Jeremías 7:31 - Bible in Tzeltal Bachajón

³¹ La spasic scajtajib ta chiq'uel mahtanil ta Tofet ta sjuclej yu'un Ben-hinom yu'un ya schiq'uic tey a te squerem-nich'anic soc yantsil-nich'anic, te bin ma hichuc calbeyej ta mandar, soc mayuc talem ta co'tan.

Bible in Tzeltal de Oxchuc y Tenejapa

³¹ Ta bay xatal yu'un Ben-hinom la spasbeyic scajtijib majt'anil ta Tófet swenta yu'un ya xchiq'uic tey a te alalqueremetic ach'ixetic yu'unique, te ma'yuc bay calojbey mandal ta pasel, ma'yuc bay talem ta co'tan ni jtebuc.

Jeremías 7:31 ပူးပေါင်းရင်းမြစ်များ

2 Reyes 17:17

La yac' c'axuc ta c'ahc' te queremetic soc ach'ixetic yu'unic; la yac' sbahic ta jna'ojel soc jwoyaw; la yac' sbahic ta spasel te bintic chopol ta stojol Jehová, hich la shachbeyic yilimba.

2 Reyes 23:10

Soc la sbohlobtesbe sc'oblal te Tofet te ay ta sjuclej yu'un Ben-hinom, scuenta yu'un mayuquix mach'a ya schic' te squerem o yantsil-nich'an ta stojol te Moloc.

2 Reyes 23:20

Soc la smilticlan ta sba te scajtajib ta chiq'uel mahtaniletic spisil te sacerdotehetic yu'un te toyol awilaletic te tey ayic a. La schic'ticlambe sbaquel ants-winiquetic ta sba. Patil suht bahel ta Jerusalén.

2 Crónicas 28:3

La schic' pom ta sjuclej yu'un Ben-hinom soc la schic' te snich'nab, hich te bin ut'il te ihlaybil ya'telic te yantic nacionetic te tenotic loq'uel yu'un Jehová ta stojol te snich'nab Israel.

2 Crónicas 33:6

La yac' c'axuc ta c'ahc' te snich'nab ta sjuclej Ben-hinom, la spasbe ya'tel j'ilojel, jna'ojel soc jpas señahiletic, soc la sjoc'obe te mach'a ya sc'opon ch'uhlelaletic soc bohl espirituhetic. C'ax bayel chopol bintic la spas ta stojol Jehová, ha to c'alal la shachbe yilimba.

Isaías 30:33

Como ayix c'ahc'al chapal te Tofet, chapalix yu'un te ajwalile. Jamal soc c'ubul la yich' pasel te yawil c'ahc' yu'un, soc bayel c'ahc' soc si'. Te yic'al Jehová ya schic' te si' hich te bin ut'il bayel azufre te ya xmal bahel.

Isaías 57:5

te u'untaybil awo'tanic ta spasel mulil ta ye'tal te jihte'etic soc spisil te'etic te pimic ya'binal; te yac awaq'uic ta chic'bil mahtaniletic te awal-anich'nabic ta sjuclejetic soc ta lehch tontiquil?

Jeremías 19:2

bahan ta sjuclej yu'un Ben-hinom te ay ta Yochibal Xeht'elul Q'uibetic; tey yac awal a te c'op ya calbate.

Jeremías 2:23

¿Bin ut'il ay a te hich yac awal: Ma ba bohloben jc'oblal, mayuc bin ora la jt'un bahel te baaletic, te xchihate? Ilawil bin ut'il ayat ta spamlej, na'a me te bin apasoj, yantsilel camellohat te bayuc nax ya x'ahnimajat,

Jeremías 32:34

La yaq'uic bintic ilobtic sba ta na te yich'oj te jbihile, hich la sbohlobtesbeyic sc'oblal.

Jeremías 32:35

La spasbeyic toyol awilaletic yu'un Baal ta sjuclej yu'un Ben-hinom, yu'un ya yaq'uic scuenta chic'bil mahtaniletic te queremetic soc ach'ixetic yu'unic ta stojol Moloc, ha te bin ma ba la jpas ta mandar. ¡Mayuc banti tal ta co'tan te hich ya spasic te bin c'ax ilobtic sba, te hich ya ya'be sta smul a te Judá!

Ezequiel 16:20

Soc la awic'ticlan te aquerem-nich'nab soc awantsil-nich'nab te la awalataybon, la awa'be ta milbil smahtan scuenta swe'elic. Ma tic'uc la awa'iy a te la awac' aba ta antsinel,

Ezequiel 20:26

La jbohlobtesbe sc'oblalic ta scuenta te mahtaniletic yu'unic, ha te c'alal la sc'asesic ta c'ahc' te ba-alaletic yu'unic, scuenta yu'un ya jnojesbe yo'tanic ta xiwel soc ya ca'be sna'ic te ho'on Jehovahon.

Ezequiel 20:31

Como te c'alal yac awac' te mahtaniletic awu'unic, ha te yac ac'ases ta c'ahc' te awal-anich'nabic, la abohlobtes abahic ta scuenta spisil te loc'ombahetic awu'unic c'alal ora. ¿Ya bal sc'an te ya jac'beyex ac'opic, ha'ex sna Israel? ¡Ho'on cuxulon, xchi te Jehová te Ajwalil, ma ba ya jac'beyex!

Levítico 18:21

Ma me xawa'be smahtanin ta c'ahc' ni jtuhluc anich'nab te dios Moloc. Ma me hichuc xawac' bohlobuc sc'oblal sbihil a te Dios awu'une. Ho'on, Jehovahon.

Miqueas 6:7

¿Lec bal ya ya'iy te Jehová teme ay bayel ta mil (1,000) ta coht tat tuminchijetic o lajunmil (10,000) uc'umetic yu'un aceite? ¿Ya bal ca'be te jba jnich'an scuenta stojol te jtoybahil, ya bal ca'be te sit jbaq'uetal scuenta stojol smul te jch'uhlele?

Deuteronomio 12:31

Ma me hichuc xapasbe te Jehová te Dios awu'un, como spisil te bintic ilobtic sba te ya yihlay te Jehová, la spasbeyic te diosetic yu'unique; ha la schiq'uic ta c'ahc' ta stojol te diosetic yu'unic te queremetic soc te ach'ixetic yu'unique.

Deuteronomio 17:3

teme baht sch'uhuntay yantic diosetic soc la squejan sba ta stojolic, o ta stojol te c'ahc'al, u, o spisil bintic ay ta ch'ulchan, ha te la jcal te ma hichuc ay ta pasele;

Deuteronomio 18:10

Ma me xchicnaj ta awohlilic te mach'a ya yac' c'axel ta c'ahc' te squerem o yantsil-nich'an, o te mach'a ya x'a'tej ta jna'ojel, te mach'a ya spasbe seña sna'el te bin chopol ya xc'oht ta pasel, te mach'a ya sna' spasel chopol señahetic, j'ac'-chamel,

Josué 15:8

ya xmo bahel te mojon ta sjuclej yu'un Ben-hinom te ay ta stojol sur yu'un jebuseo, ha te Jerusalén; ya xmo xan bahel ta bahwits te snuhp'usitayej sba soc te sjuclej Hinom, ta stojol smahlib c'ahc'al, ha te ay ta stojol norte yu'un te sjuclej Refaim;