Jeremías 7:9 - Bible in Tzeltal Bachajón

⁹ Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Bible in Tzeltal de Oxchuc y Tenejapa

⁹ Ya awaiyic elec', milaw, mulwej, soc ya awalic lotil c'op, soc ya awac'bey pom te lotil dios Baal, soc ya ach'uunic diosetic te ma'yuc swentaile.

Jeremías 7:9 ပူးပေါင်းရင်းမြစ်များ

1 Reyes 18:21

Te Elías nohpoj tal ta stojol te pueblo, hich la yal: ¿Jayeb xan ora te xyahl xmo awo'tanic te cheb bin anopojic? Teme ha Dios te Jehová, t'unahic; teme ha te Baal, t'unahic bahel hiche, xchi. Ma ba la sjaq'uic te pueblo.

Éxodo 20:3

Ma me ayuc yantic diosetic awu'un ta jtojol.

Isaías 1:13

Ma me xawich'boniquix tal mahtanil te mayuc sc'oblal; ya quihlay te pom. Ma xcuhchix cu'un te yuhnenal u, te sc'ahc'alel cux-o'tan soc te tsoblejetic awu'unique.

Isaías 58:2

Jujun c'ahc'al ya slehonic, yo'tanuc yilel te ya sna'be sba te behetic cu'un, hich c'ohemic te bin ut'il jun pueblo te ya spas te bin stojil ta pasel soc te ma ba hilem yu'unic te ley yu'un te Dios yu'unique. Ya sc'ambonic stojil chahpanel, soc ya sc'anic yilel te ya xnohpojic ta stojol Dios.

Jeremías 1:16

Ya cal te castigo ya xc'oht ta stojolic ta scaj spisil schopolilic yu'un te la yihquitayon ta yo'tanic, la schic'beyic pom yantic diosetic soc la sch'uhuntayic te bintic la spas ta sc'abic.

Jeremías 11:13

Ha'at, Judá, hich yipal diosetic awu'un te bin ut'il pueblohetic awu'un; soc ha'at, Jerusalén, te scajtajib ta chiq'uel mahtaniletic yu'un q'uexlal te la apasic scuenta schic'beyel pom te Baal, hich yipalic te bin ut'il te callehetic awu'une.

Jeremías 11:17

Te Jehová te scuentahinej spisil, te mach'a la sts'unat, yalojix mandar te ay bin chopol ya xc'oht ta atojol, ta scaj te bintic chopol spasojic te sna Israel soc te sna Judá, te hich la shachbonic quilimba yu'un te la schic'beyic pom te Baal, xchi.

Jeremías 13:10

Te chopol pueblo ini, te ma sc'an ya ya'iybon jc'op, te ya st'unic bahel te stulanil yo'tanic soc ya st'unic bahel yantic diosetic yu'un ya yac' sbahic ta a'batinel yu'unic soc ya sch'uhuntayic, hich ya xc'ohtic te bin ut'il te chuquil ch'uhtul ini, te jc'axel ma xtuhune.

Jeremías 18:15

¡Pero te pueblo cu'un ch'ayon ta yo'tanic, ya schic'be pom te loc'ombahetic te ma xtuhunique! La sc'ohchin sbahic ta behetic yu'unic, ta namey behetic, st'unojic joybehetic, ma ha'uc chapal behetic.

Jeremías 19:4

como la yihquitayonic soc yan c'oht yu'unic a te lugar ini te bin ut'il la schic'beyic pom yan diosetic te ma ba sna'beyejic sba, ni ha'uc te sme'static o te ajwaliletic yu'un Judá; soc te lugar ini la snojesic ta sch'ich'el te mach'atic mayuc smulique.

Jeremías 32:29

Te caldeohetic te yacalic ta ya'beyel guerra te pueblo ini ya me x'ochic talel, ya me schiq'uic ta c'ahc' te pueblo soc te nahetic te banti la schic'beyic pom te Baal ta sba nahetic soc banti la ya'beyic malbil mahtaniletic te yantic diosetic, yu'un ya shachbonic quilimba.

Jeremías 44:3

ta scaj te bintic chopol la spasic, te la yac' ilinucon yu'un, ha te la ya'beyic smahtanin pom soc la sch'uhuntayic yantic diosetic te ma ba sna'beyejic sba, ni ha'uquex ni ha'uc te ame'atatique.

Jeremías 44:8

¿Bin yu'un yac awac' ilinucon yu'un te ya'tel ac'abic, ha te yac awa'beyic pom te yantic diosetic ta sq'uinal Egipto ta banti talemex ta nahinel, te yac alehic ajihnelic, te ya xc'atp'ujex ta bin chopol sc'oblal soc ta bin p'ajbil ta stojol spisil te nacionetic ta bahlumilal?

