Jeremías 8:3 - Bible in Tzeltal Bachajón

³ Ya slehic slajelic, ma ha'uc scuxlejalic, spisil te mach'atic cuxul ya xhilic yu'un te jcaj ts'umbalil ini te chopol yo'tanic, ta spisil banti ya jpucticlan bahel, xchi te Jehová te scuentahinej spisil.

Bible in Tzeltal de Oxchuc y Tenejapa

³ Te ants-winiquetic te cuxulic xan ya xjilic, te c'ax amen te yo'tanique, ta bayuc ya x'ainic te c'alal ya jpuc baele, ma ba ya sc'an yo'tanic te ya xcuxinique, ja' ya sc'aniquix te ya xlajique. Jich ya cal, jo'on Ajwalilon te Spisil ya xju' cu'une —xi'.

Jeremías 8:3 ပူးပေါင်းရင်းမြစ်များ

1 Reyes 19:4

Te Elías baht jun xan c'ahc'al ta jochol taquin q'uinal, la shuhcan sba ta ye'tal enebro-te'. Yo'tanuc ya xchamix, hich la yal: ¡Tic'uquix a, Jehová! Lajimbon te jcuxlejal; ma ho'ucon lecon xan a te bin ut'il te jme'jtate, xchi.

Jeremías 23:3

Te tuminchijetic cu'un te cuxulic hilel ho'on ya jtsobticlan tal ta spisil q'uinaletic ta banti la jtenticlan bahele, ya cac' te ya suhtic tal ta aquiltic yu'unic; tey ya xmuc'ubic soc tey ya sp'ohl sbahic a.

Jeremías 23:8

pero hich me ya yalic: Yiloj Jehová te la sloq'uesbe tal te sts'umbal Israel ta q'uinal ta stojol norte soc ta spisil te q'uinaletic banti la spucticlan bahel, xchihic. Hich ya xnahinic ta sq'uinalic, xchi.

Jeremías 29:14

Ya cac' jba ta tahel awu'unic, xchi te Jehová, soc ya cac' te ya suhtic talel te jchuqueletic awu'unic; ya jtsobex tal ta spisil te nacionetic soc ta banti la jpuquex bahel, xchi te Jehová. Ya cac' te ya suhtex tal ta banti loq'uex hahchele, xchi.

Jeremías 29:28

Como hich la sticombotic ta halel ta Babilonia: Bayel ya xhalaj te chuquele. Pasa anahic soc nahinanic tey a, ts'unahic awal-ts'unubiletic soc we'beyahic te site, xchi.

Jeremías 40:12

spisil te judiohetic loq'uic tal ta spisil banti tenotic bahel, suhtic talel ta sq'uinal Judá ta stojol Gedalías ta Mizpa. La stsobic bayel vino soc sit ts'unub awaliletic.

Jeremías 44:2

Hich yaloj te Jehová te scuentahinej spisil, te Dios yu'un Israel: Awilojic spisil te bintic chopol la jquich' tal ta stojol Jerusalén soc spisil te pueblohetic yu'un Judá. Yo'tic jihnemiquix, mayuc mach'a nahinemic tey a

Jeremías 44:6

Ha yu'un mal cohel ta stojolic te quilimba soc te sc'ahc'al co'tan, soc tihl ta stojol te pueblohetic yu'un Judá soc ta callehetic ta Jerusalén. Hich jihnic soc jochol hilic c'alal ora ini.

Jeremías 6:9

Hich la yal te Jehová te scuentahinej spisil: Lehahic hich te bin ut'il ts'usubil te mach'atic yu'un Israel te hilemic; c'asesa xan ac'ab ta sc'abc'ab ts'usub, hich te bin ut'il ya spas te mach'a ya stsobe te site, xchi.

Daniel 9:7

Ha'at awu'un, Jehová, te bin toj ta pasel, pero ho'otcotic ayotcotic ta q'uexlal c'alal ora yo'tic, spisil mach'atic yu'un Judá, te mach'atic nahihenic ta Jerusalén soc spisil Israel, te nopol ayic soc te namal ayic, ta spisil q'uinal ta banti la apucticlan bahel ta scaj stoybahilic ta atojol.

Levítico 26:33

Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

Amós 3:1

A'iya awa'iyic te bin ya yal te Jehová ta scontrahinelex, snich'nabex Israel, ta scontrahinel spisil mach'atic ay awu'unic te la jloq'ues tal ta sq'uinal Egipto:

Jonás 4:3

Ha yu'un, Jehová, awocoluc lajimbonix te jcuxlejal, como ha lec te ya xchamon te bin ut'il cuxulone, xchi.

Miqueas 2:3

Ha yu'un hich yaloj te Jehová: Chapalix cu'un te ya ca'be te bin chopol ta stojol te ants-winiquetic ini te ma xhu' yac acoltay abahic yu'une; ma ba soc toybahil ya xbehenex, como ha yorahil wocol.

Deuteronomio 30:1

Te c'alal c'ohemix ta atojol spisil ini, ha te bendición soc te chopol c'oblalil te la jca'batix atsa, teme yac ana'ulan xan tey ta nacionetic te banti la sch'ojat bahel te Jehová te Dios awu'un,

Deuteronomio 30:4

Te mach'atic ch'ojotic bahel, aunque ayic ta banti c'ax namal ta ye'tal ch'ulchan, tey ya stsobat xan tal a te Jehová te Dios awu'un, tey ya yic'at tal a.

Apocalipsis 6:16

hich la yawtayic te witsiltic soc te ch'entiquil: La', mucawotcotic, nac'awotcotic ta sit te mach'a hucul ta muc'ul-huctajibal, soc ta stojol te yilimba te Jcolel Tuminchij,

Apocalipsis 9:6

Ta hich ora te ants-winiquetic ya me sle slajibic, pero ma ba ya xweht yu'unic. Yo'tanuc ya xchamic, pero ya x'ahn ta stojolic te lajele.