Jeremías 8:2 - Bible in Tzeltal Bachajón

² Limil ya xhilic ta stojol te c'ahc'al, te u soc spisil te eq'uetic, te c'ux la ya'iyic ta yo'tanic soc te la yac' sbahic ta a'batinel yu'unic, te la st'unic bahel, te ay bin la sjoc'obeyic soc te la squejan sbahic ta stojolique. Ma ba ya yich'ic tsobel o muquel, hich ya xc'ohtic te bin ut'il stsa' chambahlam ta sba te lumq'uinale.

Bible in Tzeltal de Oxchuc y Tenejapa

² Limil me ta lum ya xjilic ta sit te c'aal, te u soc spisil te eq'uetic te c'ux la yaiyic ta yo'tanique, te la yac' sbaic ta abatinel yu'unic, te la xch'uunique, te ay bila la sjojc'obeyic soc te la squejan sbaic ta stojolique. Ma'yuquix mach'a ya stambeyic sbaquelic te ya xcha'mucbeyic xane. Ya me xjilic ta sba lumq'uinal jich bit'il stsa' chambalam.

Jeremías 8:2 ပူးပေါင်းရင်းမြစ်များ

2 Reyes 17:16

La sch'aybeyic spisil te mandariletic yu'un te Jehová te Dios yu'unique. La spasic cheb sloc'omba jcolel torohetic ta uhltesbil bronce, soc loc'ombahetic yu'un Asera; la sch'uhuntayic spisil te bintic ayic ta ch'ulchan soc la yac' sbahic ta a'batinel yu'un Baal.

2 Reyes 21:3

La scha'pas xan te toyol awilaletic te la sjinticlan te Ezequías te state. La spasbe scajtajib ta chiq'uel mahtaniletic te Baal; la spasbe sloc'omba te Asera, hich te bin ut'il la spas te Acab ajwalil yu'un Israel; soc la sch'uhuntay soc la yich'ticlan ta muc' spisil te bintic chican ta ilel ta ch'ulchan.

2 Reyes 21:5

Soc la spasticlan scajtajib ta chiq'uel mahtaniletic ta cheb yamaq'uil te sna Jehová scuenta sch'uhuntayel spisil bintic ay ta ch'ulchan.

2 Reyes 23:5

La sloq'ueslan te sacerdotehetic te otsesbilic yu'un te ajwaliletic yu'un Judá yu'un ya schiq'uic pom ta toyol awilaletic ta pueblohetic yu'un Judá soc ta sjoyobal te Jerusalén; soc ha nix hich te mach'atic la schic'beyic pom te Baal, te c'ahc'al, u, planetahetic, soc spisil bintic ayic ta ch'ulchan.

Salmos 53:5

Tey tsacotic ta tulan xiwel ta banti mayuc xiwel, como Dios la spucbe sbaquel te mach'atic la scontrahinat. La awac' te ya xq'uexawic como ch'ayotic hilel yu'un te Diose.

Salmos 83:10

te lajic ta Endor, te c'atp'ujic ta c'a'em lum ta q'uinal.

Salmos 83:11

Te capitanetic yu'unic ac'a c'ohtuquic hich te bin ut'il Oreb soc Zeeb; hich te bin ut'il Zeba soc Zalmuna spisil te príncipaletic yu'unic,

Eclesiastés 6:3

Te winic, aunque ya yac' ho'winic (100) ta tuhl snich'nab soc bayel ha'bil ya xcuxaj, bayel ya xmamalub, teme ma ba ya ya'iybe yutsil te bintic lec, soc teme ma ba ya yich' muquele, ho'on ya cal te ha lec xan a te c'axem alale.

Jeremías 14:16

Soc te pueblo te la yalbeyic te c'op ini ya me yich'ic ch'ojel loq'uel ta callehetic yu'un Jerusalén ta scaj wi'nal soc espada, mayuc mach'a ya xmucotic yu'un o te yihnamic o te ach'ix-queremetic yu'unique. Ya jmalbe ta stojolic te schopolilique.

Jeremías 16:11

Hich me yac ajac'be: Como la yihquitayon te ame'atatic, xchi te Jehová, soc la st'unic bahel yantic diosetic soc la yac' sbahic ta a'batinel yu'unic soc la sch'uhuntayic. La yihquitayonic soc ma ba la sch'uhunic spasel te Ley cu'une.

Jeremías 16:4

ya me xchamic yu'un tulan chameletic; mayuc mach'a ya x'oq'uetayotic yu'un soc mayuc mach'a ya xmucotic yu'un; hich ya xhilic te bin ut'il stsa' chambahlam ta sba te lumq'uinale. Ya xlajic ta espada soc ta wi'nal, soc te schamen baq'uetalic ya me xlajic ta ti'el ta mutetic te ya xwihlic ta toyol soc ti'awal chambahlametic ta q'uinal, xchi te Jehová.

Jeremías 16:6

Muc' biq'uitetic ya me xlajic ta q'uinal ini. Ma ba ya yich'ic muquel soc ma ba ya x'oq'uetayotic; mayuc mach'a ya yehchentes sbaq'uetal o te ya squits' loq'uel stsotsel sjolic yu'unic.

Jeremías 19:13

Te nahetic ta Jerusalén soc te nahetic yu'un te ajwaliletic ta Judá hich ya xbohlob sc'oblalic te bin ut'il Tofet, spisil te nahetic banti la schiq'uic pom ta ba na ta stojol te c'ahc'al, u soc te eq'uetic ta ch'ulchan soc te la smalbeyic malbil mahtanil te yantic diosetique, xchi te Jehová.

