c'ohem te ya'lel jsit jujun c'ahc'al, ahc'abal, te c'alal hich ya yalbonic spisil ora: ¿Banti ay te Dios awu'un? te xchihique.

Salmos 55:7

Namaluc ya x'ahnon bahel, ya xnahinon ta jochol taquin q'uinal te hichuque. Selah

Isaías 16:9

Ha scuentahil te hich ya x'oc'on te bin ut'il ya x'oc' te Jazer yu'un te ts'usubiletic yu'un Sibma. Ya jt'usesat ta ya'lel jsit, Hesbón soc Eleale, yu'un ya xc'oht aw yu'un guerra ta stojol te sit awal-ts'unubil awu'unic.

Isaías 22:4

Ha yu'un hich la jcal: Ihquitayawon, ac'awon ta tulan oq'uel; ma me xamuc'ubtesbon q'uinal ca'iy yu'un te jihnem te pueblo cu'un, xchihon.

Jeremías 13:17

Teme ma ba yac awa'iyic, muquen ya x'oc'on ta scaj te atoybahilic; ya xloc' ya'lel jsit ta tulan oq'uel, como te jtsohb tuminchijetic yu'un Jehová ya x'ic'otic bahel ta chuquel.

Jeremías 14:17

Ya me awalbe te c'op ini: Ac'a maluc loq'uel ya'lel jsit ta c'ahc'al ahc'abal, ma xquehchaj, como te ach'ix yu'un te pueblo cu'un c'ax xiweltic sba swocol, como bayel sc'uxul te yehchene.

Jeremías 3:10

Aunque hich c'oht ta pasel, te Judá, te yihts'in, ma ba suht tal ta jtojol soc spisil yo'tan, ha nax la spason ta lot, xchi te Jehová.

Jeremías 4:19

¡Ay jwocol, ay jwocol! ¡Ya xc'uxub co'tan, ya xwihl te co'tan, ma xch'abon; como la jca'iy sc'op corneta, la jca'iy aw yu'un guerra!

Jeremías 5:7

Hich ya yal te Jehová: ¿Bin ut'il ya jpasbat perdón yu'un spisil ini? Te anich'nabic la yihquitayonic, soc la yalic ta jamal ta scuenta te bin ma diosuc. La jcac'ticlambe spisil te bintic tuhun yu'unic, pero la ya'iyic antsiwej soc la stsob sbahic ta sna j'antsinel antsetic.

Jeremías 6:26

¡Pueblo cu'un, lapa ch'ixal pac' soc balana aba ta tan! Tulan me ya x'oc'athich te bin ut'il ya yich' oq'uetayel hip jtuhl querem, como ta jts'ihn ya xtal ta jtojoltic te jlajinwanej.

Jeremías 8:18

Mayuc spoxil te jmel-o'tan, ya xlaj yip te co'tane.

Jeremías 9:18

¡Ac'a suj sbahic, ac'a yoq'uetayotic! ¡Ac'a nojuc ta ya'lel te jsitique, ac'a maluc loq'uel ha' ta stsotsel jsitic!

Lamentaciones 2:11

Ya xlaj yip jsit yu'un te oq'uele, ya syuc' sba ya ca'iy te jch'uhte; ya xmal cohel jch'a ta lum ta scaj te la yich'ix jinel te pueblo cu'une; te alaletic soc te chu'alaletic yaquic ta lajel ta callehetic yu'un te pueblo.

Ezequiel 22:12

Tey ta awohlil ay mach'atic la yich'ic taq'uin yu'un smalel ch'ich'; la ac'ambe sjol ataq'uin soc ma stojiluc la awac' ta majanel taq'uin, la awuts'in ta elc'anel te apat-axuhque. ¡Ch'ayonix ta awo'tanic! xchi te Jehová, te Ajwalil.

Oseas 7:4

Spisilic ha j'antsineletic; hich c'ohemic te bin ut'il horno te ay sc'ahc'al, te ma ba ya x'a'bot xan sc'ahc'al yu'un te mach'a ya ya'be sc'ahc'al te c'alal wots'bilix a te harina ha to c'alal ya xpajub.