Jeremías 8:6 - Bible in Tzeltal Bachajón

⁶ La jca'iy ta lec, ma ba toj ya xc'opojic; mayuc mach'a ya suhtes yo'tan yu'un te bin chopol spasoj, te hich ya yal: ¿Bin jpasoj? ma xchihuc. Jujutuhl la st'unic bahel te be yu'unic hich te bin ut'il cawu te tulan ya x'ahnimaj ochel ta guerra.

Bible in Tzeltal de Oxchuc y Tenejapa

⁶ Jun co'tan yacon ta yaiyel stojol; ja'uc me to, ma'yuc mach'a ya caiybey sc'op jtuluc te ya sujt'es yo'tan yu'un te bila amen soc te jamal nax yo'tan ya yal: ‘¿Bila a te jpasoje?’ te xiuque. Ta spisilic la st'unic bael ta animal te sbeique, jich bit'il caballoetic te tulan ya x'animajic ochel ta guerra.

Jeremías 8:6 ပူးပေါင်းရင်းမြစ်များ

Job 10:2

Hich ya calbe te Dios: Ma me xawal te ay jmul; a'bon jna' te bin yu'un te yac atijbelon ta c'op.

Job 34:31

¿Ay bal hich la awalbe te Dios: La jcac' jba ta lo'loyel, ma ba ya jlehix jmul yan buelta.

Job 34:32

A'bon quil te binti ma ba ya jta ta ilel; teme chopol bin jpasoj, ma ba ya jpasix yan buelta, xchihat bal ta stojol?

Salmos 14:2

Te Jehová ya yil c'alal ta ch'ulchan te ants-winiquetic, yu'un ya yil teme ay mach'a ya sna' q'uinal te ya sle te Diose.

Isaías 30:18

Pero te Jehová yac ta smahliyel te ya sc'uxultayex; tse'el yo'tan te ya ya'beyex awilic te sc'uxul yo'tan, como te Jehová ha Dios te toj ya xchahpanwan. ¡Bayel me yutsilic spisil mach'atic ha ya smahliyic!

Isaías 57:17

Ilinon yu'un schopolil te sbic'tal yo'tan, la jca'be castigo, la jnac' jba ta stojol soc ilinon; pero te jtoybahil la st'un bahel te be te la sc'an yo'tan stuquel.

Isaías 59:16

La yil te mayuc mach'a ay, xcham yo'tan yu'un te mayuc mach'a ya xc'opoj yu'un; ha yu'un ta sc'ab nix la scoltay loq'uel, soc a'bot yip yu'un te bin stojil la spas.

Jeremías 23:25

Ca'iybeyej te bin ya yalic te jalwanejetique, ha te ya yalic lotil sc'op-jalwanej ta scuenta te jbihile. ¡Ay jwayich, ay jwayich! xchihic.

Jeremías 3:5

¿spisil bal ora ya x'ilinat? ¿sbahtel bal q'uinal ya xhalaj te awilimba? ma bal xchihucat? Hich ya xc'opojat, pero la apas spisil te bin chopol te hu' awu'une, xchi te Jehová.

Jeremías 5:1

Behenanic ta callehetic yu'un Jerusalén, ila me awilic ta lec, nopa awa'iyic, lehahic ta plazahetic; teme yac atahic jtuhluc te ya spas te bin toj, te ya sle te bin smelelil, yu'un ya jpasbe perdón.

Ezequiel 18:28

Como la yil soc la yihquitay hilel spisil te bintic la sc'axuntay, ya me xcuxaj, ma ba ya xlaj.

Ezequiel 22:30

La jle ta yohlilic mach'a ya spas ts'ahc soc te ya stehc'an sba ta jtojol te banti jamal te ts'ahc yu'un ya xc'opoj yu'un te q'uinal scuenta yu'un ma ba ya jlajin; pero mayuc mach'a la jta.

Daniel 9:11

Spisil Israel la sc'axuntaybat te Ley awu'un, la yihquitayic sch'uhunel ac'op. Ha yu'un tal ta jtojolcotic te bin ma lecuc sc'oblal soc te bin halbil ta jamal te ts'ihbabil ta ley yu'un Moisés, te a'bat yu'un Dios, como la jta jmulcotic ta stojol Dios.

Miqueas 7:2

Mayuquix ta q'uinal te mach'a ay sc'uxul yo'tan, mayuc hilem ta yohlil te ants-winiquetic te mach'a toj yo'tan; spisilic ya xmacliywanic yu'un ya xmilawanic, jujutuhl ya schahpambe syacol te yermanohe.

Sofonías 3:7

Hich la jcal: Ya me xi'on, ya me yich' tojobtesel, xchihon, hich ma ba ya yich' jinel te banti nahinem te bin ora ya xtalon ta stojol. Pero la suj sbahic ta sjinel spisil te ya'telique.

Hageo 1:5

Hich yaloj te Jehová te scuentahinej spisil: Nopahic ta lec te behetic awu'unique.

Hageo 1:7

Hich yaloj te Jehová te scuentahinej spisil: Nopahic ta lec te behetic awu'unique.

Malaquías 3:16

Ha yu'un te mach'atic yich'ojic ta muc' te Jehová talel c'axel la yalbe sbahic; te Jehová la ya'iy ta lec bin la yalic. Ha yu'un ta stojol Jehová la yich' ts'ihbayel libro yu'un sna'ojibal yu'un te mach'atic xi'ojic te Jehová soc te ya yich'ic ta muc' te sbihile.

2 Pedro 3:9

Ma ba hal ya xc'oht ta pasel te bin yaloj te Cajwaltic, hich te bin ut'il ay ya scuyic te ya xhalaje, pero yac smahliybelex, ma sc'an te ay mach'a ch'ayel ya xbaht, ha ya sc'an te yacuc suhtes yo'tanic spisilic.

Apocalipsis 9:20

Te jayeb xan mach'atic ma ba lajic yu'un te wocoletic ini, ma teyuc la suhtes yo'tanic yu'un a te bin spasoj ta sc'abic, soc ma ba la yihquitayic sch'uhunel te pucujetic soc te yahcananic pasticlambil ta oro, plata, bronce, ton, soc te', te ma xyilic q'uinal, ma xya'iyic c'op soc ma xbehenic.