Jeremías 22:19

Hich ya yich' muquel te bin ut'il burro, ya yich' tasel bahel soc ya xch'ojot bahel ta spat te ochibaletic yu'un Jerusalén.

Jeremías 25:33

Te mach'atic ya x'ac'otic ta milel yu'un Jehová ta hich ora, limil ya xhilic ta jujujehch sti'il te bahlumilale. Ma ba ya yich'ic oq'uetayel, ma ba ya yich'ic tsobel o muquel, limil ya xhilic ta lum hich te bin ut'il stsa' chambahlam.

Jeremías 31:40

Spisil te sjuclej yu'un chamen baq'uetetic soc yu'un tan, soc spisil te q'uinal c'alal ta sba be-ha' yu'un Cedrón, c'alal ta xuhc ta ochibal yu'un Cawuhetic ta stojol banti ya xloc' tal c'ahc'al, ha ch'ultesbil ta stojol Jehová. Mayuc bin ora ya yich'ix xan bulel soc jinel, xchi.

Jeremías 36:30

Ha yu'un hich yaloj te Jehová sc'oblal Joacim ajwalil yu'un Judá: Ma me ayuc sts'umbal ya shuhcan sba ta shuctajib David, soc te sbaq'uetal ya x'ac'ot ta sc'uxul c'ahc'al soc ta sc'uxul sic ta ahc'abal.

Jeremías 9:20

Antsetic, a'iybeya awa'iyic sc'op te Jehová; ac'a ya'iy achiquinic te sc'op te ya xloc' ta ye. A'beyahic snop oq'uel te awantsil-nich'anic; a'beyahic snop mel-o'tan c'ayoj mach'a jun awo'tan soc,

Jeremías 9:21

como te lajel mohemix tal ta ventanahetic cu'untic soc ochemix talel ta nahetic yu'un ajwalil cu'untic, yu'un ya slajinlan te alaletic ta callehetic soc te jcolel queremetic ta plazahetic.

Jeremías 9:22

Hich me xawal: Hich ya yal te Jehová: Te schamen baq'uetalic te ants-winiquetic limilic ya xhil ta lum, hich te bin ut'il stsa' chambahlam ta sba aquiltic, hich te bin ut'il tohmoltohm ya xhil ta spat te jset'-trigo, te mayuc mach'a ya stsob, xchihat me.

Ezequiel 29:5

Pajal ya cac'at hilel ta jochol taquin q'uinal soc spisil te chayetic yu'un te muc'ul-ha'etic awu'une; ya xbuchat ta yohl q'uinal, ma ba yac awich' tsobel o tamel. Ya cac' sti'at ti'awal chambahlametic ta q'uinal soc te mutetic te ya xwihlic ta toyol.

Ezequiel 39:5

Ya me xyahlat cohel ta yohl q'uinal, como hich caloj, xchi te Jehová, te Ajwalil.

Ezequiel 6:5

Ya ca'be te schamen baq'uetalic te snich'nab Israel ta stojol te loc'ombahetic yu'unic, soc ya jpucbeyex abaquelic ta sjoyobal te scajtajib ta chiq'uel mahtanil awu'unique.

Ezequiel 8:16

La yic'on bahel ta amac' ta yutil te ay ta sna Jehová; tey ta yochibal te templo yu'un Jehová, ta ohlil yu'un te ochibal soc te scajtajib ta chiq'uel mahtanil, ay ho'eb scha'winic (25) ta tuhl winiquetic swalac'patiyejic te templo, te sit yelawic ay ta stojol ta banti ya xloc' tal c'ahc'al, snijanej sbahic, yac sch'uhuntaybelic te c'ahc'ale.

Sofonías 1:17

Ya ca'be swocol te ants-winiquetic, hich ya xbehenic te bin ut'il ts'o'sitetic, como la sta smulic ta stojol Jehová. Ya xmalbot sch'ich'elic hich te bin ut'il ts'u'lum, soc te sbaq'uetalic hich te bin ut'il tsa'.

Sofonías 1:5

Ya jlajin te mach'atic ya squejan sbahic ta sba sna ta sch'uhuntayel te bayel eq'uetic ta ch'ulchan, te mach'atic ya squejan sbahic yu'un ay bin ya yalic ta jamal ta scuenta Jehová soc yu'un ay bin ya yalic ta scuenta Milcom;

Hechos 7:42

Ha yu'un pihtesotic yu'un Dios, ac'ot te la sch'uhuntayic te bintic ayic ta ch'ulchan; hich te bin ut'il ts'ihbabil hilel ta shun te jalwanejetic: Israeletic, ¿la bal awa'bonic milbil mahtaniletic soc mahtaniletic te cha'winic (40) ha'bil te ayex ta jochol taquin q'uinal?

Deuteronomio 17:3

teme baht sch'uhuntay yantic diosetic soc la squejan sba ta stojolic, o ta stojol te c'ahc'al, u, o spisil bintic ay ta ch'ulchan, ha te la jcal te ma hichuc ay ta pasele;

Deuteronomio 4:19

Soc ma me xatoy mohel asit ta ch'ulchan, te c'alal yac awil te c'ahc'al, u, eq'uetic, spisil te bintic ayic ta ch'ulchan, te ya yu'untaybat awo'tan, te yac aquejan aba ta stojolic soc te yac ach'uhuntay, como ta spisil ini te Jehová te Dios awu'un la yac'ticlambe spisil te nacionetic ta ye'tal te ch'ulchane.