Jeremías 8:12 - Bible in Tzeltal Bachajón

¹² ¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Bible in Tzeltal de Oxchuc y Tenejapa

¹² Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Jeremías 8:12 ပူးပေါင်းရင်းမြစ်များ

Génesis 19:34

Ta yan c'ahc'al, te wixil la yalbe te yihts'in: La joquin ta wayel ahc'abe te jtatique. Ha nix hich yo'tic ta ahc'abal ya ca'betic yuch' vino, ha'at me ya x'ochatix bahel, yac ajoquin ta wayel scuenta yu'un ay sts'umbal ya xc'oht a te jtatic, xchi.

Salmos 52:1

¿Bin yu'un yac atoy aba yu'un te bin chopol, ha'at te bayel awip? ¡Te sc'uxul yo'tan Dios stalel ay!

Salmos 52:7

Ha te mach'a ma ha'uc ahnibal c'ohem yu'un te Diose, te ha la smuc'ulin yo'tan te bayel sc'ulejal, soc te la yich' yip ta bin chopol, xchihic.

Isaías 24:2

Pajal bin ya xc'oht ta stojol te pueblo soc te sacerdote, te a'bat soc te yajwal, te criada soc te yajwal, te jmambajel soc te jchombajel, te mach'a ya yac' ta majanel soc te mach'a ya smajan, te mach'a ay sbet soc te mach'a ya yac' ta betanel.

Isaías 3:9

Ha nix ya xchicnaj ta sit yelawic te smulique; hich te bin ut'il Sodoma ya spuquic ta halel te smulique, ma ba ya smuquic. ¡Ay me swocolic! Ha nix ta scuentahic te ay swocolique.

Jeremías 10:15

Ma xtuhun, tojol a'tel; ta yorahil yich'el castigo, ya xlaj.

Jeremías 14:15

Ha yu'un hich yaloj Jehová sc'oblal te jalwanejetic te ay bin ya yalic ta scuenta te jbihil, te ma ba jticonej, soc te hich ya yalic: Ma xtal espada o wi'nal ta q'uinal ini, te xchihique. ¡Ya xlajic ta espada soc ta wi'nal te jalwanejetic ini!

Jeremías 23:12

Ha yu'un te be yu'unic hich ya xc'oht te bin ut'il bilil be ta yihc'al q'uinal, ya yich'ic tsulq'uinel, ya xyahlic tey a; yu'un ya quich'be tal bin chopol ta stojolic te bin ha'bil ya xtal te castigo yu'unique, xchi te Jehová.

Jeremías 3:3

Ha scuentahil te la yich' comel te ha'ale, te ma ba la yac' ha'al ta yorahil te ya xyaxub te q'uinale. Pero hich awelaw te bin ut'il jmulawil ants, ma ba la ac'an ya xq'uexawat yu'un.

Jeremías 44:10

C'alal ora yo'tic ma ba pehc'ajem yo'tanic soc ma ba xi'ojic; ma ba st'unojic te Ley cu'un o te mandariletic te la jca'beyex ta atojolic soc ta stojol te ame'atatique.

Jeremías 6:15

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Jeremías 6:21

Ha yu'un hich ya yal te Jehová: Ya cac' te bin ya sc'ohchin sba a te pueblo ini, pajal ya xyahlic tey a te tatiletic soc al-nich'aniletic; ya xch'ayic bahel te spat-xuhquic soc mach'atic jun yo'tan sbahic, xchi.

Ezequiel 23:18

Hich la yac' chicnajuc te antsinel yu'un soc te la swahtan sba, ha yu'un la jp'aj ho'on, hich te bin ut'il la jp'ajbe te swixe.

Oseas 5:9

Ya yich' jinel Efraín ta sc'ahc'alel castigo; ta chahpalchahp yu'un Israel ya cac' ta na'el te bin smelelile.

Sofonías 3:5

Ha toj stuquel te Jehová te ay ta yohlil, mayuc bin chopol ya spas; ta jujun sab ya yac' chicnajuc te stojil ya'tel, ma ba ya spas falta; yan te mach'a chopol, ma sna'be sba te q'uexlale.

Deuteronomio 32:35

Ho'on ay ta jcuenta sutbeyel spacol soc te ya ca'be stoj; ya me sta yorahil te ya xbilts'uj yoc, como nopolix ya xhahch swocolic, ahnimal ya xtal te bin chapal ya yich'ique.

Filipenses 3:19

Ch'ayel me ya xbahtic yu'un, ha dios yu'unic te sch'uhtic, soc te yutsilalic ha te bin q'uexlaltic sba, ha nax bahem ta yo'tanic te bintic scuenta bahlumilal.