Jeremías 7:32 - Bible in Tzeltal Bachajón

³² Ha yu'un ya me sta sc'ahc'alel, xchi te Jehová, te ma ba ya xhalbot sbihil Tofet o te sjuclej yu'un Ben-hinom; ha spamlej yu'un Miltamba ya xc'oht te sbihile. Ya me yich'ic muquel ta Tofet, yu'un mayuc yan lugar.

Bible in Tzeltal de Oxchuc y Tenejapa

³² Ja' yu'un te jo'on te Ajwalilon, jich me ya cal: Ya me sta sc'aalelal te ma ba ya x'albot Tófet te lugare, ni Xatal yu'un Ben-hinom; ja'uc me to, Xatal yu'un Miltomba, xi' me te sbiile. Ta Tófet tey me ya yich' muquel a te animaetic, yu'un ma'yuc yan yawil.

Jeremías 7:32 ပူးပေါင်းရင်းမြစ်များ

2 Reyes 23:10

Soc la sbohlobtesbe sc'oblal te Tofet te ay ta sjuclej yu'un Ben-hinom, scuenta yu'un mayuquix mach'a ya schic' te squerem o yantsil-nich'an ta stojol te Moloc.

Jeremías 19:11

soc hich me xawalbe: Hich yaloj te Jehová te scuentahinej spisil: Ya jwuy te nación soc te pueblo ini, hich te bin ut'il mach'a ya swuy q'uib te pasbil ta ahch'al, te ma xhu' ya scha'pas xane. Ya me xmucotic ta Tofet, yu'un mayuc yan lugar banti ya yich'ic muquel.

Jeremías 19:13

Te nahetic ta Jerusalén soc te nahetic yu'un te ajwaliletic ta Judá hich ya xbohlob sc'oblalic te bin ut'il Tofet, spisil te nahetic banti la schiq'uic pom ta ba na ta stojol te c'ahc'al, u soc te eq'uetic ta ch'ulchan soc te la smalbeyic malbil mahtanil te yantic diosetique, xchi te Jehová.

Jeremías 19:2

bahan ta sjuclej yu'un Ben-hinom te ay ta Yochibal Xeht'elul Q'uibetic; tey yac awal a te c'op ya calbate.

Jeremías 19:6

Ha yu'un ya me sta yorahil, xchi te Jehová, te ma ba ya xhalotix sbihil Tofet te lugar ini, o sjuclej yu'un Ben-hinom, pero ha sjuclej yu'un Milaw.

Jeremías 31:40

Spisil te sjuclej yu'un chamen baq'uetetic soc yu'un tan, soc spisil te q'uinal c'alal ta sba be-ha' yu'un Cedrón, c'alal ta xuhc ta ochibal yu'un Cawuhetic ta stojol banti ya xloc' tal c'ahc'al, ha ch'ultesbil ta stojol Jehová. Mayuc bin ora ya yich'ix xan bulel soc jinel, xchi.

Jeremías 7:31

La spasic scajtajib ta chiq'uel mahtanil ta Tofet ta sjuclej yu'un Ben-hinom yu'un ya schiq'uic tey a te squerem-nich'anic soc yantsil-nich'anic, te bin ma hichuc calbeyej ta mandar, soc mayuc talem ta co'tan.

Ezequiel 6:4

Ya yich' jinel te scajtajib ta chiq'uel mahtanil awu'unic, soc ya yich' wuyel te scajtajib ta chiq'uel pom awu'unic; soc ya cac' te ya xyahlic ta stojol te loc'ombahetic awu'unic te mach'atic awu'unic te ya xlajic ta milele.

Levítico 26:30

Ya jlajimbeyex te toyol awilaletic awu'unic, ya jimbeyex te scajtajib ta chiq'uel pom awu'unic soc ya jbusambeyex te chamen-abaq'uetalic ta sba te chamen-sbaq'uetal loc'ombahetic awu'unic; ihlaybil ya xc'ohex ta co'tan.