Jeremías 7:8 - Bible in Tzeltal Bachajón

⁸ Pero ha ya smuc'ulin awo'tanic te lotil c'op te ma xtuhune.

Bible in Tzeltal de Oxchuc y Tenejapa

⁸ Te ja'ex ya awich'ic ta muc' te lo'layel c'op te ma xtuun ta jyalele.

Jeremías 7:8 ပူးပေါင်းရင်းမြစ်များ

Isaías 28:15

Hich la awalic: Jchapoj jc'optic soc te lajele, jchapoj jc'optic soc te muquenale. Te c'alal ya xtal tulan wocol ma ba ya stahotic; como ha cac'ojtic ta ahnibal cu'untic te lote, ya jnac' jbahtic ta stojol te bin ma meleluque, xchihex.

Isaías 30:10

Hich ya yalbeyic te j'ilawetic: Ma me xawilic nahalsitil, xchihic, soc hich ya yalbeyic te jalwanejetic: Ma me xawalbotic te bin stojil ta pasel; halbotic ca'iytic t'ujbil c'opetic nax, halahic te bintic sjel ta lec;

Isaías 59:4

Mayuc mach'a yac sc'ambel stojil chahpanel, mayuc mach'a toj ya xc'opoj ta chahpanel. Ha smuc'ulinej yo'tanic te c'op te mayuc scuentahil, soc ya yalic lot; ya swolic bintic chopol, ya yayintesic mulil;

Jeremías 13:25

Hich ya xc'oht ta acuenta, ha te bin la jp'is te yac awich', xchi te Jehová, como la ach'ayon ta awo'tan, soc ha la smuc'ulin awo'tan te lot.

Jeremías 23:26

¿Jayeb xan c'ahc'al te hich ay ta yo'tanic te jalwanejetic te ya yalic lotil c'op, te ya yalic te lo'loywanej te ay ta yo'tanique?

Jeremías 23:32

Melel ya jcontrahin te jalwanejetic te ya yalic slotil wayichic, te ya yalbeyic te pueblo cu'un, te hich ya yac' howiyuc ta scuenta slotic soc sbaba-c'opic. Ma ba la jticon soc ma ba la jcalbe mandar. Mayuc bin lec loq'uem yu'unic a te pueblo ini, xchi te Jehová.

Jeremías 28:15

Ha yu'un te jalwanej Jeremías hich la yalbe te Hananías: ¡A'iya awa'iy, Hananías! Ma ba sticonejat te Jehová, la awa'be smuc'ulin yo'tanic lot te pueblo ini.

Jeremías 4:10

Hich la jcal: Ay, Jehová, Dios, mero la alo'loy te pueblo ini soc te Jerusalén, yu'un hich la awal: Ay me lamal q'uinal awu'unic, xchihat, pero ay ta jnuc'cotic te espadahe, xchihon.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Jeremías 7:4

Ma me smuc'ulin awo'tanic te lotil c'opetic ini, te hich ya yal: ¡Ha templo yu'un Jehová, ha templo yu'un Jehová, ha templo yu'un Jehová! te xchihe.

Jeremías 8:10

Ha yu'un te yihnamic ya cac' ta sc'ab yan winiquetic, soc yan yajwalic ya xc'oht te sq'uinalique. Como ta spisilic, muc' biq'uitetic, ya xbic'taj yo'tanic ta stahel taq'uin; te jalwanejetic soc sacerdotehetic, spisilic ya ya'iyic lo'loywanej.