Jeremías 7:6 - Bible in Tzeltal Bachajón

⁶ teme ma ba yac awuts'inic te jyanlum, te me'ba' o te me'ba' ants, teme ma ba yac amalbe sch'ich'el ta lugar ini te mach'a mayuc smul, soc teme ma ba yac at'unic bahel jyanlum diosetic te yac ata awocolic yu'une,

Bible in Tzeltal de Oxchuc y Tenejapa

⁶ teme ma ba ya atojol-uts'inic te jyanlumetic, te me'ba alaletique, soc te me'ba antsetique, teme ma xamilic te mach'a ma'yuc smul li' ta bay q'uinal to, teme ma xach'uunic yantic loc'ombaetic, te ja'ex nix te tey ya aboltes abaic a,

Jeremías 7:6 ပူးပေါင်းရင်းမြစ်များ

2 Reyes 21:6

Soc la yac' ta chiq'uel te snich'an; la spasbe seña ta ilel soc j'ac'-chamel, la sc'oponlan te mach'a ya sc'opon ch'uhlelaletic soc te j'ilojel. Hich p'ohl yu'un te bin chopol ta stojol Jehová te la shachbe yilimba a.

2 Reyes 24:4

soc ta scaj te la smalbe sch'ich'el te mach'a mayuc smul, ha noj ta ch'ich' te Jerusalén. Ha yu'un te Jehová ma ba la sc'an la spasbe perdón.

Salmos 106:38

La smalbeyic sch'ich'el mach'a mayuc smul, ha te sch'ich'elic te querem soc ach'ixetic yu'unic, ha te la yaq'uic ta milbil mahtanil ta stojol te loc'ombahetic yu'un Canaán; bohlob te q'uinal yu'un te sch'ich'elique.

Proverbios 23:10

Ma me xajeltaybe yawil te antiguo mojon, soc ma me xapojbe sq'uinalic te me'ba'etic,

Isaías 59:7

Te yoquic ya x'ahnimajic ta stojol te bin chopol, ya suj sbahic ta smalbeyel sch'ich'el te mach'a mayuc smul. Te bin snopojic, ha te bin chopol, ay jinel soc lajinel ta behetic yu'unic.

Jeremías 13:10

Te chopol pueblo ini, te ma sc'an ya ya'iybon jc'op, te ya st'unic bahel te stulanil yo'tanic soc ya st'unic bahel yantic diosetic yu'un ya yac' sbahic ta a'batinel yu'unic soc ya sch'uhuntayic, hich ya xc'ohtic te bin ut'il te chuquil ch'uhtul ini, te jc'axel ma xtuhune.

Jeremías 19:4

como la yihquitayonic soc yan c'oht yu'unic a te lugar ini te bin ut'il la schic'beyic pom yan diosetic te ma ba sna'beyejic sba, ni ha'uc te sme'static o te ajwaliletic yu'un Judá; soc te lugar ini la snojesic ta sch'ich'el te mach'atic mayuc smulique.

Jeremías 2:30

Tojol la jca'be castigo te anich'nabic, ma ba la yich'ic ta cuenta te tojobtesele. Te espada awu'unic la slajinlan te jalwanejetic hich te bin ut'il choj ya xbutsticlanwan.

Jeremías 2:34

Ta ac'u' apac' ya xchicnaj sch'ich'el te pobrehetic te mayuc smulic, aunque mayuc bin chopol la atahbe. Aunque hich ay, hich yac awal:

Jeremías 26:15

Pero na'ahic me teme yac amilonic, ya xc'oht ta atojolic te sch'ich'el mach'a mayuc smul soc ta stojol te pueblo ini soc te mach'atic nahinemic tey a, como melel sticonejon ta atojolic te Jehová yu'un ya calbeyex spisil te c'opetic ini te yac awa'iybelique, xchi.

Jeremías 26:23

La yiq'uic loq'uel tal ta Egipto te Urías, la yiq'uic ta stojol te ajwalil Joacim, te ha la smil ta espada soc la sch'ojbe bahel sbaq'uetal ta comon muquenal.