Jeremías 44:9

¿Ch'ay balix ta awo'tanic te bintic chopol la spasic te ame'atatic, te bintic chopol la spasic te ajwaliletic yu'un Judá soc te yihnamic, soc te bintic chopol la apasic te ha'ex soc awihnamic ta sq'uinal Judá soc ta callehetic yu'un Jerusalén?

Jeremías 48:35

Hich ya yal te Jehová: Ya jlajin ta Moab te mach'atic ya yaq'uic chic'bil mahtaniletic ta toyol awilaletic soc te ya schic'beyic pom te diosetic yu'unic, xchi.

Jeremías 5:2

Aunque ya yalic: Yiloj Jehová, te xchihique, ma meleluc ya yalic ta jamal, xchi te Jehová.

Jeremías 5:7

Hich ya yal te Jehová: ¿Bin ut'il ya jpasbat perdón yu'un spisil ini? Te anich'nabic la yihquitayonic, soc la yalic ta jamal ta scuenta te bin ma diosuc. La jcac'ticlambe spisil te bintic tuhun yu'unic, pero la ya'iyic antsiwej soc la stsob sbahic ta sna j'antsinel antsetic.

Jeremías 7:6

teme ma ba yac awuts'inic te jyanlum, te me'ba' o te me'ba' ants, teme ma ba yac amalbe sch'ich'el ta lugar ini te mach'a mayuc smul, soc teme ma ba yac at'unic bahel jyanlum diosetic te yac ata awocolic yu'une,

Ezequiel 18:18

Pero te stat, te bin ut'il la ya'iy uts'inwanej, la yelc'ambe sbiluc te yermano soc la spas te bintic ma lecuc ta yohlil te slumale, ha ya xcham yu'un te smule.

Ezequiel 20:30

Ha yu'un hich xawalbe te sna Israel: Hich yaloj te Jehová: ¿Ma bal hichuc yac abohlobtes abahic te bin ut'il ame'atatic soc yac awac' abahic ta antsinel ta stojol te bintic ilobtic sba yu'unique?

Ezequiel 23:39

Te c'alal la yaq'uic ta milbil mahtaniletic te yal-snich'nabic ta stojol te loc'ombahetic yu'unic, ha nix yorahil a ochic talel ta ch'ul awilal cu'un, hich la sbohlobtesbeyic sc'oblal. ¡Hich la spasic ta jna!

Ezequiel 5:11

Ha yu'un, cuxulon, xchi te Jehová, te Ajwalil, te bin ut'il la abohlobtesbonic sc'oblal te ch'ul awilal cu'un ta scuenta spisil te bintic ilobtic sba awu'un, ha nix hich ya me jlajinat; ma ba ya jpasbat perdón, ma ba ya jna'bat yo'bolil aba.

Oseas 2:13

Ya ca'be castigo yu'un te jayeb c'ahc'al te la schic'be pom te baaletic, te c'alal la sch'ahl sba ta ch'ocowiletic soc uhaletic soc la st'un bahel te mach'atic mulanot yu'un, te la sch'ayon ta yo'tan, xchi te Jehová.

Oseas 6:9

Hich te bin ut'il j'eleq'uetic ya smacliyic jtuhl winic, hich ya spas jchahp sacerdotehetic, ya xmilawanic soc ya spasic bintic ilobtic sba ta be te ya xbaht ta Siquem.

Amós 4:5

Ac'a pan te yich'oj levadura scuenta mahtanil ta yalel wocol, soc pucbeyahic ta bayuc sc'oblal te mahtaniletic te sc'anojel awo'tan yac awaq'uique, como hich yac ac'anic, snich'nabex Israel, xchi te Jehová, te Ajwalil.

Sofonías 1:5

Ya jlajin te mach'atic ya squejan sbahic ta sba sna ta sch'uhuntayel te bayel eq'uetic ta ch'ulchan, te mach'atic ya squejan sbahic yu'un ay bin ya yalic ta jamal ta scuenta Jehová soc yu'un ay bin ya yalic ta scuenta Milcom;

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Romanos 2:2

Jna'ojtic te Dios ya yich' ta c'op ta smelelil te mach'atic hich ya spasique.

Deuteronomio 32:17

La ya'beyic milbil smahtan pucujetic, ma ha'uc te Diose, ha diosetic te ma ba sna'beyejic sba, ha diosetic te ach' to nax chicnaj, te ma ba ich'bilic ta muc' yu'un te ame'atatique.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.

Jueces 5:8

C'alal la stsahic yantic diosetic, hulix guerra a ta yochibal te pueblohetic; ma ba chicnaj mahquilal o lanza ta yohlil ho'pic (40,000) ta tuhl ta Israel.