Jeremías 35:15

Bayel buelta la jticombeyex te jalwanejetic te a'batetic cu'une, yu'un hich ya yalbeyex: Jujutuhlex, ihquitayahic hilel te chopol be awu'unic, ach'ubtesa awa'telic; ma me xat'unic yantic diosetic yu'un yac awac' abahic ta a'batinel yu'unic. Hich ya xcuxajex ta q'uinal te la jca'beyex soc ame'atatic, xchihon. Pero ma ba la awa'iybonic jc'op soc ma ba la awich'onic ta cuenta.

Jeremías 5:28

Juhp'ic soc t'ujbil ta ilel, c'ax bayel bintic chopol ya spasic. Ma ba toj la schahpanic te me'ba' yu'un lec ya xc'ohtic. ¡Ma ba c'opojic yu'un te pobrehetique!

Jeremías 7:5

Teme melel yac atojobtesic te behetic awu'unic soc te awa'telic, teme melel talel c'axel yac apasbe abahic te bin stojil,

Jeremías 7:9

Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Lamentaciones 4:13

Ha ta scaj smulic te jalwanejetic soc te schopolil te sacerdotehetic yu'unic, te tey nix ta yohlil te Jerusalén la smalbeyic sch'ich'el te mach'atic toj yo'tanic.

Ezequiel 18:6

te ma ba ya xwe' ta witsiltic o ma ba ya stoy mohel sit ta stojol te loc'ombahetic yu'un te sna Israel; te ma ba ya sbohlobtesbe sc'oblal te yihnam te spat-xuhc o ma ba ya sjoquin sba soc ants te c'alal yac ta yilel schamel a;

Ezequiel 22:7

P'ajbilic te me'iltatiletic ta awohlil; ya yuts'inic te jyanlumetic ta awohlil, soc ma ba toj bin ya spasbeyic te me'ba' alaletic soc me'ba' antsetique.

Levítico 19:33

C'alal ya sjoquinex ta nahinel ta aq'uinalic te jyanlum, ma xawuts'inic.

Levítico 25:17

Ma me ayuc mach'a ya slo'loy te spat-xuhc, ya me axi'ic te Dios awu'unique; como ho'on, Jehovahon, te Dioson awu'unique.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

San Mateo 27:25

Hich la sjac' spisil te pueblo: Ac'a c'ohtuc ta jtojolcotic soc ta stojol te cal-jnich'ancotic te sch'ich'ele, xchihic.

San Mateo 27:4

hich c'oht yal: La jta jmul yu'un la jcac' ta c'abal te Mach'a mayuc smul, xchi. Pero la yalbeyic: ¿Bin cochelcotic a te ho'otcotique? ¡Ila aba atuquel! la yutic.

Deuteronomio 11:28

ha chopol c'oblalil teme ma ba yac ach'uhumbeyic spasel te mandariletic yu'un Jehová te Dios awu'unic, soc teme yac awihquitayic hilel te bin ya calbeyex ta ora ini yu'un ha yac at'unic bahel yantic diosetic te ma xana'beyic sbahe.

Deuteronomio 24:17

Ma me xayanijtes bin stojil ta pasel ta stojol te jyanlum o te me'ba' alaletic, soc ma me xawich'be hilel sc'u'-spac' te me'ba' antse;

Deuteronomio 27:19

Chopol sc'oblal te mach'a ya sjimbe te bin stojil ay ta pasel ta stojol jyanlum, me'ba' alal o me'ba' ants, xchihic. Hichuc, xchihic me spisil te pueblo.

Deuteronomio 8:19

Yan teme yac ach'ay ta awo'tan te Jehová te Dios awu'un, teme ha yac at'un yantic diosetic, teme yac ach'uhuntay soc yac aquejan aba ta stojolic, jamal ya calbeyex yo'tic te jc'axel me ya xlajex.

Santiago 1:27

Te sch'uhunel Dios te lec soc te mayuc bin chopol tey a ya yil te Jtatic Dios, ha te yula'tayel te me'ba' alaletic soc me'ba' antsetic te ay swocolic, soc te ya scanantay sba te ma xbohlobtesot yu'un te bahlumilale.